JUANIS 19:25 - Tanou Moonsoi Timugon

²⁵ Mamaar ra salip ri Jisus i minigor ina' Nano, pinongkotob ru ina' Nano, i Maria andu' ri Klopas am niayuk i Maria Magdalina.

JUANIS 19:25 ပူးပေါင်းရင်းမြစ်များ

LUKAS 23:49

Ngaangai' ulun ondo' nakaulig ri Jisus, am niayuk ruandu'-ruandu' pana ondo' siminumbaya' ri Jisus intor ra Galilia i, minigor am nagilong intor ra maalur ra ngaangai' ondo' nasauk i.

JUANIS 20:1

Io maar matawang ra orou minggu', ongoi i Maria Magdalina ra kalabangan i am kakito no batu pinaangob linuir boo intor ra luang ru lobong i.

LUKAS 24:18

Sangulun i makainggalan ri Kliopas nangkuot ri Jisus, “Okou rorondo' ayuk kia minongoi ra Jirusalim am kalo naala' ondo' nasauk ra giu' i ra babagu ti!”

LUKAS 8:2

Mokoondo' niayuk kukula' ngaulun ruandu' minaya' risilo. Gili pinagiru' noyo ri Jisus riwato intor risilo am binabas ilo intor ra maruol nilai. Ilo ti am i Maria, ondo' poyo sabiton Magdalina, ondo' sinubol ru tulu' riwato kaa' pinagiru' noyo ri Jisus;

LUKAS 2:35

Am ginio nai mapandayan boo ondo' gogoton ru guang nilo. Am okou pana mangiluk kaga' guang muno ra maagu no koson tobokon ra ilang.”

MARKUS 16:9

Kopongo ra i Jisus binayag noyo saguli', ra iosusuab ra orou minggu', minintalang Io galing ri Maria Magdalina. (Intor ri Maria ti, igondo' i Jisus napaingkual ra tulu' riwato.)

MATIUS 12:46

Tatanga' ri Jisus mindagu ra ulun masuang no ratong ina' am pabukat Nano. Naginaa ilo ra liwar am masaga' ilo tumuum ri Jisus.