Ondo' naratu' ra tana' makabatu i, io no ulun ondo' mangkirongog ra bala' no am maansukan ilo mangapu. Kaa' bala' no kalo siminoroi ra guang nilai. Sangkinolor ayuk ilo mangintopot. Pakauma' ilo ra pangkinaman kalo boo mangintopot ilo.
Sarandaman ragili ongoi io tuum ri Jisus am indagu, “Mangingila', makapandai akai ra Okou no sinusub ri Aki Kapuuno' mongoi pangila'. Sabap ra kolondo' sangulun pana makapambaal ra kaimuagan koson ra baalon Muno, amon ru kalo indanganon io ri Aki Kapuuno'.”
Kaa' pakasuku' Io ra Galilia, inuma' Io ru namagun ra giu' i, sabap ra ilo pana minaya' ra Pangiantakan ra Paska ra Jirusalim am nakakito niayuk ra ngaangai' ondo' binaal ri Jisus i.
Kaa' mokoondo' kaintutunan ra bokon ondo' maatang poyo intor ra kaintutunan ri Juanis i. Io ginio atan ondo' baalon Kutu, ondo' pinalansan ri Ama' Raki', ngaangai' ti mampainono' ra i Ama' noyo nanusub Raki'.
Kaa' masuang intor ra ulun masuang no nangintopot Riso. Konilo, “Paat ra Mamamayag ondo' sinusub ri Aki Kapuuno' i matong, kalo lair makapambaal Io ra masuang poyo kaimuagan intor ra ulun ti.”
Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.
Gitio noyo nanusuban Nali, musiti' takau mangintopot ra Anak Nano, i Jisus Kristus, am kotogom takau no ra rondo' am bokon koson ra nanusuban ri Jisus Kristus i ritakau.