JUANIS 6:14 - Tanou Moonsoi Timugon

¹⁴ Kakito ayuk ru ulun masuang no kaimuagan sinauk ri Jisus i, konilo, “Totopot Io ti noyo nabi ondo' matong ra tana' ti!”

JUANIS 6:14 ပူးပေါင်းရင်းမြစ်များ

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

MATIUS 11:3

Konilo, “Tuan, balai' akai no, Okou kia kon ri Juanis, Io ondo' matong no, kapoam maginaa kia poyo ra ulun ra bokon?”

MATIUS 21:11

Taam ulun-ulun siminunu' ri Jisus no, “Gitio noyo nabi Jisus, intor ra pekan Nasarit, libung ru Galilia.”

LUKAS 24:19

Pangkuot i Jisus, “Atan guat nasauk i?” Taam ilo, “Ondo' nasauk ri Jisus ulun ru Nasarit i. Io tupo sangulun nabi. Ngaangai' ragu am baalon Nali kinuasa' ri Aki Kapuuno' am ngaangai' mamagun nangiou Riso.

LUKAS 7:16

Ngaangai' ulun nalaa' tojojo am nongompor ri Aki Kapuuno'. Konilo, “Sangulun nabi ondo' makakuasa' minatong ra tatanga' takau! Minatong noyo i Aki Kapuuno' mongoi pamayag ra ulun Nati!”

JUANIS 1:21

Ginio ra pangkuot ilo, “Koson poyo ragino, osoi kou guat? Nabi Ilia kia?” Taam i Juanis, “Sala'.” Pangkuot ilo poyo, “Nabi binantu' i kia?” Taam io, “Sala'.”

JUANIS 11:27

Kon ri Marta, “Iou Tuhan, mangintopot aku ra Okou noyo Anak ri Aki Kapuuno', Mamamayag ondo' inaru' noyo matong ra tana' ti.”

JUANIS 2:11

Ondo' binaal ri Jisus ra Kana, libung ru Galilia, kaimuagan kasaa' Nali. Ginio ra nampakito Io ra Io ti matulai am nangintopot maamaya' Nano Riso.

JUANIS 4:19

Indagu ruandu' i, “Tuan, makapandai aku ra Okou ti sangulun nabi.

JUANIS 4:25

Indagu ruandu' i ri Jisus, “Napandayan ku noyo matong Mamamayag ondo' sinusub ri Aki Kapuuno', ondo' niayuk sabiton ri Kristus. Paat ra Io matong, mambala' Io ritakau ra ngaangai' no.”

JUANIS 4:42

Indagu ilo ra ruandu' i, “Raino mangintopot akai, kaa' sala' ka sabap ra bala' muli ayuk, kaa' akai galama' noyo nangkirongog Riso. Am mangintopot akai ra Io no totopot Mamamayag ra ulun ru tana' ti.”

JUANIS 6:2

Masuang ulun saguguluyur minaya' Riso, sabap ra nakakito ilo ra kaimuagan binaal Nano paat ra Io namabas ra ulun marualan.

JUANIS 6:26

Taam i Jisus, “Balain takamin toojo: Maguyum kau Raki', sabap ra pai' ru nakarati' kau ra kaimuagan binaal Kuni, kaa' nakaakan kau noyo ra ruti' i saboi naasug.

JUANIS 6:30

Ginio ra pangkuot ilo Riso, “Atan kaimuagan baalon Muno, maa' raginio makapangintopot akai Rirun? Ati kia rondo' baalon Muno?

JUANIS 7:40

Mokoondo' kukula' ngaulun ondo' nokorongog ra ragu ni, minindagu ra, “Totopot Io ti noyo Nabi inaanin takau.”

RINALATAN 7:37

I Musa ti noyo minindagu ra bansa' ru Israil ra, ‘Manusub poyo i Aki Kapuuno' ra sangulun nabi intor ra bansa' min galama', koson niayuk ra Io nanusub raki'.’