JUANIS 4:21 - Tanou Moonsoi Timugon

²¹ Indagu i Jisus ra ruandu' no, “Pangintopot no Raki', ra sangarawan kalo boo sambaan i Ama' ra bulur ti kapoam giu' ra Jirusalim.

JUANIS 4:21 ပူးပေါင်းရင်းမြစ်များ

JISAYA 66:1

Mindagu Tuhan, “Limbowon no panturungan Kuno, am tana' papakirawan ra kalayam Kuno. Atan kia baloi ondo' maalap min kabaal Raki'? Atan kia intok ayanan moonsoi Raki'?

YEHEZKIEL 14:3

“Okou ulun mapandai matoi, ngaangai' ru ulun ti nangintopot noyo ra sinungkalalaing saboi ilo naratu' ralalom ru tula. Indoson nilo kia ra tumaam Aku ra pangkuatan nilo?

YEHEZKIEL 20:3

“Okou ulun mapandai matoi, ragui' tingganai-tingganai ragitio. Balai' ilo ra Aku, Tuhan Raja' minindagu koson ragitio: Minatong kau koson mangkuot ra kasagaan Kuno, ka kia? Sabap ra Aku, i Aki Kapuuno' ondo' maayag, kalo mompoloso Aku ramuyun mangkuot ra atan ayuk. Aku, Tuhan Raja' nakaindagu noyo.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MATIUS 18:20

Amon ru ruo kapoam talu ngaulun tumimung ralalom inggalan Kuno, soroi Aku ra tatanga' nilono.”

MATIUS 28:19

Ongoi kano ra ngaangai' bansa' ra titikop ru tana' ti am sauko' ilo no ra maamaya' Kuno. Riwo' ilo no ralalom inggalan ri Ama', Anak, am Ambiluo ri Aki Kapuuno'.

LUKAS 21:24

Mokoondo' ulun potoyon ra ilang, am mokoondo' poyo ibiton am uliponon ra ati ayuk pagun ra bokon; am bandar Jirusalim kikinjangin ru bansa' ondo' kalo makaulig ri Aki Kapuuno' saboi paat ra inaru' no risilo maukop.”

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 16:2

Inggalarin kau mumpos ra baloi sambayangan. Masuku' niayuk paat ra osoi ayuk mamatoi ramuyun mangkara' ilo raginio mangandoi ri Aki Kapuuno'.

JUANIS 16:32

Paat no masuku', am sotopot no nasuku' noyo, ra akau pantutuliaron am muli' ra intok min sigagama'. Tatangon min Aku misasangulun. Kabalu' pana koson raginio, kalo misasangulun Aku sabap ra i Ama' mabaya' Raki'.

JUANIS 4:23

Raino ti nasuku' noyo paat no, mansail ra indangan ru Ambiluo ri Aki Kapuuno' ulun sumamba ri Ama', ioginio i Aki Kapuuno' ondo' motopot, sabap raginio noyo kasagaan ri Ama'.

JUANIS 5:25

Balain takamin toojo: Paat no masuku', am sotopot no nasuku' noyo, ra ulun minatoi pana makapangkirongog ra bolos ru Anak ri Aki Kapuuno', am osoi ayuk mangkirongog am gumagaya', maayag io.

JUANIS 5:28

Pai' kau pangimuag mangkirongog raginio, sabap ra masuku' paat ra ngaangai' ulun minatoi mokorongog ra bolos Nano.

RINALATAN 6:14

Nokorongog akai ra io minindagu ra i Jisus intor ra Nasarit i mampalunsai ra Baloi Tuhan ti am ngaangai' kaulayan ondo' nangilaan ri Musa ritakau i kulawon no!”

IPISUS 2:18

Sabap ra binaal ri Kristus am ru Ambiluo ri Aki Kapuuno' ulun ru Jaudi am sala' ka Jaudi niayuk makasamba ri Ama'.

IPISUS 3:14

Ginio ra aku migulatur, koson makiasi' ri Ama'.

1 TIMOTIUS 2:8

Paat ra akau sumambayang, masaga' aku ra ungkuyon rati makiasi' mabaya' ra guang mapasau ra kolondo' kasisangan am niayuk kolondo' pansasangaran.

1 PITRUS 1:17

Makiama' kau ri Aki Kapuuno' ralalom ru pakiasian min. Io no niayuk ondo' mangakim ra ulun maya' ra binaal nilono, am kalo mampili' ra ulun. Ginio ra urumato' noyo i Aki Kapuuno' buoi ra akau lakat ayuk poyo soroi ra tana' ti.

PINAINTALANG 21:22

Kalo nakito ku Baloi Tuhan giu' ra bandar no, sabap ra Tuhan galama' soroi ra giu', i Aki Kapuuno' Maayo Kaga' Kuasa' am Anak Domba no.