JUANIS 4:19 - Tanou Moonsoi Timugon

¹⁹ Indagu ruandu' i, “Tuan, makapandai aku ra Okou ti sangulun nabi.

JUANIS 4:19 ပူးပေါင်းရင်းမြစ်များ

2 RAJA'-RAJA' 5:26

Kaa' kon ri Ilisa, “Sala' ka kia ambiluo kutu soroi ra giu' no paat ra ulun no tumuun intor ra kurita' kuda nano koson tumuum rirun? Raino sala' ka paat no koson mangapu ra ruit am konoon, umo ru jaitun am umo ru anggur, sapi' am domba, kapoam ulipon-ulipon!

2 RAJA'-RAJA' 6:12

Taam sangulun intor risilo, “Kolondo' osoi pana, raja' kuno. Nabi Ilisa ondo' nambala' ra raja' ru Israil ra baal raginio, am niayuk ondo' rinagu muno giu' ra lamin pambalangan.”

MATIUS 21:11

Taam ulun-ulun siminunu' ri Jisus no, “Gitio noyo nabi Jisus, intor ra pekan Nasarit, libung ru Galilia.”

LUKAS 24:19

Pangkuot i Jisus, “Atan guat nasauk i?” Taam ilo, “Ondo' nasauk ri Jisus ulun ru Nasarit i. Io tupo sangulun nabi. Ngaangai' ragu am baalon Nali kinuasa' ri Aki Kapuuno' am ngaangai' mamagun nangiou Riso.

LUKAS 7:16

Ngaangai' ulun nalaa' tojojo am nongompor ri Aki Kapuuno'. Konilo, “Sangulun nabi ondo' makakuasa' minatong ra tatanga' takau! Minatong noyo i Aki Kapuuno' mongoi pamayag ra ulun Nati!”

LUKAS 7:39

Kakito ru ulun ru Parisi no baal raginio, kon ru guang nali, “Amon ru sangulun nabi Io, kua polosoo' no ruandu' koson ragitio kumambong Riso. Maaru' nakapandai Io ra sotopot no ruandu' ti kauligan ra makatula!”

JUANIS 4:18

Sabap ra inlimo kono inuot am ungkuyon pasimpung muno raino ti sala' ka ralaki muno. Motopot rinagu muni.”

JUANIS 4:29

“Ibok, ongoi takau ilai' sangulun ungkuyon ondo' nambala' raki' ra ngaangai' ondo' binaal kuli. Io no kinua' Mamamayag ondo' sinusub ri Aki Kapuuno' i?”

JUANIS 6:14

Kakito ayuk ru ulun masuang no kaimuagan sinauk ri Jisus i, konilo, “Totopot Io ti noyo nabi ondo' matong ra tana' ti!”

JUANIS 7:40

Mokoondo' kukula' ngaulun ondo' nokorongog ra ragu ni, minindagu ra, “Totopot Io ti noyo Nabi inaanin takau.”

JUANIS 9:17

Pangkuot poyo ulun-ulun ru Parisi ra ulun i, “Kamu, binabas No mato muni. Koson poyo raginio, guang mu, osoi Io?” “Io ti sangulun nabi,” kon boo ru ulun i.

SAGULION 18:15

Kaa' manusub Tuhan i Aki Kapuuno' min ra sangulun nabi ramuyun; nabi no koson raki' am iono intor ra bansa' min galama'; musiti' kau gumagaya' riso.