JUANIS 5:34 - Tanou Moonsoi Timugon

³⁴ Aku kalo pana paintutunon ru ulun, kaa' raguon Ku gitio, maa' raginio bayagon kau.

JUANIS 5:34 ပူးပေါင်းရင်းမြစ်များ

LUKAS 13:34

Jirusalim, Jirusalim! Namatoi kou ra nabi-nabi am binobol mu ra batu ulun ondo' sinusub ri Aki Kapuuno' mongoi rirun! Ingkula' Aku noyo masaga' mampalulur ra ngaangai' mamagun muno, koson ra sanginan manuk puunan mampagupu' ra gogol nano ra kawo nano, kaa' marara' kou!

LUKAS 19:10

Anak ru Ulun no minatong maguyum am mamayag ra ulun nakalayau.”

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

JUANIS 5:32

Kaa' mokoondo' poyo ondo' mampaintutun intor Raki', am nakapandai Aku ra kaintutunan Nano motopot.

JUANIS 5:41

“Kalo makiompor Aku ra ulun.

JUANIS 8:54

Taam i Jisus, “Amon ru makiompor Aku, ginio kolondo' onong. Ondo' mongompor Raki', am i Ama' Kuno. Io noyo iowon min ra i Aki Kapuuno' mino.

ROMA 10:1

Pabukat kau ngaangai', kaandaman ru guang kuno am pakiasian ku ri Aki Kapuuno', ioginio ra ngaangai' bansa' kuno bayagon.

ROMA 10:21

Kaa' koson ra ulun ru Israil, kon ri nabi Jisaya, “Gitio noyo kon ri Aki Kapuuno', ‘Monsongorou Aku maginaa risilo sumaguli' Raki', kaa' ilo no mokotog ulu am kalo gumagaya'.’ ”

ROMA 12:21

Pai' polosoo' kalaatan ru ulun no mangkinibit ramuyun mambalos saguli', kaa' balasi' min kalaatan no ra moonsoi.

ROMA 3:3

Kaa' atan koson amon ru mokoondo' ulun ru Jaudi kalo mampagagaya' ra ragu Nano? Ginio kia mangkinibit ra i Aki Kapuuno' kalo manugut ra bantu' Nano risilo?

1 KORINTUS 9:22

Am poyo ra aku sumimpung ra ulun ondo' malawo pangintapatan, paliso kuno koson ra ulun ondo' malawo pangintapatan, maa' raginio makapangkimait aku risilo mangintopot ri Kristus. Iou, makimogondo' aku noyo ra nansalinut paliso ru ulun, maa' raginio, amon ru maalap, makapangkimait aku ra kukula' ngaulun risilo mangintopot ri Kristus.

1 TIMOTIUS 4:16

Ilalai' kaayagan muno am niayuk pangilaan muno. Porondono' ayuk ngaangai' ti, maa' raginio okou galama' am niayuk ilo ondo' mangkirongog ra pangilaan muno bayagon.

1 JUANIS 5:9

Mangintopot takau ra kaintutunan ru ulun, kaa' mulu' poyo toojo ra kaintutunan ri Aki Kapuuno'. Ginio noyo kaintutunan ri Aki Kapuuno' intor ra Anak Nano, i Jisus Kristus.