JUANIS 6:27 - Tanou Moonsoi Timugon

²⁷ Pai' kano paguyum ra akanon ondo' mataki' malaat. Kaa' paguyum kano ra akanon ondo' tumaan, ioginio mangani' ra kaayagan motopot am mantilayun. Anak ru Ulun noyo mangani' ramuyun ra akanon ragitio, sabap ra i Aki Kapuuno' noyo galama' nangiou Riso.”

JUANIS 6:27 ပူးပေါင်းရင်းမြစ်များ

MAZMUR 2:7

Indagu raja', “Potonowon ku atan ondo' pinabala' ru Tuhan. Minindagu Io raki', ‘Okou noyo anak Kuno; paat ra orou raiti' masauk Aku ra Ama' muno.

MAZMUR 40:7

Kalo masaga' Kou ra taak simbalui am niayuk taak; kalo makitaak Kou ra taak simbalui koson mapabansuk ra guang Muno, am taak simbalui koson mamuso ra tula. Kaa' nanaak Kou raki' ra talingo ondo' mokorongog ra ragu Muno.

AMSAL 9:5

“Pangakan takau ra akanon pinasulung kutu am panginum takau ra wain ondo' kinutou kutu.

MAMPATANOU 6:7

Ulun gumogot toojo mangandoi koson maguyum ra akanon, kaa' kalo niayuk mapandai maukop.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 55:2

Atan pakuan manimpulus ra ruit amon kolondo' pakuan, am atan pakuan mangandoi amon kalo makaasug Gagayaa' noyo panusuban Kutu, am mangakan kau ra moonsoi, am makaakan ra pasulungon ra mangaamis.

JIRIMIA 15:16

Minindagu Kou raki', am norongog ku moonong ragu Muno. Aku longgom Muno, iou Tuhan i Aki Kapuuno' Ondo' Maayo Kaga' Kuasa'; ginio ra ragu Muno nangani' ra kaansukan am kaansayan raki'.

ABAKUK 2:13

Bansa'-bansa' ondo' kinuasa' min makai' ikang ra kolondo' onong; ngaangai' ondo' baalon nilo makai' kosolob ru apui. Tuhan Ondo' Maayo Kaga' Kuasa' nambaal ra baal ragitio.

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 25:46

Akau ti ukumin ra ukum mantilayun, kaa' ulun motopot mokoowot ra kaayagan mantilayun.”

MATIUS 3:17

Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

MATIUS 6:19

“Pai' no panimung ra rapu' ra tana' ti, ondo' maapu' ru lipos am togol am tokowon ru mantatakou.

MATIUS 8:20

Taam i Jisus, “Munin mokoondo' ra luang no galama' am susuit mokoondo' ra bunsut no galama', kaa' Anak ru Ulun kolondo' intok luyaan am tangusan.”

MARKUS 1:11

Morongog boo bolos ri Aki Kapuuno' mambala'; “Okou noyo Anak Kuno ondo' tagamin Kuno, maansayan Aku Rirun.”

MARKUS 9:7

Ratong boo gaun nangulumput risilo am intor ra ralalom ru gaun no norongog nilo bolos: “Gitio noyo Anak Kutu ondo' tagamin Kutu, rongogo' min Io!”

LUKAS 3:22

am Ambiluo ri Aki Kapuuno' koson ra baal ru susuit asang timinuun Riso. Morongog boo bolos ri Aki Kapuuno' mambala', “Okou noyo Anak Kuno ondo' tagamin Kuno, maansayan Aku Rirun.”

LUKAS 9:35

Kaining nilo bolos intor ra gaun minindagu, “Gitio noyo Anak ondo' pinili' Kutu. Pangkirongog kano Riso!”

JUANIS 10:28

Mangani' Aku risilo ra kaayagan mantilayun koson kalo mapuso ilo. Kolondo' noyo mampagaau risilo intor Raki'.

JUANIS 11:42

Nakapandai Aku ra masalok Kou mangkirongog ra pakiasian Kuno. Kaa' rinagu Ku kon raginio, koson giatilo ondo' soroi ragiti mangintopot ra Okou noyo nanusub Raki'.”

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 15:24

Amon ru kalo binaal Kuno ra saang nilo ondo' kalo igondo' baalo' ru ulun, kolondo' noyo tula nilo. Kaa' kabalu' pana nakakito ilo ra binaal Kuno, masisang ilo niayuk Raki' am Ama' Kuno.

JUANIS 17:2

Iniou Mu noyo Anak manguasa' ra ngaangai' ulun, maa' raginio makapangani' Anak Mutu ra kaayagan motopot am mantilayun ra ngaangai' ulun ondo' pinataak Mutu Riso.

JUANIS 3:15

Maa' raginio moonong ulun ondo' mangintopot Riso mokoowot ra kaayagan motopot am mantilayun.

JUANIS 3:33

Kaa' osoi ayuk mangintopot ra kaintutunan Nano, io no mangiou ra i Aki Kapuuno' no motopot.

JUANIS 6:40

Sabap ra gitio noyo kasagaan ri Ama': moonong ulun ondo' makaulig ra Anak Nano am mangintopot Riso, mokoowot ra kaayagan motopot am mantilayun am mampakaayag Aku risilo paat ra Orou Pupus.”

JUANIS 6:47

Balain takamin toojo: Osoi ayuk mangintopot, mokoowot io ra kaayagan motopot am mantilayun.

JUANIS 6:51

Aku noyo ruti' mampakaayag ondo' timinuun intor ra suruga'. Osoi ayuk mangakan ra ruti' ragitio, maayag io ra mantilayun. Ruti' ra pataakin Kuno, io no inan Kutu, maa' raginio ulun ru tana' ti mokoowot ra kaayagan.”

JUANIS 6:53

Indagu i Jisus risilo, “Balain takamin toojo: Amon ru kalo mangakan kau ra inan ru Anak ru Ulun am manginum ra raraa' Nano, kalo totopot maayag kau.

JUANIS 6:54

Osoi ayuk mangakan ra inan Kutu am manginum ra raraa' Kutu, mokoowot io ra kaayagan motopot am mantilayun am bayagon Ku io paat ra Orou Pupus.

JUANIS 6:58

Gitio noyo ruti' ondo' timinuun intor ra suruga'; Io ti sala' ka koson ra ruti' ondo' inakan ru kinamatuaan mini, ondo' minatoi niayuk. Kaa' ulun ondo' mangakan ra ruti' ti maayag ra mantilayun.”

JUANIS 6:62

Ati poyo kulaan ru makakito kau ra Anak ru Ulun rumuli' ra intor Nali?

JUANIS 6:68

Taam i Simon Pitrus Riso, “Tuhan, osoi poyo angayan mai? Ragu Muno mangani' ra kaayagan motopot am mantilayun.

JUANIS 8:18

Mampaintutun Aku ra baal Kuno galama', am i Ama' ondo' nanusub Raki' i pana, mampaintutun niayuk Raki'.”

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 2:22

“Pabukat kau ngaangai' ulun ru Israil, rongogo' min ragu kuti: I Jisus ulun ru Nasarit i sinusub ri Aki Kapuuno'. Ginio pinakito ramuyun ralalom kaimuagan am tatandu' ondo' binaal ri Aki Kapuuno' ralalom ru Inggalan Nano. Akau ngaangai' makatutun noyo raginio, sabap ra ginio nasauk noyo ra tatanga' min.

ROMA 4:11

Tauli i sinunatan io, am sunat ti tatandu' ra apuon io ri Aki Kapuuno' koson ra sangulun ondo' mobonsoi saguli' Riso sabap ra pangintapatan nali. Intor raginio io no koson ra ama' ru ngaangai' ulun ondo' mangintopot, am ondo' inapu koson ulun ondo' mobonsoi saguli' ri Aki Kapuuno', kabalu' pana kalo sinunatan ilo.

ROMA 6:23

Sabap ra tula no mangkinibit ra kapatayan, kaa' taak ri Aki Kapuuno' no kaayagan motopot am mantilayun mababaya' ri Kristus Jisus, Tuhan takau.

1 KORINTUS 6:13

Mokoondo' niayuk ulun mindagu ra, “Akanon pasuangon ra tinai', am tinai' papasuangan ra akanon.” Ginio motopot: Kaa' karuruo no pusoon ri Aki Kapuuno'. Kaa' kalo moonsoi amon ru ulun mansasawa' ayuk, kaa' musiti' takau mangurumat ra Tuhan ra inan takano pana. Bagu alungin ru Tuhan inan takati.

1 KORINTUS 9:2

Kabalu' pana ra mokoondo' lair ulun ra bokon ondo' kalo mangiou ra aku ti sangulun rasul, kaa' maaru' akau mangiou! Sabap ra kaayagan min koson ra ulun Kristian no rondo' tatandu' noyo ra aku ti sangulun rasul.

2 KORINTUS 4:18

Sabap ra kalo mampakaatang akai ra atan ondo' makito, kaa' ondo' kalo makito no. Atan ondo' makito no, kalo pantilayunon, kaa' ondo' kalo makito no ayuk mantilayun.

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

SAGULION 30:13

Intok no sala' ka niayuk giu' ra sandaup ru raat. Kalo pana mangkuot kau, ‘Osoi kia lumaup ra raat am magibit raginio ramon maa' raginio mokorongog am magagaya' mai?’

PILIPI 2:13

Sabap ri Aki Kapuuno' no galama' magibit ra guang mino mangiou am poyo magagaya' min niayuk atan ondo' kasagaan Nano toojo.

KOLOSI 1:29

Koson mampasingkot ra kandoi raginio, sumingkotog aku toojo. Maayo toojo kuasa' ri Kristus ondo' mabaya' ra kandoi kutu.

KOLOSI 2:22

Sotopot no ngaangai' aturan am pangilaan ti makapakuan ra ulun kaa' pai' ru pantilayunon sabap ra binaal ayuk ru ulun.

KOLOSI 3:2

Moonsoi ru guango' min noyo kaatangan raginio, sala' ka kaatangan ru tana' ti.

1 TISALONIKA 1:3

Makara' mai ralalom pakiasian mai ri Aki Kapuuno', Ama' takau, ati kulaan akau mangintopot ri Kristus, motogom kau ra ulun bokon suku' mapirot toojo mangindangan risilo am poyo maikang lansan mino ra Tuhan takau i Jisus Kristus.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

IBRANI 12:16

Ilalai' noyo ra kolondo' sangulun mansawa' kapoam tumilu ri Isau ondo' kalo nangurumat ri Aki Kapuuno' ragili. Tayar tungkuson nali koson ra anak katuaan inaligan no ra samangkuk akanon ayuk.

IBRANI 4:11

Sabap raginio, piroto' noyo saboi makatangus takau mabaya' Riso. Pai' saboi sangulun pana intor ritakau kalo makatangus mabaya' Riso koson risilo ra galing i, sabap ra kalo nangintopot ri Aki Kapuuno'.

JAKUBUS 1:11

Paat ra mato ru orou sumirang ra mapangit toojo, lumonot boo sakot no am busak nano pana matagag, am kolondo' boo kinoonsoi nano. Koson niayuk ra ulun langkaya', pusoon ra tatanga' io mirot mampaugar ra kandoi nano.

1 PITRUS 1:24

Mokoondo' tinulisan ra Buuk Kitab; “Ngaangai' ulun koson ra sakot, kalo mabuoi maayag, am atan ayuk pana kinoonsoi nilo mogondo' niayuk ra busak. Sakot no lumonot, am busak no mapasa',

2 PITRUS 1:17

Soroi akai ra giu' i paat ra Io inurumat am inanian ra kuasa' ri Aki Kapuuno', Ama' takau. Paat ragili, norongog ra bolos ru Io Ondo' Matulai Kaga', kon Nano, “Gitio noyo Anak tagamin Kutu am Io no kaansayan Kutu toojo.”