JUANIS 19:42 - Tanou Moonsoi Timugon

⁴² Sabap ra kalabangan i mamaar, am orou Sabat pana maar noyo tumalimpuun, ginio ra pabantaa' nilo ayuk baangkai Nali ra giu' i.

JUANIS 19:42 ပူးပေါင်းရင်းမြစ်များ

MAZMUR 22:15

Kolondo' boo lulu' kuno, natatak koson ra timug nasasar. Ngaangai' ru bungul kuno naukuk; guang kuno timinanu' koson ra dian.

JISAYA 53:9

Linobong io pinabaya' ra ulun malaat; Lobong nano nakaunor ra ulun langkaya', kabalu' pana kalo igondo' io pambaal ra kalaatan, am kalo igondo' pamparuung.”

MATIUS 12:40

Koson ri Junus minayan talu ngoorou am talu ngorondom ralalom tinai' ru papait maayo, mogondo' niayuk ra Anak ru Ulun mayan talu ngoorou am talu ngorondom ralalom tana'.

JUANIS 19:14

Paat ragili maar noyo tanga' ru orou ra orou Tampasan ra Pangiantakan ra Paska noyo. Indagu i Pilatus ra ulun masuang no, “Ilai', gitio noyo raja' min.”

JUANIS 19:20

Masuang ulun ru Jaudi nakabasa' ra tinulisan i sabap ra intok napasalipan Riso i kalo maalur intor ra bandar. Pambalaan ti tinulisan ra talu ragu; ragu ru Ibrani, Latin am Junani.

JUANIS 19:31

Orou ragili orou kalimo, orou Tampasan ra Pangiantakan ra Paska. Tingganai ru ulun ru Jaudi no marara' mompoloso ra baangkai nilai ra salip paat ra orou Sabat, sabap ra minggu' ragili orou Sabat i maatang kaga'. Ginio ra nakitaak ilo ri Pilatus ra kalayam ru ulun-ulun sinalip no pandakon, am baangkai nilai patuunon intor ra salip.

JUANIS 19:41

Intok nanalipan Riso i mokoondo' rondo' taman, am giu' i mokoondo' rondo' lobong ondo' kinali ra bulur batu, ondo' kalo poyo igondo' labangi'.

RINALATAN 13:29

Kopongo sinauk nilono ri Jisus ngaangai' ondo' tinulisan ra Buuk Kitab intor Riso, patuuno' nilo boo baangkai Nali intor ra salip am ongoi nilo lobongo'.

1 KORINTUS 15:4

linobong io, kaa' nalupus nataluan binayag io saguli'. Ginio niayuk natulisan noyo ra Buuk Kitab.

KOLOSI 2:12

Sabap ra paat ra akau riniu', ginio mogondo' ra linobong kau, koson niayuk i Kristus linobong. Am intor ra pampariwan ti, akau bayagon boo saguli' mabaya' Riso, sabap ra mangintopot kau ra kuasa' ri Aki Kapuuno' ondo' namayag ri Kristus saguli' intor ra kapatayan.