JUANIS 5:19 - Tanou Moonsoi Timugon

¹⁹ Taam i Jisus risilo, “Balain takamin toojo: Kalo makapambaal Anak ra atan ayuk pana intor ra kuasa' Nano galama'. Atan ondo' makito Nano baalon ru Ama', ginio ayuk baalon Nano. Sabap ra ondo' baalon ru Ama', nogondo' niayuk ra baalon ru Anak.

JUANIS 5:19 ပူးပေါင်းရင်းမြစ်များ

JUANIS 12:49

Sabap ra kalo minindagu Aku sumugut ra kuasa' Kuno galama', kaa' i Ama', ondo' nanusub Raki', nambala' ra atan ondo' raguon am posoboyon Kuno.

JUANIS 8:28

Indagu i Jisus risilo, “Makainsawat min Anak ru Ulun no, bagu matutunan min ra ‘Aku noyo AKU’. Aku pana kalo boo makapambaal ra atan ayuk pana sumugut ra kasagaan Kuno galama', kaa' paraguon Kuno ayuk ondo' nangilaan ri Ama' Raki'.

JUANIS 14:10

Pilipus, kalo kia mangintopot kou ra Aku ti masimpung ri Ama', am i Ama' pana masimpung Raki'? Atan ondo' rinagu Kuno ramuyun, sala' ka intor Raki' galama', kaa' i Ama' ondo' masimpung Raki', Io galama' mampasauk ra ngaangai' raginio.

JUANIS 10:18

Kolondo' sangulun pana makapamatoi Raki' amon ru kalo iowon Ku. Maya' ra kasagaan Kuno galama' mampataak Aku ra painawo Kuno. Makakuasa' Aku mampataak ra painawo Kuno am maayag saguli'. Ginio noyo nanusuban Raki' ru Ama' Kuno.”

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

JUANIS 9:4

Buoi matawang ayuk poyo, itakau musiti' mangandoi ra atan ondo' pakandayin ru Io ondo' nanusub Raki' i. Matong molondom no am paat raginio kolondo' sangulun pana makapangandoi.

LUKAS 21:15

sabap ra Aku galama' mangani' ramuyun ra kapintaran tumaam, saboi kolondo' sangulun pana pantula' mino makaanggal kapoam makaansang ramuyun.

JUANIS 5:21

Koson i Ama' mamayag saguli' ra ulun minatoi am manaak risilo ra kaayagan, nogondo' niayuk ra Anak manaak ra kaayagan ra osoi ayuk kasagaan Nano.

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

KASAUKAN 1:26

Indagu boo i Aki Kapuuno', “Raino mambaal Takau ra ulun ondo' masauk koson Ritakau am mansalu Ritakau. Ilo manguasa' ra papait, susuit am ngaangai' bibiag ra bokon ondo' masigo am makaup am ondo' boborok am niayuk maayo.”

JUANIS 3:3

Taam i Jisus, “Balain tokou toojo: Kolondo' sangulun pana masauk ra ulun ri Aki Kapuuno' amon ru kalo anakon io saguli'.”

AMSAL 2:6

Tuhan noyo manaak ra kapintaran. Katutunan am karatian Io namuun.

MAZMUR 138:3

Taamon Mu aku bulintok ra aku mampiau Rirun; kinaikang Mu aku saboi aku baani.

MAZMUR 50:6

Limbowon napatanou ra katimpakan ri Aki Kapuuno', sabap ri Aki Kapuuno' noyo akim.

KASAUKAN 1:1

Paat ra talimpuun i paat ri Aki Kapuuno' napasauk ra limbowon am namingkal ra tana' ti.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.

KOLOSI 1:16

Sabap ralalom Nano niayuk i Aki Kapuuno' nampasauk ra ngaangai' ondo' giu' ra suruga' am niayuk giti ra tana' ti: ioginio ngaangai' ondo' maalap kakito kapoam kalo; ngaangai' ondo' manguasa' am mamarinta ra ati ayuk giu' ra rasawat kapoam ra tana' ti. Ngaangai' ru tana' am limbowon sinauk ri Aki Kapuuno' ralalom ri Jisus Kristus koson mangurumat Riso.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

PILIPI 3:21

Sabap ra paat ra ratangan saguli' Nano, inan takati ondo' malawo am mapuso ti, kulawon No sumauk ra baguon mogondo' koson Riso. Mabaal No ginio sabap ra Io mokoondo' ra kuasa' ondo' mapatinduku' ra ngaangai' no Riso.

IPISUS 3:16

Makiasi' aku Riso, ra intor ra kalangkayaan ru barakat Nano, mangani' Io ramuyun ra Ambiluo Nano, koson mampaikang ra guang mino,

IPISUS 2:5

saboi sabap ri Kristus itakau inanian ra kaayagan bagu. Ragili itakau koson ra minatoi ayuk ra pagilangan Nano sabap ra anggal am tula takau, kaa' raino sabap ra asi' ri Aki Kapuuno' binayag takau noyo.

2 KORINTUS 4:14

Nakapandai akai ri Aki Kapuuno', ondo' namayag saguli' ra Tuhan Jisus i, mamayag saguli' ramon mabaya' ri Jisus am niayuk magibit ritakau ngaangai' masisimpung Riso.

1 KORINTUS 15:12

Mampatanou akai no ra i Kristus binayag saguli' intor ra kapatayan. Kaa' kua mokoondo' poyo intor ramuyun no mindagu ra ulun ondo' minatoi noyo kalo boo bayagon saguli'?

ROMA 6:4

Paat ra itakau riniu', ginio noyo koson ra itakau pana linobong mabaya' Riso am magapu ra pinatayan Nali. Maa' raginio, mogondo' ri Kristus binayag intor ra kapatayan ralalom ru kuasa' matulai ri Ama', koson niayuk itakau makaili' ra kaayagan bagu.

RINALATAN 2:24

Kaa' binayag Io saguli' ri Aki Kapuuno' intor ra kapatayan. Pinalabus Io ri Aki Kapuuno' intor ra kaimbalaan ru kapatayan, sabap ra kalo lair maaput Io ru kapatayan.

JUANIS 2:19

Taam i Jisus, “Amon ru lunsayon min Baloi Tuhan ti, motoojo Ku buoi kataluan.”

JISAYA 44:24

“Aku noyo Tuhan Mamamayag ramuyun; Aku noyo namangun ramuyun. Aku noyo Tuhan Namangun ra ngaangai' no. Aku galama' namingkal ra limbowon; Aku namangun ra tana' ti ra kolondo' nangindangan.

KAINGKUALAN 4:11

Indagu boo Tuhan ri Musa, “Osoi kia mangani' ra ulun ra kabang? Osoi kia mopobobou kapoam mapabarat ra ulun? Osoi kia mapakito kapoam mopobolou ra ulun? Aku, Tuhan.

1 TISALONIKA 4:14

Mangintopot takau ri Jisus minatoi am naayag saguli'. Mangintopot takau niayuk ra bayagon saguli' ri Aki Kapuuno' ulun namagatoi ondo' nangintopot ri Jisus, koson masisimpung ilo Riso.

JISAYA 45:24

“Ulun-ulun mindagu, ‘Katimpakan am kaikangan intor ayuk ra Tuhan!’ Ngaangai ulun ondo' masisang Raki' matong ilo Raki' am tauyuon.

KOLOSI 1:11

Gama' ru kuasa' ri Aki Kapuuno' ondo' kolondo' pogondo' mampaikang ramuyun saboi mataan kau ra atan ayuk masauk no mabaya' ra kaansayan am kalo malawo guang min.

MAZMUR 27:14

Pagiimansan kano ra Tuhan! Pangintopot kano Riso am pai' kalawo. Iou, pagiimansan kano ra Tuhan!

MATIUS 26:39

Ugar i Jisus inggalur koborok risilo am kubu ra tana' am pakiasi', “O Ama', amon ru maalap ayuk painggaluro' sangkir kaimbalaan ti intor Raki'! Kaa' pai' gagayaa' kitaakon Kuti, kaa' maya' ra kasagaan Muno Ama'.”

JUANIS 6:38

Sabap ra Aku ti timinuun intor ra suruga' sala' ka mambaal ra kasagaan Kuno galama', kaa' mambaal ra kasagaan ru Io ondo' nanusub Raki'.

JUANIS 12:50

Nakapandai Aku no ra panusuban Nano mangani' ra kaayagan mantilayun. Ginio ra posoboyon Kuno atan ondo' pinabala' ri Ama' no Raki'.”