JUANIS 5:20 - Tanou Moonsoi Timugon

²⁰ Sabap ra motogom i Ama' ra Anak am manulu' Riso ra atan ayuk baalon Nano galama'. Manulu' Io poyo ra Anak ra baal ondo' maatang poyo saboi mangimuag kau ngai'.

JUANIS 5:20 ပူးပေါင်းရင်းမြစ်များ

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 3:17

Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

MATIUS 4:8

Tingganai ru riwato no pana nagibit boo ri Jisus ra rondo' gunung ondo' masawat toojo, am pinakito no Io ra ngaangai' pamarintaan ru tana' ti am kalangkayaan nilono.

LUKAS 10:22

Pinataakan ri Ama' ngaangai' Raki'. I Ama' ayuk rondo' makaulig ra Anak am Anak ayuk rondo' makaulig ra Ama'. Am osoi ayuk kasagaan ru Anak no mambala' am mampaulig ra Ama' Nano.”

JUANIS 1:18

Kolondo' sangulun pana nakakito ri Aki Kapuuno'. Kaa' Anak Langkuir ri Ama' ayuk, ondo' mogondo' Riso am rondo' guang Riso, Io nampaintalang ri Aki Kapuuno'.

JUANIS 10:32

Kaa' indagu i Jisus risilo, “Masuang binaal Kuno ra moonsoi maya' ra nanusuban ri Ama'; ati kia rondo' binaal Kuli ra akau momobol boo Raki'?”

JUANIS 14:12

Ondo' raguon Kutu motopot: Osoi ayuk mangintopot Raki', mambaal ra kandoi mogondo' ra binaal Kuli. Mulu' poyo baalon no ka Aku, sabap ra sumaguli' Aku ri Ama'.

JUANIS 15:15

Kalo boo sabiton takamin ra ulipon, sabap ra ulipon kalo makapandai ra ngaangai' ondo' baalon ru tuan nano. Kaa' sabiton takamin ra rangan Kuno, sabap ra ngaangai' ondo' norongog Kuno intor ri Ama', pinabala' Ku noyo ramuyun.

JUANIS 17:26

Pinaintutun Tokou no risilo, am rayuson Ku poyo ginio; maa' raginio rumondon risilo togom Muno Raki' am Aku pana masimpung risilo.”

JUANIS 3:35

Ama' no motogom ra Anak Nano, am nangani' ra ngaangai' kuasa' Nano Riso.

JUANIS 5:21

Koson i Ama' mamayag saguli' ra ulun minatoi am manaak risilo ra kaayagan, nogondo' niayuk ra Anak manaak ra kaayagan ra osoi ayuk kasagaan Nano.

JUANIS 5:25

Balain takamin toojo: Paat no masuku', am sotopot no nasuku' noyo, ra ulun minatoi pana makapangkirongog ra bolos ru Anak ri Aki Kapuuno', am osoi ayuk mangkirongog am gumagaya', maayag io.

JUANIS 5:29

Mingkual ilo boo intor ra lobong nilai. Osoi ayuk nambaal ra moonsoi, lumuat io am maayag, kaa' osoi ayuk nambaal ra malaat, lumuat io am ukumin.”

2 PITRUS 1:17

Soroi akai ra giu' i paat ra Io inurumat am inanian ra kuasa' ri Aki Kapuuno', Ama' takau. Paat ragili, norongog ra bolos ru Io Ondo' Matulai Kaga', kon Nano, “Gitio noyo Anak tagamin Kutu am Io no kaansayan Kutu toojo.”