JUANIS 4:42 - Tanou Moonsoi Timugon

⁴² Indagu ilo ra ruandu' i, “Raino mangintopot akai, kaa' sala' ka sabap ra bala' muli ayuk, kaa' akai galama' noyo nangkirongog Riso. Am mangintopot akai ra Io no totopot Mamamayag ra ulun ru tana' ti.”

JUANIS 4:42 ပူးပေါင်းရင်းမြစ်များ

JISAYA 45:22

“Akau ngaangai' namagun ru tana' ti, saguli' kano Raki' maa' raginio bayagon kau, sabap ra Aku ayuk i Aki Kapuuno', kolondo' bokon!

JISAYA 52:10

Tuhan mapakito ra kuasa' Nano ra saang ru mato ru nansalinut bansa'. Titikop ru tana' pana makainono' ra pamayagan intor ri Aki Kapuuno' takau.

MATIUS 1:21

Ginio ra maganak i Maria ti sangulun anak ungkuyon am inggalanin mu Io no i Jisus, sabap Io ti mamayag ra ulun Nano intor ra tula nilono.”

LUKAS 2:32

Koson ra sinda mapakatawang ra ralan manulu' Io ra ulun sala' ka Jaudi rumatong Rirun. Io niayuk sinda ondo' mampasauk ra ulun Muno Israil urumaton.”

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

JUANIS 11:17

Pakasaboi i Jisus ra giu' i, ilai' No naapatan noyo i Lajarus linobong.

JUANIS 17:8

Pinasaboi Ku noyo risilo nangilaan Muli Raki' am inapu nilo. Nakapandai ilo no ra totopot Aku minatong intor Rirun am mangintopot ilo poyo ra Okou no nanusub Raki'.

JUANIS 4:29

“Ibok, ongoi takau ilai' sangulun ungkuyon ondo' nambala' raki' ra ngaangai' ondo' binaal kuli. Io no kinua' Mamamayag ondo' sinusub ri Aki Kapuuno' i?”

JUANIS 4:41

Siminuang poyo ulun nangintopot ri Jisus sabap ra pangilaan Nano.

RINALATAN 13:23

I Jisus ti noyo papag ri Daut am sinauk Io ri Aki Kapuuno' ra Mamamayag ra ulun ru Israil sumugut ra bantu' Nali.

RINALATAN 4:12

Ralalom inggalan ri Jisus ulun bayagon, sabap ra giti ra tana' ti kolondo' ulun ra bokon makaalap ra kuasa' intor ri Aki Kapuuno' koson mamayag ritakau.”

RINALATAN 5:31

Pinainsawat Io ri Aki Kapuuno' ra tampilon pamiris Nano, ioginio intok makakuasa', koson masauk ra Tingganai am Mamamayag, maa' raginio bansa' ru Israil ti makatalikur intor ra tula nilo am maampun ilo.

2 KORINTUS 5:19

Gitio noyo tanou posoboyon mai; ralalom ri Kristus i Aki Kapuuno' nopobonsoi ra ngaangai' ulun Riso am kalo boo karaan No tula nilai. Am tanou raginio pinakandayan Nano ramon.

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

1 JUANIS 2:2

I Jisus galama' pabansayan ra tula takau. Sala' ka tula takau ayuk, kaa' tula ru ngaangai' ulun.

1 JUANIS 4:14

Akai galama' nakakito ra Anak ri Aki Kapuuno'. Am pinatanou mai ra ulun bokon ra sinusub Io ru Ama' no masauk ra Mamamayag ra ulun ru tana' ti.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.