JUANIS 5:26 - Tanou Moonsoi Timugon

²⁶ Koson i Ama' noyo intaran ru kaayagan, nogondo' niayuk ra Anak inanian No ra kuasa' koson Io ti pana intaran ru kaayagan.

JUANIS 5:26 ပူးပေါင်းရင်းမြစ်များ

MAZMUR 36:9

Naasug ilo ra akanon giu' ra Baloi Muno; pinainum Mu ilo intor ra sungoi moonsoi Muno.

MAZMUR 90:2

Kalo poyo sinauk Mu ngaangai' bulur, kalo poyo binangun Mu tana' ti, Okou noyo i Aki Kapuuno' ra mantilayun, i Aki Kapuuno' ra sabuoi-buoi no.

KAINGKUALAN 3:14

Indagu i Aki Kapuuno' ri Musa, “Aku noyo AKU. Gitio noyo ondo' musiti' muno paraguon risilo, ‘Io ondo' nanabit ra Io noyo AKU nanusub noyo raki' mongoi ramuyun.’

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

JUANIS 1:4

Ragu ti noyo puun ru ngaangai' kaayagan, am kaayagan ti mampakasinda ra ulun.

JUANIS 10:18

Kolondo' sangulun pana makapamatoi Raki' amon ru kalo iowon Ku. Maya' ra kasagaan Kuno galama' mampataak Aku ra painawo Kuno. Makakuasa' Aku mampataak ra painawo Kuno am maayag saguli'. Ginio noyo nanusuban Raki' ru Ama' Kuno.”

JUANIS 11:25

Indagu i Jisus, “Aku noyo mampakaayag ra ulun minatoi am manaak ra kaayagan. Osoi ayuk mangintopot Raki', kabalu' pana matoi ulun no, maayag Io saguli'.

JUANIS 11:26

Ulun ondo' maayag am mangintopot Raki', kalo mantilayun io matoi. Mangintopot kou kia ragitio?”

JUANIS 14:19

Sangkinolor poyo am ulun ru tana' ti kalo boo makakito Raki', kaa' makakito kau Raki'; am sabap ra Aku ti maayag, akau pana maayag.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 4:10

Taam i Jisus, “Amon ru nakapandai kou ra taak ri Aki Kapuuno' am osoi makitaak rirun ra inumon, maaru' makitaak kou po Riso am mangani' Io rirun ra timug ondo' mampakaayag.”

JUANIS 6:57

I Ama' ondo' maayag nanusub Raki', am makakaayagan Aku intor Riso. Koson niayuk ra osoi ayuk mangakan ra inan Kutu, makakaayagan io intor Raki'.

JUANIS 8:51

Balain takamin toojo: Osoi ayuk gumagaya' ra pangilaan Kuno, ulun no kalo makaili' ra kapatayan.”

RINALATAN 17:25

Mokoondo' Io no ngaangai' am kalo pana indanganon ru ulun. Kaa' Io ondo' nangani' ra ngaangai' ulun ra painawo am kaayagan am atan-atan ayuk.

1 KORINTUS 15:45

Koson ra tinulisan ra Buuk Kitab, “I Adam noyo ulun kasaa' inangun ra makapainawo”, kaa' i Adam ra pupus no, ioginio Ambiluo ondo' mampakaayag.

1 TIMOTIUS 1:17

Io Raja' ra mantilayun, kalo mapuso am poyo kalo maalap kakito, Io no rorondo' ayuk i Aki Kapuuno'. Urumato' am omporo' takau i Aki Kapuuno' ra sabuoi-buoi no. Amin.

1 TIMOTIUS 6:16

Io no rorondo' ayuk mantilayun. Io maayag ra ralalom ru sinda ondo' kalo maalap kainggaari' ru ulun makatula. Kolondo' sangulun pana nakaili' nakakito Riso kapoam makakito Riso. Gama' ru urumaton am manguasa' Io ra sabuoi-buoi! Amin.

IBRANI 1:2

Kaa' paat ra pupupus ti, posoboyon No bala' Nano ondo' pinabala' galing ra Anak Nano. Nansail ra Anak Nati noyo limbowon am tana' ti biningkal No am Anak Nano tatangan ra ngaangai' no.

PINAINTALANG 21:6

Indagu Io, “Nopongo noyo. Aku noyo talimpuun am pupus; Aku noyo kasaa' am pangayaan. Osoi ayuk pinaason, aniin Ku io ra inumon ra kalo kilagain intor ra taur ru timug mampakaayag.

PINAINTALANG 22:1

Malaikat no niayuk nanulu' raki' ra sungoi ondo' mampakaayag. Sungoi no manguliat koson ra kristal am mugar intor ra takhta ri Aki Kapuuno' am Anak Domba no ra tatanga' ralan ru bandar no. Sapapa'-mansapapa' ra kiing ru sungoi no, mokoondo' puun ru mampakaayag ondo' mangkawa' inggopor am ruo sambilor, ioginio igondo' sambulan. Raun nano alapon pamabas ra bansa'-bansa'.

PINAINTALANG 22:17

Ambiluo ri Aki Kapuuno' am Ruandu' Uoton ru Anak Domba mindagu, “Ibok no.” Moonong ulun ondo' mangining ragitio musiti' mindagu, “Ibok no.” Osoi ayuk pinaason am osoi ayuk masaga', ibok am apuo' noyo timug ondo' mampakaayag ra kalo kilagain.

PINAINTALANG 7:17

Sabap ra Anak Domba ondo' soroi ra tatanga' ru takhta no magalung risilo am maningganai risilo mongoi ra taur ru timug ondo' mampakaayag. Am i Aki Kapuuno' mamiir ra lomou ru tangi' intor ra mato nilai no.”