JUANIS 5:15 - Tanou Moonsoi Timugon

¹⁵ Ugar ulun i am pambala' ra tingganai ru ulun ru Jaudi, “I Jisus ti noyo ondo' namabas raki'.”

JUANIS 5:15 ပူးပေါင်းရင်းမြစ်များ

MARKUS 1:45

Kaa' ulun no minugar am mantutunung ra ati-ati ayuk ra io ti binabas noyo. Saboi i Jisus kalo boo makaumpos mintalang ra ati ayuk pekan. Nongkoror Io ayuk ra intok masiluk am ulun intor ra ati-ati minatong Riso.

JUANIS 1:19

Tingganai ru ulun ru Jaudi giu' ra Jirusalim nanusub ra imam-imam Jaudi am ulun-ulun papag ru Liwi no, mongoi pangkuot ri Juanis, “Osoi kou?”

JUANIS 4:29

“Ibok, ongoi takau ilai' sangulun ungkuyon ondo' nambala' raki' ra ngaangai' ondo' binaal kuli. Io no kinua' Mamamayag ondo' sinusub ri Aki Kapuuno' i?”

JUANIS 5:10

Ginio boo ra indagu tingganai ru ulun ru Jaudi ra ulun ondo' bagu ayuk kapali' i, “Orou raiti' orou Sabat takau; minanggal kou noyo ra Ukum ri Musa ra nangkayang kou ra apin muno.”

JUANIS 5:12

Pangkuot ilo riso, “Osoi nanusub rirun nangkayang ra apin muno am mugar?”

JUANIS 5:16

Ginio boo ra timinalimpuun ilo mantipagon ri Jisus, sabap ra namabas Io ra ulun paat ra orou Sabat.

JUANIS 5:18

Ragu raginio nangkinibit ra tingganai ru ulun ru Jaudi gumogot poyo mamatoi Riso. Sabap ra sala' ka minanggal Io ayuk ra Ukum ri Musa ra orou Sabat, kaa' minindagu Io poyo ra i Aki Kapuuno' noyo Ama' Nano; arati' no Io galama' mogondo' ri Aki Kapuuno'.

JUANIS 9:15

Kuati' ru ulun-ulun ru Parisi ulun i, ati kulaan ra io makakito boo. Indagu io risilo, “Kinupilan mato kutu ru ulun i ra losok. Pakapanginjagup aku am makakito aku boo.”

JUANIS 9:25

Taam io, “Makatula Io kia kapoam kalo, ginio kalo makapandai aku, ondo' ayuk napandayan kuno; ra gili noolou aku, kaa' raino makakito aku boo.”

JUANIS 9:30

Indagu boo ulun i, “Makaimuag toojo ragu min ti. Kua pai' kau pakapandai ra intor ru ulun i ondo' namabas ra mato kuti?

JUANIS 9:34

Konilo riso, “Okou ti makatula noyo intor ra okou inanak ayuk poyo; am mangila' kou boo kia ramon?” Ininggalaran nilo boo io mumpos ra baloi sambayangan i.