JUANIS 20:2 - Tanou Moonsoi Timugon

² Ginio ra nagisimbul io mongoi ri Simon Pitrus am maamaya' ondo' tagamin ri Jisus am pambala' risilo, “Inalap boo Tuhan i intor ra lobong, am kalo nakapandai akai ati nampabantaan Riso.”

JUANIS 20:2 ပူးပေါင်းရင်းမြစ်များ

JUANIS 13:23

Sangulun intor ra maamaya' ri Jisus nanturung ra sapapa' Nano, io ti noyo ondo' tagamin ri Jisus.

JUANIS 19:26

Nakito ri Jisus ina' Nano nabaya' ra maamaya' tagamin Nano minigor ra giu' i. Ginio ra indagu Io ra ina' Nano, “Ina', pinakaanak mu ayuk io.”

JUANIS 20:13

Pangkuot malaikat-malaikat no riso, “Kua pantangi' kou?” Taam io, “Inalap boo baangkai ru Tuhan kuli, am kalo nakapandai aku ati nampabantaan Riso.”

JUANIS 20:15

Pangkuot i Jisus riso, “Kua pantangi' kou? Osoi uyumon muno?” Indos ri Maria Io ti magagalung ra taman am indagu io Riso, “Tuan, amon ru Okou napabanding Riso, balai' aku ati nampabantaan muli Riso, am moongoi ku boo kaalap.”

JUANIS 20:9

Sabap ra lakat poyo kalo nakarati' ilo ra ondo' tinulisan ra Buuk Kitab ra Io musiti' maayag saguli'.)

JUANIS 21:20

Pangkaili i Pitrus am kakito no maamaya' ondo' tagamin ri Jisus i siminunu' risilo. Io noyo ondo' nakainggaar Riso paat ra ilo nagagakan am nangkuot, “Tuhan, osoi kia mampataak Rirun ra pantula' Muno?”

JUANIS 21:24

Maamaya' raginio noyo ondo' nampaintutun ra nasauk ti am nanulis noyo ragitio, am nakapandai takau ra motopot kaintutunan nano.

JUANIS 21:7

Indagu maamaya' tagamin ri Jisus i ri Pitrus, “Tuhan nai ginio.” Korongog ri Pitrus ginio, pambayang io boo (sabap ra inalus no bayang nali) am tapung ra timug.