JUANIS 19:28 - Tanou Moonsoi Timugon

²⁸ Napandayan ri Jisus ra raino ngaangai' nopongo noyo, am maa' raginio masugut ondo' tinulisan ra Buuk Kitab, indagu Io, “Pinaason Aku.”

JUANIS 19:28 ပူးပေါင်းရင်းမြစ်များ

MAZMUR 22:15

Kolondo' boo lulu' kuno, natatak koson ra timug nasasar. Ngaangai' ru bungul kuno naukuk; guang kuno timinanu' koson ra dian.

MAZMUR 69:21

Nagasaban nagibit ra guang kuno malawo, am liminungkang aku. Maguyum aku ra ulun ondo' maluoi pakaasi', kaa' kolondo' najampa' ku; maguyum aku ra ulun ondo' mangikang ra guang kuno, kaa' kolondo' natuum kuno.

LUKAS 12:50

Mokoondo' kaimbalaan masauk Raki' am mumpara' boo labo Kuno saboi ngaangai' no mopongo!

LUKAS 18:31

Piawo' ri Jisus mopor am ruo ngaulun maamaya' Nano am indagu Io risilo, “Rongogo'! Raino mongoi takau ra Jirusalim, sabap ra giu' masauk ngaangai' ondo' tinulisan noyo ru nabi-nabi intor ra Anak ru Ulun.

LUKAS 22:37

Balain takamin, ondo' tinulisan noyo ra Buuk Kitab, ‘Kinara' Io koson ra sangulun malaat,’ maaru' masauk Raki', am sotopot no masauk noyo ra raino ti.”

LUKAS 9:31

Karuo nabi ti minintalang nabaya' ra sinda intor ra suruga' am nagigindagu ilo ri Jisus intor ra baal ru patayan Nano ondo' masauk giu' ra Jirusalim ra maagu no.

JUANIS 13:1

Songorou poyo am tumalimpuun Pangiantakan ra Paska. Nakapandai i Jisus ra masaboi noyo paat Nano mangiruan ra tana' ti sumaguli' ra Ama' Nano. Masalok Io monogom ra maamaya' Nano, am tinagaman No ilo saboi ra pupus.

JUANIS 17:4

Pinatulai Tokou noyo ra saang ru ulun ru tana' ti, ioginio nopongo Ku noyo kandoi ondo' pinalansan Mutu Raki'.

JUANIS 18:4

Nakapandai i Jisus ra ngaangai' ondo' masauk Riso no. Ginio ra inggaari' No ilo am pangkuot, “Osoi uyumon min?”

JUANIS 19:24

Pagindagu ilo ra sangulun am bokon, “Pai' takau rilako' sukub ti. Moonsoi magugundi' takau koson mangaru' osoi makaalap.” Gitio masauk koson nasugut ondo' tinulisan ra Buuk Kitab; “Bayang Kuno tatayaron nilo, am magugundi' ilo mangalap ra sukub Kuno.” Ginio totopot binaal ru saujor-saujor no koson raginio.

JUANIS 19:30

Kainum ri Jisus wain i, indagu Io, “Nopongo noyo!” Kuku' Io boo am kairui' Io ra painawo.

JUANIS 19:36

Baal ragitio pana nasauk koson nasugut ondo' tinulisan ra Buuk Kitab, “Kolondo' rondo' pana bungul Nano pandakon.”

JUANIS 4:34

Indagu i Jisus, “Akanon Kuno gumagaya' ra kasagaan ru Io ondo' nanusub Raki' am momongo ra kandoi ondo' pinataak Nano Raki'.

RINALATAN 13:29

Kopongo sinauk nilono ri Jisus ngaangai' ondo' tinulisan ra Buuk Kitab intor Riso, patuuno' nilo boo baangkai Nali intor ra salip am ongoi nilo lobongo'.