JUANIS 5:46 - Tanou Moonsoi Timugon

⁴⁶ Amon ru totopot kau nangintopot ri Musa, maaru' nangintopot kau niayuk Raki', sabap ra io pana nanulis noyo intor Raki'.

JUANIS 5:46 ပူးပေါင်းရင်းမြစ်များ

KASAUKAN 12:3

Barakaton Ku ilo ondo' mambarakat rirun, kaa' ulason Ku ilo ondo' magulas rirun. Sabap ra okou no, barakaton Ku ngaangai' bansa' ra tana' ti.”

KASAUKAN 18:18

Papag nano noyo masauk ra bansa' maayo am makakuasa'. Barakaton Ku ngaangai' bansa' ra tana' ti sabap io.

KASAUKAN 22:18

Ngaangai' bansa' ra tana' ti makibarakat ilo Raki' koson niayuk ra Aku nambarakat ra papag muno, sabap ra ginagaya' mu susuban Kuli.”

KASAUKAN 28:14

Papag muno koson ra kinasuang ru kaau ra tana' ti. Kapilaan nilo wilayah nilo ra ngaangai' tampilon, am mimpuun rirun am papag muno, ngaangai' bansa' ru tana' ti makaapu ra barakat.

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

JUANIS 1:45

Katuum ri Pilipus i Natanil am indagu io riso, “Natuum mai noyo Io ondo' tinulisan ri Musa ra Ukum am kon ru nabi-nabi. Io no i Jisus anak ri Jusup intor ra Nasarit.”

JUANIS 5:47

Kaa' amon ru kalo nangintopot kau ra tinulisan nali, ati kulaan akau mangintopot ra atan raguon Kutu?”

RINALATAN 26:22

Kaa' saboi raino ti inindangan aku ri Aki Kapuuno'. Ilai' raino ti, mangani' aku niayuk ra kaintutunan kuno ra ngaangai' ulun, ondo' maatang kapoam kalo. Atan ondo' rinagu kutu koson ayuk ra ondo' pinabala' ru nabi-nabi am niayuk ri Musa:

ROMA 10:4

Pinupusan noyo ri Kristus Ukum ri Musa, maa' raginio osoi ayuk mangintopot Riso, io no pobonsoyon saguli' ri Aki Kapuuno'.

GALATIA 2:19

Maya' ra Ukum ri Musa, aku ti naukum noyo ra potoyon – koson ra minatoi aku no – maa' raginio mobonsoi aku saguli' ri Aki Kapuuno'. Koson aku ti pinasimpung noyo ri Kristus ra salip i.

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

GALATIA 3:24

Koson raginio noyo Ukum ri Musa nagalung ritakau saboi ra rinatangan ri Kristus, maa' raginio mobonsoi takau saguli' ri Aki Kapuuno' sabap ra pangintapatan takau ri Kristus.

SAGULION 18:15

Kaa' manusub Tuhan i Aki Kapuuno' min ra sangulun nabi ramuyun; nabi no koson raki' am iono intor ra bansa' min galama'; musiti' kau gumagaya' riso.