JUANIS 5:18 - Tanou Moonsoi Timugon

¹⁸ Ragu raginio nangkinibit ra tingganai ru ulun ru Jaudi gumogot poyo mamatoi Riso. Sabap ra sala' ka minanggal Io ayuk ra Ukum ri Musa ra orou Sabat, kaa' minindagu Io poyo ra i Aki Kapuuno' noyo Ama' Nano; arati' no Io galama' mogondo' ri Aki Kapuuno'.

JUANIS 5:18 ပူးပေါင်းရင်းမြစ်များ

JAKARIA 13:7

Mindagu Tuhan Ondo' Maayo Kaga' Kuasa', “Tirong no, okou ilang, am bulunsaro' magagalung ondo' mangandoi Raki'! Potoyo' io maa' raginio domba sampanon nano mantutuliar. Bulunsaron Ku ulun Kuno,

MATIUS 12:5

Kapoam kalo poyo kia igondo' kau pambasa' ralalom ru Ukum ri Musa ra moonong orou Sabat, imam mangandoi ralalom Baloi Tuhan am sotopot no manggal ilo ra ukum ru orou Sabat, kaa' ilo ti kolondo' sala!

JUANIS 1:19

Tingganai ru ulun ru Jaudi giu' ra Jirusalim nanusub ra imam-imam Jaudi am ulun-ulun papag ru Liwi no, mongoi pangkuot ri Juanis, “Osoi kou?”

JUANIS 10:30

Aku am i Ama' no rondo' ayuk.”

JUANIS 10:33

Taam ru ulun ru Jaudi no, “Sala' ka binaal Muno ra moonsoi pamabalan mai Rirun, kaa' sabap ra nagasab Kou tupo ri Aki Kapuuno'. Okou ti ulun ayuk, kaa' makimogondo' Kou boo ri Aki Kapuuno'.”

JUANIS 14:23

Taam i Jisus, “Osoi ayuk motogom Raki', sumugut io ra ragu Kuno. Tagamin io ru Ama' Kuno am matong Akai ruo sumimpung ra ulun no.

JUANIS 14:9

Kaa' taam i Jisus, “Pilipus, nabuoi takano nababaya', kaa' lakat ayuk poyo kalo makaulig kou Raki'? Osoi ayuk nakakito Raki', nakakito io niayuk ri Ama'. Kaa' kua indagu kou po ra, ‘Pakitono' i Ama' no ramon?’

JUANIS 19:7

Taam ulun-ulun ru Jaudi no, “Sumugut ra ukum mai, Io ti musiti' ukumin ra potoyon sabap ra rokoon Nano ra Anak Io ri Aki Kapuuno'.”

JUANIS 5:15

Ugar ulun i am pambala' ra tingganai ru ulun ru Jaudi, “I Jisus ti noyo ondo' namabas raki'.”

JUANIS 5:16

Ginio boo ra timinalimpuun ilo mantipagon ri Jisus, sabap ra namabas Io ra ulun paat ra orou Sabat.

JUANIS 5:17

Kaa' taam i Jisus risilo, “Ama' Kuno magail mangandoi, am Aku pana musiti' mangandoi.”

JUANIS 5:23

Ginio sinauk No koson ngaangai' ulun mangurumat ra Anak nogondo' ra ilo mangurumat ra Ama'. Osoi ayuk kalo mangurumat ra Anak, kalo niayuk mangurumat ra Ama' ondo' nanusub Riso.

JUANIS 7:1

Kopongo ragili, ongoi i Jisus ra ati ayuk intok ra libung ru Galilia. Marara' Io mongoi ra Judia sabap ra tingganai ru Jaudi ra giu' i gumogot mamatoi Riso.

JUANIS 7:19

Sala' ka kia i Musa nangani' ramuyun ra Ukum no? Kaa' kolondo' sangulun pana intor ramuyun no gumagaya' toojo ra Ukum no. Kua gogot kau mamatoi Raki'?”

JUANIS 8:54

Taam i Jisus, “Amon ru makiompor Aku, ginio kolondo' onong. Ondo' mongompor Raki', am i Ama' Kuno. Io noyo iowon min ra i Aki Kapuuno' mino.

JUANIS 8:58

Kon ri Jisus, “Balain takamin toojo: Ra kalo poyo inanak i Abragam, ‘Soroi Aku no’.”

PILIPI 2:6

Intor noyo ra talimpuun Io ti nogondo' ri Aki Kapuuno', kaa' kalo niayuk nampaguang Io ra gondo' Nano ri Aki Kapuuno' ti gonggomon No.

PINAINTALANG 22:1

Malaikat no niayuk nanulu' raki' ra sungoi ondo' mampakaayag. Sungoi no manguliat koson ra kristal am mugar intor ra takhta ri Aki Kapuuno' am Anak Domba no ra tatanga' ralan ru bandar no. Sapapa'-mansapapa' ra kiing ru sungoi no, mokoondo' puun ru mampakaayag ondo' mangkawa' inggopor am ruo sambilor, ioginio igondo' sambulan. Raun nano alapon pamabas ra bansa'-bansa'.

PINAINTALANG 22:3

Giu' ra bandar no kolondo' rondo' pana ondo' inibatan ri Aki Kapuuno'. Takhta ri Aki Kapuuno' am Anak Domba no sumoroi ra bandar no am ulipon-ulipon Nano sumamba Riso ra giu' no.