JUANIS 5:17 - Tanou Moonsoi Timugon

¹⁷ Kaa' taam i Jisus risilo, “Ama' Kuno magail mangandoi, am Aku pana musiti' mangandoi.”

JUANIS 5:17 ပူးပေါင်းရင်းမြစ်များ

MAZMUR 65:6

Bulintok ra akai mampiau tumaam Kou am manaak Kou ramon ra kamanangan; baal-baal makaimuag binaal Mu koson mamayag ramon. Okou kalansanan ru ulun ra titikop ru tana' ti, am ulun giu' ra sandaup ru raat ondo' maalur.

JISAYA 40:26

Tingaano' noyo limbowon am urioo'! Osoi kia namangun ra ngaangai' butitin? Io noyo nanusub ra butitin mingkual koson ra pulalai ru saujor, mapandayan No kula' suang, am mampiau ra inggalan ru moonong butitin! Kuasa' Nano maayo kaga' – kolondo' rondo' butitin pana matatak!

MATIUS 10:29

Mambali kau ra ruo ngainan susuit pilit ra sausin ayuk, kaa' kolondo' sanginan pana maratu' ra tana' no amon ru kalo kasagaan ru Ama' mino.

JUANIS 10:36

Aku pinili' am sinusub ri Ama' matong ra tana' ti. Kua indagu kau ra magasab Aku ri Aki Kapuuno' ra ragu Kuli, ‘Aku ti Anak ri Aki Kapuuno'’?

JUANIS 14:10

Pilipus, kalo kia mangintopot kou ra Aku ti masimpung ri Ama', am i Ama' pana masimpung Raki'? Atan ondo' rinagu Kuno ramuyun, sala' ka intor Raki' galama', kaa' i Ama' ondo' masimpung Raki', Io galama' mampasauk ra ngaangai' raginio.

JUANIS 5:16

Ginio boo ra timinalimpuun ilo mantipagon ri Jisus, sabap ra namabas Io ra ulun paat ra orou Sabat.

JUANIS 5:18

Ragu raginio nangkinibit ra tingganai ru ulun ru Jaudi gumogot poyo mamatoi Riso. Sabap ra sala' ka minanggal Io ayuk ra Ukum ri Musa ra orou Sabat, kaa' minindagu Io poyo ra i Aki Kapuuno' noyo Ama' Nano; arati' no Io galama' mogondo' ri Aki Kapuuno'.

JUANIS 9:4

Buoi matawang ayuk poyo, itakau musiti' mangandoi ra atan ondo' pakandayin ru Io ondo' nanusub Raki' i. Matong molondom no am paat raginio kolondo' sangulun pana makapangandoi.

RINALATAN 14:17

Kaa' kalo linilianan No nangani' risilo ra tatandu' ra Io ti soroi ralalom ru binaal moonsoi Nano: Mamparatu' ra rasam intor ra limbowon am niayuk nampasalula' ra tutuu' ru tana' paat ra pangkawaan nano; mangani' Io po ra akanon am katasuan ru guang min.”

RINALATAN 17:28

Sabap ra kon ru ulun, ‘Maayag am mugar takau am soroi ra tana' ti sabap ra kuasa' Nano.’ Mogondo' niayuk ra kukula' lulupot mino, konilo, ‘Itakau ti ngaangai' anak Nano.’

1 KORINTUS 12:6

Mokoondo' nansalinut kapandayan takau koson mangandoi ra Tuhan, kaa' ondo' mampaikang ra moonong ulun am rondo' ayuk, ioginio i Aki Kapuuno'.

KOLOSI 1:16

Sabap ralalom Nano niayuk i Aki Kapuuno' nampasauk ra ngaangai' ondo' giu' ra suruga' am niayuk giti ra tana' ti: ioginio ngaangai' ondo' maalap kakito kapoam kalo; ngaangai' ondo' manguasa' am mamarinta ra ati ayuk giu' ra rasawat kapoam ra tana' ti. Ngaangai' ru tana' am limbowon sinauk ri Aki Kapuuno' ralalom ri Jisus Kristus koson mangurumat Riso.

1 TISALONIKA 2:13

Gitio rondo' poyo sasaban ra akai masalok maringkuanang ri Aki Kapuuno', ra nangkirongog am nangapu kau po ra tanou intor ri Aki Kapuuno' ondo' pinasaboi maili. Nangapu kau ra tanou no sala' ka koson ra tanou intor ra ulun, kaa' koson ra totopot i Aki Kapuuno' noyo intor ru tanou no. Am Io po nampasauk ramuyun nangintopot ri Kristus.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.