JUANIS 6:20 - Tanou Moonsoi Timugon

²⁰ Kaa' indagu i Jisus risilo, “Pai' kau kalaa', Aku noyo gitio!”

JUANIS 6:20 ပူးပေါင်းရင်းမြစ်များ

MAZMUR 35:3

Tanggalo' tutura' am tanggulan Muno koson mampagula' ra ulun-ulun ondo' mangilou raki'. Indagu ra Okou noyo mamamayag raki'.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 41:14

Tuhan mindagu, “Kabalu' pana akau boborok am lamuoi, akau Israil, pai' kalaa', indanganon Takamin. Aku i Aki Kapuuno' ru Israil, i Aki Kapuuno' ondo' matulai, Aku noyo namayag ramuyun.

JISAYA 44:8

Pai' noyo kalaa', akau ulun Kuno! Nakapandai kano intor ra galing suku' ragino nanala' Aku no ra nansalinut kasaukan no; akau noyo sasi'-sasi' Kuno. Suai Raki', kolondo' bokon, am kolondo' manindung ra bokon ondo' kalo poyo napandayan Kuno.”

MARKUS 16:6

Ungkuyon i mindagu risilo, “Pai' kalaa'! Nakapandai aku maguyum kau ri Jisus ulun ru Nasarit ondo' sinalip i. Kalio Io ragiti. Binayag Io saguli'! Ilai', gitio intok napabantaan ra baangkai Nali.

MARKUS 6:50

Paat ra ilo nakakito Riso nangalaa' ilo. Kaa' nataki' i Jisus mindagu risilo, “Pongkoror kau! Pai' kau kalaa'! Aku i Jisus.”

JUANIS 6:19

Nangkabil maamaya' Nano olo'-olo' limo kilomito noyo galur am kakito nilo i Jisus mugar ra rasawat ru timug. Mininggaar Io ra parau i am nangalaa' ilo kaga'.

JUANIS 6:21

Ginio ra masaga' ilo mampasakoi Riso ra parau i am paat ragili niayuk nakasaboi parau i ra intok sukuan nilai.