JUANIS 19:6 - Tanou Moonsoi Timugon

⁶ Kakito Io ayuk ru tingganai imam Jaudi am pulis-pulis ru Baloi Tuhan no, golok ilo, “Salipo' Io, salipo' Io!” Indagu i Pilatus risilo, “Alapo' min noyo Io am akau galama' ayuk manalip Riso, sabap ra kalo natuum ku rondo' pana sala nati.”

JUANIS 19:6 ပူးပေါင်းရင်းမြစ်များ

MATIUS 26:58

I Pitrus nansinok ayuk intor ra maalur. Sinunu' no i Jisus suku' ra baloi ru Tingganai Maayo Imam Jaudi. Subol i Pitrus ra liliut ru baloi no am baya' panturung ra saujor-saujor ru Baloi Tuhan koson makapandai ra atan kapupusan no.

MATIUS 27:22

“Koson poyo raginio, atan kia baalon kuno ri Jisus ti ondo' sabiton i Kristus?” kon ri Pilatus risilo. “Salipo' Io,” kon ru ulun masuang no.

MATIUS 27:24

Kalimani' ri Pilatus ra kolondo' onong io mingkotog mambaal raginio am ra ulun masuang maaru' lumunsai, alapo' no timug am bagui' no kalindu' nano am indagu, “Kolondo' tayar ku ra pinatayan Nano, akau ayuk ra kandoi.”

LUKAS 23:4

Indagu i Pilatus ra tingganai imam Jaudi am ulun masuang no, “Kolondo' sala ru ulun ti naalap ku koson mangukum Riso.”

JUANIS 18:3

Ginio ra i Judas pana minongoi ra giu' i nababaya' ra santayaran saujor Roma am kukula' ngaulun pulis ru Baloi Tuhan, ondo' sinusub ru tingganai imam Jaudi am niayuk ulun-ulun ru Parisi. Ilo ti nagibit ra lentera am titiu am poyo ilang.

JUANIS 18:31

Indagu i Pilatus risilo, “Alapo' am ukumi' min Io sumugut ra ukum mino galama'.” Kaa' taam tingganai ru ulun ru Jaudi no, “Kolondo' kuasa' mai mangani' ra ukuman potoyon.” (

JUANIS 18:38

Pangkuot i Pilatus Riso, “Atan nua' katapatan?” Pakapangkuot i Pilatus raginio, ingkual io poyo am indagu ra ulun-ulun ru Jaudi no, “Kolondo' rondo' pana sala natuum ku ra ulun ti.

JUANIS 19:15

Ginio ra golok ilo, “Potoyo' Io! Potoyo' Io! Salipo' Io!” Pangkuot poyo i Pilatus, “Salipon ku kia raja' min ti?” Taam tingganai imam Jaudi no, “Rorondo' ayuk raja' mai, i Kaisar.”

JUANIS 19:4

Igondo' poyo miningkual i Pilatus am indagu ra ulun masuang no, “Ilai'! Paingkualon ku Io ramuyun, maa' raginio makapandai kau ra kolondo' rondo' pana sala natuum kuno ra ulun ti.”

RINALATAN 2:23

Sumugut ra nangaruan ri Aki Kapuuno', nakapandai Io noyo intor poyo ra galing i koson i Jisus ti pataakon ramuyun. Pinatoi min Io ra nangkinibit kau ra ulun makatula no nanalip Riso.

RINALATAN 7:52

Mokoondo' kia sangulun nabi pana ondo' kalo inimbolo' ru kinamatuaan min? Am pinatoi nilo poyo ulun sinusub ri Aki Kapuuno' ondo' ragili nambala' ra ratangan ru Ulipon Nano ra motopot i. Io no ondo' pinataak min ra pantula' Nano am pinatoi min.