JUANIS 3:27 - Tanou Moonsoi Timugon

²⁷ Kaa' taam i Juanis, “Kolondo' atan ayuk pana maapu ru sasangulun amon ru kalo i Aki Kapuuno' mangani'.

JUANIS 3:27 ပူးပေါင်းရင်းမြစ်များ

JIRIMIA 1:5

“Ra Aku kalo poyo nampasauk rirun ra okou tinayon ru ina' muno, am ra kalo poyo inanak, pinili' am linantik Ku noyo okou masauk ra nabi tayar ra bansa'-bansa'.”

JIRIMIA 17:16

Kaa' iou Tuhan, kalo igondo' aku nampajajal Rirun koson mamparatong ra karaat risilo. Aku kalo niayuk nompogogot ra kapaganan lumampa' risilo. Nakapandai Kou ra baal raginio, iou Tuhan. Nakapandai Kou ra atan ondo' raguon kuno.

AMOS 7:15

Kaa' Tuhan nampiau raki' intor ra kandoi magalung ra bibiag tinambiag am nanusub raki' mampasaboi ra tanou Nano ra ulun ru Israil.

UNTABAN 17:5

Jujuga' ru ulun ondo' pinili' Kuno manalantar. Koson raginio noyo Aku mopolonggo' ra butok ru ulun ru Israil rirun ondo' kalo mapuputat.”

MATIUS 21:25

I Juanis Mampariu' kuasa' ru osoi? I Aki Kapuuno' kia kapoam ulun?” Tingganai imam Jaudi am tingganai ru ulun ru Jaudi tumalimpuun mindagu ra ilo ayuk ngaangai', “Amon ru balain takau, ‘Kuasa' ri Aki Kapuuno',’ maaru' tumaam Io, ‘Amon ru i Aki Kapuuno', kua pai' kau pangintopot riso?’

MATIUS 25:15

Inanian no ulipon nali maya' ra kapiratan nilai sigagama'. Sangulun inanian no limo ngaribu ruit mas. Bokon inanian no ruo ngaribu ruit mas am sangulun poyo inanian no saribu ruit mas. Tuan ti pana ugar boo.

MARKUS 13:34

Sauk nano koson ra sangulun mugar ra maalur, ondo' mangiruan ra baloi nano am paalungin no ra ulipon-ulipon nano. Sigagama' inanian no ra kondoyon, am nambilin io ra ulun magagalung ra kulobon ra ilalain toojo.

JUANIS 10:41

Masuang ulun minongoi Riso, am konilo, “I Juanis no kalo nambaal ra kaimuagan, kaa' motopot ngaangai' rinagu nali intor ra ulun ti.”

JUANIS 6:65

Indagu Io poyo, “Ginio sabap ra nambala' Aku ramuyun ra kolondo' sangulun pana makaratong Raki' amon ru kalo iowon ru Ama' Kuno.”

ROMA 1:5

Ralalom ru inggalan Nano noyo tinimpok taaki' ri Aki Kapuuno' raki' kandoi masauk ra rasul, koson mangandoi aku ri Kristus am magibit ra ngaangai' ulun mangintopot am gumagaya' Riso.

ROMA 12:6

Ginio ra musiti' takau pakayon kapandayan ra nansusuai ondo' pinataak ri Aki Kapuuno' no ritakau sigagama', maya' ra asi' Nano. Osoi ondo' inanian ra kapandayan mampabala' ra tanou ri Aki Kapuuno', kondoyon no ginio maya' ra pangintapatan nano ri Jisus.

1 KORINTUS 1:1

Pabukat kau ngaangai', ulun Kristian ru bandar Korintus. Surat ti intor raki', i Paulus am niayuk i Sostinus. Akau piniau noyo ri Aki Kapuuno' koson masauk ra ulun Nano, sabap ra akau longgom ri Jisus Kristus, nogondo' ra ngaangai' ulun ra ati ayuk intok ondo' sumamba ra Tuhan takau i Jisus Kristus, ioginio Tuhan nilo am niayuk Tuhan takau. Tinulisan ku surat ti ramuyun koson ra aku rasul ri Jisus Kristus, ondo' pinili' ri Aki Kapuuno' galama' maya' ra kasagaan Nano.

1 KORINTUS 12:11

Ngaangai' no saukon ru rondo' ayuk, ioginio Ambiluo ri Aki Kapuuno'. Io no ondo' mangani' ra ulun ra kapandayan sigagama' sumugut ra kasagaan Nano galama'.

1 KORINTUS 15:10

Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

1 KORINTUS 3:5

Sotopot no, osoi i Apolos no? Am osoi poyo Aku? Akai ulipon ayuk ri Aki Kapuuno', ondo' nangkimait ramuyun mangintopot ri Kristus. Akai sigagama' maya' ayuk ra ondo' pakandayin ru Tuhan.

1 KORINTUS 4:7

Osoi kia nampasauk ramuyun maatang intor ra ulun bokon? Sala' ka kia i Aki Kapuuno' nangani' ramuyun ra ngaangai' ondo' naapu mino? Kua guat lumimbau kau, koson atan ondo' soroi ramuyun sala' ka tinaakan?

GALATIA 1:1

Aku i Paulus, ondo' nasauk ra rasul sala' ka sumugut ra kasagaan ru ulun kapoam susuban ru ulun, kaa' intor ra susuban ri Jisus Kristus am i Aki Kapuuno', Io no i Ama' ondo' namayag saguli' ri Jisus intor ra kapatayan.

IPISUS 1:1

Aku gitio i Paulus, sangulun rasul ri Jisus Kristus sumugut ra kasagaan ri Aki Kapuuno'. Surat ti posoboyon ku ra ulun ri Aki Kapuuno' ondo' sumugut ri Jisus Kristus giu' ra Ipisus.

1 TIMOTIUS 2:7

Am ginio nai ra aku ti pinasauk ra rasul am mangingila' ra tayar ru ulun sala' ka Jaudi, koson mampatanou ra pangintapatan ondo' motopot. Am motopot ngaangai' rinagu kutu, pai' ru magabau aku.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.