JUANIS 21:18 - Tanou Moonsoi Timugon

¹⁸ Balain tokou toojo: Buoi okou mamulok, okou galama' tumampos am mugar ra ati ayuk kasagaan muno. Kaa' paat ra okou matutuo, patutuyon mu kalindu' muno am bangkilon kou ru ulun bokon, am ibiton kou ra intok kararaan mu.”

JUANIS 21:18 ပူးပေါင်းရင်းမြစ်များ

LUKAS 12:37

Mumpara' boo bonsoi ru ulipon-ulipon ondo' nangkuliman am nakatampos paat ra tuan nilai matong! Balain takamin, rumalin boo tuan no, susubon no ulipon-ulipon nano manturung am sulungin no ilo.

JUANIS 13:36

Pangkuot i Simon Pitrus ri Jisus, “Tuhan, ati angayan Mu?” Taam i Jisus, “Kalo mokoongoi kou ra angayan Kuno raino, kaa' makasunu' kou niayuk ra tauli no.”

JUANIS 21:17

Kaintalu ri Jisus nangkuot riso, “Simon anak ri Juanis, motogom kou kia Raki'?” Mangiluk guang ri Pitrus sabap ra nangkuot i Jisus riso saboi intalu ra, “Motogom kou kia Raki'?” Indagu io Riso, “Tuhan, nakapandai Kou ra ngaangai'. Okou noyo nakapandai ra motogom aku Rirun.” Indagu i Jisus riso, “Alungi' noyo domba-domba Kuno.

JUANIS 21:19

(Ra ragu ri Jisus raginio mambala' ati kulaan patayan ri Pitrus koson mampatulai ri Aki Kapuuno'.) Indagu boo i Jisus riso, “Baya' no Raki'.”

RINALATAN 21:11

Inggaar io ramon am alapo' no abot ri Paulus. Pobongkoso' no kalindu' am kalayam nali galama' ra abot i am indagu io, “Koson ragitio ragu ru Ambiluo ri Aki Kapuuno': ‘Ulun tatangan ra abot ragitio, bangkilon koson ragitio niayuk ru ulun ru Jaudi giu' ra Jirusalim. Am pataakon io poyo ra kuasa' ru ulun sala' ka Jaudi.’ ”

2 KORINTUS 5:4

Raino manguang takau sabap ra inan inayanan takau ra tana' ti mantipagon ritakau. Sala' ka masaga' takau manatang ra inan takau ra tana' ti, kaa' mompogogot takau toojo ra inan ru suruga' no, maa' raginio ondo' mapuso makulau ra kaayagan mantilayun.