JUANIS 5:35 - Tanou Moonsoi Timugon

³⁵ I Juanis i koson ra lampung ondo' mapaang am mampakasinda, kaa' sangkinolor ayuk akau masaga' siminia' ra sinda nali.

JUANIS 5:35 ပူးပေါင်းရင်းမြစ်များ

2 SAMUIL 21:17

Kaa' i Abisai anak ri Jiruya, minatong nangindangan ra Raja' Daut. Binulunsar ri Abisai maayo ulun no am namatoi riso. Kopongo raginio ulun ru Raja' Daut nakitaak maa' raginio Raja' Daut mambantu' ra kalo boo mongoi pangayou mabaya' risilo. Konilo, “Okou kalansanan ru Israil. Marara' akai matatakan rirun.”

KAINGKUALAN 34:35

am makito nilo makasinda bulos nano. Siliin boo saguli' ri Musa bulos nano saboi ra paat nano mindagu poyo ra Tuhan.

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

DANIL 12:3

Tingganai-tingganai ondo' mapintar suminda koson ra limbowon ondo' mapaang, am ilo ondo' mangila' ra ulun mambaal ra moonsoi am matimpok suminda koson ra butitin ra sabuoi-buoi no.”

MATIUS 11:11

Karaa' min! I Juanis Mampariu' no maatang toojo intor ra ngaangai' ulun giti ra tana' ti. Kaa' ulun ondo' kalo maatang ra gino ngai' ru ulun ri Aki Kapuuno', maatang poyo intor ri Juanis.

MATIUS 21:26

Kaa' amon ru balain takau, ‘Kuasa' ru ulun,’ malaa' takau ra ulun masuang ti, sabap ra ilo ngaangai' ti mangkara' ra i Juanis i sangulun nabi.”

MARKUS 1:5

Masuang ulun intor ra Judia am bandar Jirusalim minongoi pangkirongog ri Juanis am liliwa' nilo nangakun ra tula nilo, riwon ilo ra Sungoi Jordan.

LUKAS 7:28

Indagu poyo i Jisus, “Karaa' min! Giti ra tana' ti, kolondo' sangulun pana maatang intor ri Juanis Mampariu'. Kaa' ulun ondo' kalo maatang ra ulun ri Aki Kapuuno', maatang poyo intor ri Juanis Mampariu'.”

JUANIS 6:66

Intor raginii, masuang maamaya' Nano timinuliar am kalo boo maya' ilo Riso.

2 PITRUS 1:19

Ginio boo ra mangintopot akai no toojo ra bala' ondo' pinasaboi ru nabi-nabi ragili. Ginio ra moonsoi ru karaan min toojo bala' ti, ondo' koson ra pilasut suminda ra intok molondom. Am karaan ginio suku' ratangan saguli' Nano, ondo' koson ra butitin ru sirangon paat ra matawang – Io mampaulig toojo ramuyun ri Aki Kapuuno'.