JUANIS 3:35 - Tanou Moonsoi Timugon

³⁵ Ama' no motogom ra Anak Nano, am nangani' ra ngaangai' kuasa' Nano Riso.

JUANIS 3:35 ပူးပေါင်းရင်းမြစ်များ

KASAUKAN 41:44

Indagu raja' no ri Jusup, “Aku noyo raja' – kolondo' sangulun pana ra titikop pagun ru Misir ti makapambaal ra atan-atan amon ru kalo iowon muno.”

KASAUKAN 41:55

Paat ra ulun-ulun ru Misir bitilan, makitaak ilo ra raja' ra akanon. Kaa' susubon ilo ru raja' no mongoi ri Jusup am gumagaya' ra ngaangai' panusuban ri Jusup no risilo.

MAZMUR 2:8

Kitaako' noyo, am ngaangai' bansa' pana pataakon Ku rirun, am titikop ru tana' ti saukon Ku ra longgom muno.

AMSAL 8:30

Soroi aku minumbir Riso koson ra anak tagamin Nano, moonong orou aku noyo puun ru kaansukan Nano, masalok aku maansukan ra saang Nano.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

DANIL 7:14

Inanian io ra urumat am kuasa' koson ra raja', saboi ulun-ulun intor ra ngaangai' bansa', bansa' boborok am ragu mangandoi ayuk riso. Kuasa' nano mantilayun, am pamarintaan nano kolondo' pupus.

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

MATIUS 3:17

Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

LUKAS 10:22

Pinataakan ri Ama' ngaangai' Raki'. I Ama' ayuk rondo' makaulig ra Anak am Anak ayuk rondo' makaulig ra Ama'. Am osoi ayuk kasagaan ru Anak no mambala' am mampaulig ra Ama' Nano.”

JUANIS 13:3

Nakapandai i Jisus ra ngaangai' kuasa' pinataak noyo ri Ama' Riso. Nakapandai Io niayuk ra minatong Io intor ri Aki Kapuuno' am sumaguli' poyo Riso.

JUANIS 15:9

Motogom Aku ramuyun nogondo' ri Ama' motogom Raki'. Rondon kano ra togom Kuno.

JUANIS 17:2

Iniou Mu noyo Anak manguasa' ra ngaangai' ulun, maa' raginio makapangani' Anak Mutu ra kaayagan motopot am mantilayun ra ngaangai' ulun ondo' pinataak Mutu Riso.

JUANIS 17:23

Aku masimpung risilo am Okou masimpung Raki'; maa' raginio totopot ilo rondo' guang. Makatutun boo ulun ru tana' ti ra Okou no nanusub Raki' am motogom Kou risilo nogondo' ra Okou motogom Raki'.

JUANIS 17:26

Pinaintutun Tokou no risilo, am rayuson Ku poyo ginio; maa' raginio rumondon risilo togom Muno Raki' am Aku pana masimpung risilo.”

JUANIS 5:20

Sabap ra motogom i Ama' ra Anak am manulu' Riso ra atan ayuk baalon Nano galama'. Manulu' Io poyo ra Anak ra baal ondo' maatang poyo saboi mangimuag kau ngai'.

JUANIS 5:22

I Ama' kalo mangakim ra osoi ayuk pana, kaa' ngaangai' kuasa' mangakim no pinataak No noyo ra Anak.

1 KORINTUS 15:27

Sabap ra mokoondo' tinulisan ra Buuk Kitab, “Ngaangai' ulun pinatinduku' noyo ri Aki Kapuuno' Riso.” Kaa' i Aki Kapuuno' galama' kalo tuminduku' ri Kristus, sabap ra Io no ondo' mapatinduku' ra ngaangai' ulun Riso.

IPISUS 1:22

Pinatinduku' noyo ri Aki Kapuuno' ngaangai' no ra saang ri Kristus, am pinasauk Io ra tingganai ru pasimpungan ulun Kristian ralalom ngaangai' baal ru kaayagan nilo sigagama'.

IBRANI 1:2

Kaa' paat ra pupupus ti, posoboyon No bala' Nano ondo' pinabala' galing ra Anak Nano. Nansail ra Anak Nati noyo limbowon am tana' ti biningkal No am Anak Nano tatangan ra ngaangai' no.

1 PITRUS 3:22

am kinayang mongoi ra suruga'. Raino soroi Io ra tampilon pamiris ri Aki Kapuuno' am mamarinta Io ra ngaangai' malaikat, mangunguasa' am ikang ra limbowon.