JUANIS 5:21 - Tanou Moonsoi Timugon

²¹ Koson i Ama' mamayag saguli' ra ulun minatoi am manaak risilo ra kaayagan, nogondo' niayuk ra Anak manaak ra kaayagan ra osoi ayuk kasagaan Nano.

JUANIS 5:21 ပူးပေါင်းရင်းမြစ်များ

1 RAJA'-RAJA' 17:21

I Ilia pana nampakubu ra inan nano ra rasawat ru anak no intalu liliwa' makiasi', “Iou Tuhan, i Aki Kapuuno' kuno, bayago' saguli' anak ragitio!”

2 RAJA'-RAJA' 5:7

Pakabasa' raja' ru Israil ra surat no, rilako' no bayang nano sabap ra mangiluk guang. Kono, “Ati kulaan raja' ru Siria no makitaak raki' mamabas ra ulun ti? Mangkara' io nua' ra aku ti i Aki Kapuuno' ondo' makakuasa' koson mamayag am mamatoi ra ulun? Maaru' maguyum-guyum io ra sasaban koson makimansangor raki'!”

JUANIS 11:25

Indagu i Jisus, “Aku noyo mampakaayag ra ulun minatoi am manaak ra kaayagan. Osoi ayuk mangintopot Raki', kabalu' pana matoi ulun no, maayag Io saguli'.

JUANIS 17:2

Iniou Mu noyo Anak manguasa' ra ngaangai' ulun, maa' raginio makapangani' Anak Mutu ra kaayagan motopot am mantilayun ra ngaangai' ulun ondo' pinataak Mutu Riso.

JUANIS 6:63

Ambiluo ri Aki Kapuuno' noyo mangani' ra ulun ra kaayagan, kuasa' ru ulun kalo makapambaal raginio. Ragu Kutu intor ra Ambiluo ri Aki Kapuuno' ondo' mampakaayag ramuyun.

RINALATAN 26:8

Kua ramuyun ti ulun ru Jaudi? Kua kalo makapangintopot kau ra ulun matoi bayagon saguli' ri Aki Kapuuno'?

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

1 KORINTUS 15:45

Koson ra tinulisan ra Buuk Kitab, “I Adam noyo ulun kasaa' inangun ra makapainawo”, kaa' i Adam ra pupus no, ioginio Ambiluo ondo' mampakaayag.

SAGULION 32:39

“ ‘Aku noyo rorondo' i Aki Kapuuno'; kolondo' bokon ondo' ayuk am Aku. Mamutus Aku ra painawo, am manaak Aku ra painawo, mamilat Aku ra ulun, am mamabas Aku ra ulun; kolondo' sangulun pana makagula' ra baalon Kuno.