JUANIS 5:39 - Tanou Moonsoi Timugon

³⁹ Gumogot kau mintutun ra Buuk Kitab sabap ra indos min koson raginio akau mokoowot ra kaayagan motopot am mantilayun. Sotopot no Buuk Kitab noyo mampaintutun Raki',

JUANIS 5:39 ပူးပေါင်းရင်းမြစ်များ

MAZMUR 1:2

kaa' masaga' mintopot ra Ukum ru Tuhan am karaan no ginio ra orou rondom.

MAZMUR 119:11

Ukum Muno buliin ku ra guang kuno, maa' raginio kolondo' boo tula kuno Rirun.

MAZMUR 133:3

Baal raginio koson ayuk ra bolobou rasawat ru Gunung Girmon, ondo' rumatu' ra kabuluran Sion. Ra giu' no, Tuhan mapatuun ra barakat Nano, ioginio kaayagan ra kolondo' pupus.

MAZMUR 16:11

Tinuluan Mu aku ra ralan kaayagan; rinatangan Muno mapakaantak raki', am magail ayuk mapabansuk raki'.

MAZMUR 21:4

Minatong Kou riso am napataak Kou ra barakat ondo' mauli', am pinasampak Mu karaun mas ra ulu nano.

MAZMUR 36:9

Naasug ilo ra akanon giu' ra Baloi Muno; pinainum Mu ilo intor ra sungoi moonsoi Muno.

AMSAL 6:23

Panuluan nilono koson ra sisilau ondo' mapaang, am pansawayan nilono manulu' ra ralan kaayagan ondo' moonsoi ramuyun.

JISAYA 34:16

Uyumo' ralalom kitab ru Tuhan am basaa'. Kolondo' rondo' pana intor ra ngaangai' ilo ondo' maayag no matatak kapoam kolondo' tuop. Inaru' noyo ru Tuhan, am Io galama' manimung ra ngaangai' ilo ondo' maayag no.

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

JIRIMIA 8:9

Ulun-ulun ondo' mangapintar ra gino min ngai' tauyuon, maubong am marakop ilo. Marara' ilo mangapu ra ragu Kuno; raino, kapintaran ra atan kia ondo' lakat poyo soroi risilo?

DANIL 12:2

Masuang ulun ondo' minatoi maayag saguli': mokoondo' ondo' makasia' ra kaayagan mantilayun, mokoondo' poyo ondo' maimbolo' ra mantilayun.

MATIUS 22:29

Taam i Jisus, “Mumpara' boo layau ru pangkaraan mino! Akau kalo makarati' ra Buuk Kitab kapoam kuasa' ri Aki Kapuuno'.

MARKUS 10:3

Taam i Jisus ra mangkuot risilo, “Atan guat parinta tinaak ru nabi Musa ramuyun?”

MARKUS 12:10

Kalo kia igondo' kau pambasa' ragu ragitio ralalom ru Buuk Kitab? ‘Batu ondo' pinatiran ru ulun-ulun manambaloi nasauk noyo ra batu maatang.

LUKAS 16:29

Taam i Abragam riso, ‘Sala' ka kia mokoondo' Ukum ri Musa am kitab ru nabi-nabi mampakara' risilo? Polosoon noyo pinongkotob muno gumagaya' ra kaintutunan raginio.’

LUKAS 16:31

Kaa' taam i Abragam riso, ‘Amon ru kalo mangkirongog ilo ra kaintutunan ri Musa am nabi-nabi, kalo niayuk mangintopot ilo kabalu' pana mokoondo' maayag saguli' intor ra kapatayan.’ ”

LUKAS 24:25

Indagu boo i Jisus risilo, “Sasambungon kau toojo! Mumpara' boo buoi min mangintopot ra ngaangai' rinagu ru nabi-nabi!

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

LUKAS 24:44

Kopongo ragili indagu Io risilo, “Gitio noyo rinagu Kuli ramuyun paat ra Aku lakat ayuk poyo soroi ramuyun i; ra moonong baal ondo' tinulisan intor Raki' ralalom Ukum ri Musa, kitab ru Nabi-Nabi am kitab Mazmur, gitio musiti' ukopon.”

JUANIS 1:45

Katuum ri Pilipus i Natanil am indagu io riso, “Natuum mai noyo Io ondo' tinulisan ri Musa ra Ukum am kon ru nabi-nabi. Io no i Jisus anak ri Jusup intor ra Nasarit.”

JUANIS 5:32

Kaa' mokoondo' poyo ondo' mampaintutun intor Raki', am nakapandai Aku ra kaintutunan Nano motopot.

JUANIS 5:36

Kaa' mokoondo' kaintutunan ra bokon ondo' maatang poyo intor ra kaintutunan ri Juanis i. Io ginio atan ondo' baalon Kutu, ondo' pinalansan ri Ama' Raki', ngaangai' ti mampainono' ra i Ama' noyo nanusub Raki'.

JUANIS 5:40

kaa' marara' kau matong Raki' koson mokoowot ra kaayagan motopot.

JUANIS 5:46

Amon ru totopot kau nangintopot ri Musa, maaru' nangintopot kau niayuk Raki', sabap ra io pana nanulis noyo intor Raki'.

JUANIS 7:52

Taam ilo, “Kua saungo' mu Io, okou pana intor ra Galilia kia? Aratio' Buuk Kitab no am mapandayan mu ra kolondo' sangulun pana nabi matong intor ra Galilia.” [

RINALATAN 13:27

Sabap ra ulun minayan ra Jirusalim am tingganai nilo kalo nakatutun ra Io no Mamamayag i. Kalo nangarati' ilo ra nangilaan ru nabi-nabi, kabalu' pana basaan ra moonong orou Sabat. Ginio nangkinibit risilo nangukum ri Jisus am koson raginio norontop noyo ragu ru nabi-nabi.

RINALATAN 17:11

Giu' ra Biria, ulun ru Jaudi moonsoi guang intor ra ulun ru Jaudi giu' ra Tisalonika. Naansayan ilo mangkirongog ra tanou intor ri Jisus. Moonong orou mambasa' ilo ra Buuk Kitab koson magilong ra motopot kia pangilaan ri Paulus ti.

RINALATAN 26:27

Raja' Agripa! Mangintopot kou kia ra rinagu ru nabi-nabi? Maaru' mangintopot kou niayuk!”

ROMA 1:2

Tanou Moonsoi no binantu' noyo ri Aki Kapuuno' ra nabi-nabi Nano ra galing i am pinabatik noyo ra Buuk Kitab.

ROMA 3:2

Maaru' masuang onong! Intor poyo ra talimpuun i, ulun ru Jaudi noyo napalansanan ri Aki Kapuuno' ra ragu Nano.

SAGULION 18:15

Kaa' manusub Tuhan i Aki Kapuuno' min ra sangulun nabi ramuyun; nabi no koson raki' am iono intor ra bansa' min galama'; musiti' kau gumagaya' riso.

SAGULION 18:18

Manusub Aku ra sangulun nabi risilo, nabi koson rirun, am intor ra bansa' nilo galama'. Mapasaboi Aku ra bala' Kuno riso, am io mapasaboi ra ngaangai' susuban Kuno ra ulun raginio.

SAGULION 29:29

Topot ra mokoondo' kukula' baal ondo' kalo pinabala' ru Tuhan i Aki Kapuuno' takau, kaa' nambala' Io noyo ritakau ra Ukum Nano, am itakau am niayuk papag takau musiti' maya' raginio ra sabubuoi no.”

SAGULION 32:47

Pangilaan ti sala' ka ragu ra kolondo' onong, kaa' pangilaan ti noyo painawo min. Gagayaa' noyo ngaangai' no maa' raginio maawar umur min giu' ra tana' ra sandaup ru Sungoi Jordan, tana' ondo' mataki' min ayanin.”

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

IBRANI 11:16

Kaa' sotopot no, mompogogot ilo ra pagun ondo' moonsoi poyo ka inayanan nilo i, iono suruga'. Ginio sabap ri Aki Kapuuno' pana kalo mauyu' ra Io no piawon i Aki Kapuuno' nilo, sabap ra nokopomongo Io noyo ra rondo' bandar risilo.

IBRANI 11:35

Sabap ra pangintapatan noyo, mokoondo' ruandu' napulian ra pabukat nilo ondo' minatoi noyo, sabap ra binayag saguli' ri Aki Kapuuno'. Kaa' mokoondo' poyo nangintopot ondo' inimbolo' saboi minatoi, sabap ra marara' ilo palabuson, maa' raginio bayagon ilo saguli' ra kaayagan ondo' moonsoi poyo.

JOSUA 1:8

Tutuno' noyo maa' raginio magail Kitab ru Ukum basaan ra ulun Kuno paat akau sumambayang. Igila' noyo ra kitab no ra matawang am rondom; tutuno' noyo maa' raginio gumagaya' kou ra ngaangai' ondo' tinulisan ra ralalom no. Koson raginio noyo okou langkaya' am makasugut.

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.