JUANIS 21:17 - Tanou Moonsoi Timugon

¹⁷ Kaintalu ri Jisus nangkuot riso, “Simon anak ri Juanis, motogom kou kia Raki'?” Mangiluk guang ri Pitrus sabap ra nangkuot i Jisus riso saboi intalu ra, “Motogom kou kia Raki'?” Indagu io Riso, “Tuhan, nakapandai Kou ra ngaangai'. Okou noyo nakapandai ra motogom aku Rirun.” Indagu i Jisus riso, “Alungi' noyo domba-domba Kuno.

JUANIS 21:17 ပူးပေါင်းရင်းမြစ်များ

2 SAMUIL 7:20

Atan poyo ondo' maalap ku karagu Rirun! Makapandai Kou ra ngaangai' no intor ra ulipon Muti.

1 RAJA'-RAJA' 17:18

Indagu ruandu' napuor no ri Ilia, “Okou ulipon ri Aki Kapuuno', kua kia baalo' mu baal ragitio raki'? Ginio kia ra okou minatong ti koson mampakara' ri Aki Kapuuno' ra tula kuno, am mangkinibit ra patayan ru anak kuno?”

1 TUNUNG RU BANSA' ISRAIL 17:18

Atan poyo ondo' maragu kuno Rirun! Nakapandai Kou ra ngaangai' no intor ra ulipon Mutu, kaa' nangani' Kou ra pangurumatan raki'.

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

MAZMUR 17:3

Mauligan Mu suang ru guang kutu. Bulintok ra Okou rumatong raki' paat molondom, am mangurio Kou toojo raki', kaa' kolondo' guangon malaat maimansaan Mu ra guang kutu.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

SULABOI 3:33

Kalo masaga' Io mangkinibit ritakau maimbolo' am mangiluk.

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

MARKUS 14:72

Paat ragili niayuk kainduo ru manuk tandaa' i naningkuluuk. Kakara' boo ri Pitrus ragu ri Jisus riso, “Kalo poyo minduo paningkuluuk manuk tandaa' no, intalu kono indagu kalo makaulig Raki'.” Pantatangi' boo i Pitrus.

JUANIS 12:8

Ulun musikin masalok soroi ramuyun, kaa' aku kalo.”

JUANIS 13:38

Taam i Jisus riso, “Totopot kia mampataak kou ra painawo muno koson Aku? Balain tokou toojo: Kalo poyo maningkuluuk manuk tandaa' no, intalu kono magali' ra makaulig kou Raki'!”

JUANIS 14:15

“Amon ru motogom kau Raki', suguton min panusuban Kuno.

JUANIS 15:10

Amon ru gumagaya' kau ra panusuban Kuno, rumondon kau ra togom Kuno. Ginio mogondo' ra Aku gumagaya' ra panusuban ri Ama', am rumondon Aku ra togom Nano.

JUANIS 16:30

Raino nakatutun akai no ra Okou makapandai ra ngaangai' am kolondo' boo pangkuatan mai Rirun. Ginio boo ra akai mangintopot ra Okou intor ri Aki Kapuuno'.”

JUANIS 18:27

Kaa' igondo' poyo i Pitrus nagali' am paat ragili niayuk naningkuluuk manuk tandaa' i.

JUANIS 18:4

Nakapandai i Jisus ra ngaangai' ondo' masauk Riso no. Ginio ra inggaari' No ilo am pangkuot, “Osoi uyumon min?”

JUANIS 21:18

Balain tokou toojo: Buoi okou mamulok, okou galama' tumampos am mugar ra ati ayuk kasagaan muno. Kaa' paat ra okou matutuo, patutuyon mu kalindu' muno am bangkilon kou ru ulun bokon, am ibiton kou ra intok kararaan mu.”

JUANIS 4:16

Taam i Jisus, “Ongoyo' piawo' ralaki muno am saguli' ragiti.”

RINALATAN 1:24

Pakiasi' ilo boo, konilo, “Tuhan, Okou nakapandai ra guang ru ngaangai' ulun. Tinatang noyo ri Judas kandoi nali koson sangulun rasul am minatoi noyo. Tului' akai, osoi intor ra ruo ngaulun ti ondo' pilion Muno koson pamamalit ri Judas i.”

RINALATAN 11:10

Intalu baal koson raginio am pupus nali konoon am suang nali nakayang saguli' ra limbowon.

RINALATAN 15:8

I Aki Kapuuno' ondo' makaintutun ra guang ru ulun, nampakito ra nangapu Io noyo risilo, ra nangani' Io risilo ra Ambiluo Nano nogondo' niayuk ra ondo' tinaakan Nano ritakau i.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

IPISUS 4:30

Pai' noyo pangiluko' Ambiluo ri Aki Kapuuno' no, sabap ra Io sumoroi ramuyun noyo tinatanduan kau ri Aki Kapuuno' ra akau ti Io no tatangan. Ambiluo raginio noyo ondo' mapakalansan ramuyun ra matong niayuk orou pampalabusan ramuyun ri Aki Kapuuno'.

JOSUA 22:22

“Ondo' Maayo Kaga' Kuasa' iono i Aki Kapuuno'! Io noyo Tuhan! Ondo' Maayo Kaga' Kuasa' iono i Aki Kapuuno'! Io noyo Tuhan! Nakapandai Io kua pambaal akai koson raginio am masaga' akai ra akau makapandai niayuk! Amon ru gumuor akai ra Tuhan am kalo mangintopot Riso, potoyo' akai raino niayuk!

1 PITRUS 1:6

Sabap ra paintalangan nano pakaansuk kano, iou pana raino ti mangiluk guang min ra buoi, sabap ra makaliman kau ra nansalinut pangkinaman.

2 PITRUS 3:1

Pabukat kau ngai' ondo' tagamin ku, gitio noyo surat karuo ondo' posoboyon kuno ramuyun. Ralalom ru karuruo surat kuno giminogot aku ra guangon toojo ondo' natutunan min noyo. Mampakara' aku toojo ramuyun ra ondo' pinabala' ru nabi matulai ra galing i, am atan kia poyo panusuban ru Tuhan am Mamamayag ondo' pinasaboi ru rasul-rasul ramuyun.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.

PINAINTALANG 3:19

Sawayon am patandaan ku ngaangai' ondo' tagamin Kuno. Sabap raginio, pirot no am talikur no intor ra tula mino.