JUANIS 21:19 - Tanou Moonsoi Timugon

¹⁹ (Ra ragu ri Jisus raginio mambala' ati kulaan patayan ri Pitrus koson mampatulai ri Aki Kapuuno'.) Indagu boo i Jisus riso, “Baya' no Raki'.”

JUANIS 21:19 ပူးပေါင်းရင်းမြစ်များ

UNTABAN 14:24

Kaa' paliso ri Kalib, ulipon Kuno suai; magulayun io gumagaya' Raki'. Ginio ra magibit Aku riso mongoi ra tana' ondo' liniput nano. Papag nano tatangan ra tana'

MATIUS 10:38

Osoi ayuk kalo mansaan ra salip nano am mugar maya' Raki' kalo sama' io masauk ra maamaya' Kuno.

MATIUS 19:28

Indagu i Jisus risilo, “Pangintopot ayuk. Giu' ra Tana' Bagu, Anak ru Ulun mamarinta am manturung ra takhta Nano. Paat raginio akau mopor am ruo maamaya' niayuk manturung ra takhta am mangakim ra mopor am ruo bansa' ru Israil!

MATIUS 8:22

Kaa' taam i Jisus, “Polosoo' ayuk ra ulun ondo' kalo maya' Raki' mompolobong ra baangkai no am baya' no Raki'.”

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

JUANIS 12:33

Rinagu No koson raginio koson mambala' ra ati kulaan Io matoi.

JUANIS 18:32

Gitio nasauk koson nasugut boo ragu ri Jisus ra ati kulaan patayan Nano.)

JUANIS 21:18

Balain tokou toojo: Buoi okou mamulok, okou galama' tumampos am mugar ra ati ayuk kasagaan muno. Kaa' paat ra okou matutuo, patutuyon mu kalindu' muno am bangkilon kou ru ulun bokon, am ibiton kou ra intok kararaan mu.”

JUANIS 21:22

Taam i Jisus riso, “Amon ru masaga' Aku ra maayag io saboi ra Aku matong saguli', kua kaimamang kou raginio? Kaa' okou baya' no Raki'.”

PILIPI 1:20

Sabap ragitio noyo kaandaman am kalansanan ru guang kuno ra kolondo' rondo' pana kandoi kuno mampakauyu' raki'. Masalok aku niayuk moondom, am mulu' poyo raino, makakau' toojo mapatulai ri Kristus ralalom kiralan ru kaayagan kuno – iou ra maayag aku kapoam matoi.

2 PITRUS 1:14

Sabap ra nakapandai aku ra kalo boo mabuoi am matoi aku no, sumugut ra atan ondo' pinabala' raki' ri Jisus Kristus, Tuhan takau.

1 SAMUIL 12:20

Taam i Samuil, “Pai' kau kalaa'! Kabalu' pana ra nambaal kano ra baal ondo' malaat, pai' talikuri' Tuhan. Pangandoi kano ayuk toojo Riso ra sototopot ru guang mino.