Koson ri Junus minayan talu ngoorou am talu ngorondom ralalom tinai' ru papait maayo, mogondo' niayuk ra Anak ru Ulun mayan talu ngoorou am talu ngorondom ralalom tana'.
Intor boo raginio pambala' boo toojo i Jisus ra maamaya'-maamaya' Nano, “Mongoi Aku ra Jirusalim am imboloon Aku ru tingganai ru ulun ru Jaudi, tingganai imam ru Jaudi am mangingila' ra Ukum ri Musa. Potoyon nilo Aku, kaa' malupus kataluan bayagon Aku saguli' intor ra kapatayan!”
Konilo, “Nokorongog akai ra ulun ti minindagu, ‘Lunsayon Ku Baloi Tuhan ondo' binaal ru ulun, am mopongo talu ngoorou, baalon Ku sagulio' Baloi Tuhan ra bokon ondo' sala' ka baalon ru ulun.’ ”
Ulun-ulun ondo' nansail ra giu' i pisik-pisik ilo nagasab ri Jisus, konilo, “Oi, napasat Kou raino! Masaga' Kou mampalunsai ra Baloi Tuhan am baalon Mu saguli' ralalom talu ngoorou!
Indagu i Jisus, “Aku noyo mampakaayag ra ulun minatoi am manaak ra kaayagan. Osoi ayuk mangintopot Raki', kabalu' pana matoi ulun no, maayag Io saguli'.
Kaa' binayag Io saguli' ri Aki Kapuuno' intor ra kapatayan. Pinalabus Io ri Aki Kapuuno' intor ra kaimbalaan ru kapatayan, sabap ra kalo lair maaput Io ru kapatayan.
Akau namatoi Riso, Io ondo' manaak ra kaayagan motopot ra ngaangai' ulun. Kaa' binayag Io saguli' ri Aki Kapuuno' intor ra kapatayan am akai noyo sasi' ra baal raginio.
Ginio sabap ri Aki Kapuuno' nampili' am nanusub ra Ulipon Nano matong ramuyun galing koson mambarakat Io no ramuyun. Binaal No ginio koson akau ngaangai' tumalikur intor kiralan ru bayag min ra malaat.”
Nokorongog akai ra io minindagu ra i Jisus intor ra Nasarit i mampalunsai ra Baloi Tuhan ti am ngaangai' kaulayan ondo' nangilaan ri Musa ritakau i kulawon no!”
kaa' ritakau niayuk. Itakau niayuk apuon ri Aki Kapuuno' koson ra ulun ondo' mobonsoi saguli' Riso, sabap ra mangintopot takau Riso ondo' nampakaayag ri Jisus, Tuhan takau, intor ra kapatayan.
Paat ra itakau riniu', ginio noyo koson ra itakau pana linobong mabaya' Riso am magapu ra pinatayan Nali. Maa' raginio, mogondo' ri Kristus binayag intor ra kapatayan ralalom ru kuasa' matulai ri Ama', koson niayuk itakau makaili' ra kaayagan bagu.
Mampatanou akai no ra i Kristus binayag saguli' intor ra kapatayan. Kaa' kua mokoondo' poyo intor ramuyun no mindagu ra ulun ondo' minatoi noyo kalo boo bayagon saguli'?
Sabap ra paat ra akau riniu', ginio mogondo' ra linobong kau, koson niayuk i Kristus linobong. Am intor ra pampariwan ti, akau bayagon boo saguli' mabaya' Riso, sabap ra mangintopot kau ra kuasa' ri Aki Kapuuno' ondo' namayag ri Kristus saguli' intor ra kapatayan.
Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.