JUANIS 3:15 - Tanou Moonsoi Timugon

¹⁵ Maa' raginio moonong ulun ondo' mangintopot Riso mokoowot ra kaayagan motopot am mantilayun.

JUANIS 3:15 ပူးပေါင်းရင်းမြစ်များ

JISAYA 11:10

Masuku' sangarawan bulintok ra sangulun raja' papag ru raja' Daut masauk ra tatandu' ru ngaangai' bansa'. Matong ilo riso, am bansa' nano galama' masauk ra sasabiton.

JISAYA 45:22

“Akau ngaangai' namagun ru tana' ti, saguli' kano Raki' maa' raginio bayagon kau, sabap ra Aku ayuk i Aki Kapuuno', kolondo' bokon!

UNTABAN 21:9

Nambaal boo i Musa ra sanginan kukuo intor ra gangsa' am patampako' ginio ra rondo' lugu'. Moonong ulun ondo' tininduk ru kukuo mababas amon ru magilong ra kukuo intor ra gangsa' no.

MATIUS 18:10

“Ilalai'! Pai' kau pagasab ra ulun ondo' mangintopot Raki' koson ra lalaing. Balain takamin: Malaikat ondo' magalung risilo ti masalok maining ru Ama' Kuno giu' ra suruga'. [

MATIUS 25:46

Akau ti ukumin ra ukum mantilayun, kaa' ulun motopot mokoowot ra kaayagan mantilayun.”

MARKUS 16:16

Osoi ayuk mangintopot am riwon, io no bayagon; kaa' osoi ayuk kalo mangintopot, io no ukumin.

LUKAS 19:10

Anak ru Ulun no minatong maguyum am mamayag ra ulun nakalayau.”

JUANIS 1:12

Kaa' osoi ayuk mangapu Riso, ioginio mangintopot Riso, pasaukon No ilo ra anak ri Aki Kapuuno'.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

JUANIS 3:16

Sabap ra maayo kaga' guang ri Aki Kapuuno' ra ulun ru tana' ti, saboi nanaak Io ra Anak Langkuir Nano, maa' raginio moonong ulun ondo' mangintopot Riso kalo mapuso, kaa' mokoowot ra kaayagan mantilayun.

JUANIS 3:36

Maa' raginio osoi ayuk mangintopot ra Anak no mokoowot ra kaayagan motopot am mantilayun. Kaa' osoi ayuk kalo gumagaya' Riso no, kalo mokoowot ra kaayagan no, kaa' mantilayun i Aki Kapuuno' masisang riso.

JUANIS 5:24

“Balain takamin toojo: Osoi ayuk mangkirongog ra ragu Kutu am mangintopot Riso ondo' nanusub Raki', mokoowot ulun no ra kaayagan motopot am mantilayun. Kalo ukumin io, kaa' nakalabus io noyo intor ra kapatayan am nakatalimpuun noyo maayag.

JUANIS 6:27

Pai' kano paguyum ra akanon ondo' mataki' malaat. Kaa' paguyum kano ra akanon ondo' tumaan, ioginio mangani' ra kaayagan motopot am mantilayun. Anak ru Ulun noyo mangani' ramuyun ra akanon ragitio, sabap ra i Aki Kapuuno' noyo galama' nangiou Riso.”

JUANIS 6:40

Sabap ra gitio noyo kasagaan ri Ama': moonong ulun ondo' makaulig ra Anak Nano am mangintopot Riso, mokoowot ra kaayagan motopot am mantilayun am mampakaayag Aku risilo paat ra Orou Pupus.”

JUANIS 6:47

Balain takamin toojo: Osoi ayuk mangintopot, mokoowot io ra kaayagan motopot am mantilayun.

RINALATAN 13:41

‘Ilai' min, ulun magagasab! Pangimuag am kapuso kau! Sabap ra raino ti mokoondo' saukon Kuno poyo ondo' kalo lair intopoton min, ra kabalu' pana mokoondo' noyo ulun mambala' ramuyun.’ ”

RINALATAN 8:36

Paat ra ilo nanunggul ra pangkiralanan nilai, pakasuku' ilo ra intok makatimug. Indagu pagawai no, “Ilai', giti makatimug. Atan poyo manginga' raki' ra aku riwon?” [

ROMA 5:21

Intor raginio, koson niayuk ra tula nangkinibit ra ngaangai' ulun matoi, kataawan ri Aki Kapuuno' pana mangkinibit ritakau mobonsoi saguli' Riso, saboi mokoowot takau ra kaayagan motopot am mantilayun sabap ri Jisus Kristus, Tuhan takau.

1 KORINTUS 1:18

Tanou ru pinatayan ri Kristus ra salip i koson ayuk ra ragu sasambungon ra ulun makalayau, kaa' ritakau ondo' bayagon, ioginio mampakito ra kuasa' ri Aki Kapuuno'.

2 KORINTUS 4:3

Amon ru nakasibuni Tanou Moonsoi ondo' posoboyon maiti, ginio nakasibuni ayuk ra ulun ondo' makalayau.

GALATIA 2:16

Kaa' mapandayan noyo ra sasangulun no mobonsoi saguli' ri Aki Kapuuno' sabap ra mangintopot io ayuk ri Jisus Kristus, am pai' ru maya' ra Ukum ri Musa. Akai pana nangintopot ri Jisus Kristus, maa' raginio mobonsoi akai saguli' ri Aki Kapuuno' sabap ra pangintapatan mai ti, am sala' ka maya' ra Ukum ri Musa. Kolondo' sangulun pana mobonsoi saguli' ri Aki Kapuuno' maya' ra Ukum ri Musa.

GALATIA 2:20

Ondo' maayag raino ti sala' ka aku, kaa' i Kristus ondo' soroi ralalom kaayagan kuno. Sauk ru kaayagan kuno raino ti intor ra pangintapatan kuno ra Anak ri Aki Kapuuno' ondo' motogom raki' am nampataak ra painawo Nano sabap ra aku.

IBRANI 10:39

Kaa' itakau ti sala' ka ulun ondo' lumugut am makalayau. Itakau ti makapangintapatan am bayagon.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

1 JUANIS 2:25

Am gitio binantu' galama' ri Jisus Kristus ritakau, io no kaayagan mantilayun.

1 JUANIS 5:1

Ulun ondo' nangintopot ra i Jisus noyo Mamamayag ondo' sinusub ri Aki Kapuuno', io no anak ri Aki Kapuuno'. Ulun ondo' motogom ra sangulun ama', motogom niayuk ra anak nano.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.