JUANIS 3:19 - Tanou Moonsoi Timugon

¹⁹ Gitio noyo ukuman ti: sinda no nakaratong noyo ra tana' ti, kaa' ulun masaga' poyo ra kalandaman intor ra sinda sabap ra ondo' baalon nilai malaat.

JUANIS 3:19 ပူးပေါင်းရင်းမြစ်များ

AMSAL 2:13

Ulun koson raginio nanatang ra ralan kaayagan ra moonsoi, am ralan molondom binaya' no ondo' napanu' ra tula.

IMAMAT 13:10

Ilain io ru imam no. Amon ru mapandayan ru imam ra ruruko ra kungkung ru ulun no mapulak, mampunana' am mapulak bulu ru kungkung no,

JAKARIA 14:19

Ginio noyo ukuman ondo' paratuon ra Misir am ngaangai' bansa', amon ru kalo mangiantak ilo ra Pangiantakan Mangkalukub ra Raun.

LUKAS 12:47

Ulipon ondo' nakapandai noyo ra kasagaan ru tuan nano, kaa' kalo tumampos io mambaal, loposon io ra maruol toojo.

LUKAS 16:14

Paat ra ulun-ulun ru Parisi nokorongog ra ngaangai' ragu ragitio, nangiis ilo ri Jisus sabap ra ruit ayuk karaan nilo.

JUANIS 1:4

Ragu ti noyo puun ru ngaangai' kaayagan, am kaayagan ti mampakasinda ra ulun.

JUANIS 1:5

Sinda no mampakatawang ra kalandaman, am kalandaman no kalo makapampalasa' ra sinda no.

JUANIS 12:31

Raino ti noyo pangakiman ra ulun ru tana' ti; raino ti alapon noyo kuasa' intor riso ondo' manguasa' ra tana' ti.

JUANIS 12:43

Sabap ra maansayan ilo poyo makiurumat ra ulun kaa' makiurumat ri Aki Kapuuno'.

JUANIS 12:46

Aku minatong ra tana' ti koson ra sinda, maa' raginio moonong ulun ondo' mangintopot Raki' kalo boo mayan ra kalandaman.

JUANIS 5:44

Ati kulaan kau makapangintopot Raki', amon ru makiompor kau ayuk ra ulun am kalo makiompor kau ri Aki Kapuuno' ondo' rondo' ayuk.

JUANIS 7:17

Osoi ayuk masaga' mambaal ra kasagaan ri Aki Kapuuno', makatutun io ati intor ru pangilaan Kutu; intor kia ri Aki Kapuuno' kapoam intor Raki' galama' ayuk.

JUANIS 7:7

Akau kalo kasisangin ru ulun ru tana' ti, kaa' Aku kasisangin nilo, sabap ra masalok Aku mampasalula' ra kalaatan nilono.

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

JUANIS 9:5

Buoi Aku soroi poyo ra giti, Aku no mampakasinda ra ulun ru tana' ti.”

ROMA 1:32

Nakapandai ilo ra maya' ra ukum ri Aki Kapuuno' ulun ondo' nambaal koson raginio ukumin ra potoyon. Iou pana koson raginio, rayuson nilo ginio am maansayan ilo poyo ra ulun bokon ondo' mambaal koson niayuk raginio.

ROMA 2:8

Kaa' ilo ondo' masalok maguyum ra kasingkatan galama', manginggi' ri Aki Kapuuno' am poyo gumagaya' ra kalaatan, ilo no kasangitan am ukumin ri Aki Kapuuno'.

2 TISALONIKA 2:12

Maa' raginio, ngaangai' ondo' kalo mangintopot ra katapatan intor ri Aki Kapuuno', kaa' maansayan ayuk ra kalaatan, ukumin ilo.

1 PITRUS 2:8

Tinulisan poyo ra Buuk Kitab, “Gitio noyo batu kasaruan ru ulun, batu kalauban nilo.” Koson ilo ra ulun makasaru ra batu, sabap ra kalo gumagaya' ilo ra bala' ri Aki Kapuuno'. Ginio noyo ondo' inaru' ri Aki Kapuuno' no risilo.

2 PITRUS 3:3

Kasaa' ti, pakarati' kano ra orou pupus no mokoondo' sumalula' ulun ondo' kuasaan ru guang mansasawa' nilai am mangiis ilo poyo ramuyun.