JUANIS 19:17 - Tanou Moonsoi Timugon

¹⁷ Ingkual Io boo nansaan ra salip Nano mongoi ra intok ondo' sabiton ra “Intok kuapak”. (Ralalom ragu ru Ibrani “Golgota”.)

JUANIS 19:17 ပူးပေါင်းရင်းမြစ်များ

KASAUKAN 22:6

Pasaani' ri Abragam luton ponolob ra taak simbalui no ri Isak, am io galama' magibit ra pais am baa pampaang ra apui. Liliwa' ilo nangkiralan,

1 RAJA'-RAJA' 21:13

Ratong ruo ngaulun malaat no am turung ra taluma' ri Nabot. Nanguu' ilo ri Nabot ra saang ru ulun masuang ra nagulas io ri Aki Kapuuno' am raja'. Ginio ra inibit i Nabot miningkual ra bandar am binobol saboi minatoi.

IMAMAT 24:14

“Ibito' noyo ulun no giu' ra liwar ru pangkiman. Polosoon noyo moonong ulun ondo' nakaining riso nagulas ri Aki Kapuuno', mapabanta' ra kalindu' ra tampak ru ulu ru ulun no ra mangani' ra kaintutunan ra makasala io. Mopongo raginio musiti' ngaangai' ulun ru Israil momobol riso saboi matoi.

MATIUS 10:38

Osoi ayuk kalo mansaan ra salip nano am mugar maya' Raki' kalo sama' io masauk ra maamaya' Kuno.

MATIUS 16:24

I Jisus pana mindagu boo ra maamaya'-maamaya' Nano, “Moonong ulun ondo' masaga' maya' Raki', lilianin no kasagaan nano galama', mansaan io ra salip nano am maya' Raki'.

MATIUS 27:37

Rasawat ru salip Nano pinolokot rondo' papan ondo' tinulisan ra, “Gitio noyo i Jisus, raja' ru ulun ru Jaudi.”

MARKUS 10:21

Kaa' pagilong i Jisus ra ulun no am maansayan riso, am indagu, “Rondo' ayuk boo kalo nabaal muno. Ugar no am talano' kuliamos muno, am tatayaro' ruit no ra ulun musikin, am okou pana makakuliamos boo giu' ra suruga'; am saguli' boo ragiti am baya' Raki'.”

MARKUS 15:26

Rasawat ru salip i, pinolokot nilo ra ragu manguu' Riso. Gitio noyo ondo' tinulisan raginio, “Raja' ru Ulun Jaudi.”

MARKUS 15:32

Amon ru raja' Io ru ulun ru Israil, Mamamayag ondo' sinusub ri Aki Kapuuno' i, moonsoi tumuun Io intor ra salip, maa' raginio makakito am mangintopot takau Riso!” Ulun ondo' sinalip nababaya' ri Jisus i pana nangiis Riso.

MARKUS 8:34

Piawo' boo ri Jisus ulun masuang no am maamaya' Nano. Indagu Io risilo, “Moonong ulun masaga' maya' Raki', lilianin no kasagaan nano galama' am mansaan io ra salip nano am maya' Raki'.

LUKAS 14:27

Osoi ayuk kalo masaga' mansaan ra salip nano am maya' Raki', kalo masauk ra maamaya' Kuno.

LUKAS 23:26

Saujor-saujor no nagibit ri Jisus koson ongoyon salipo'. Ingkual ilo ra bandar i am katuum nilo i Simon, ulun ru Kirini, ondo' sumubol ra bandar. Rokopo' io ru saujor-saujor no am jajali' mansaan ra salip i sumunu' ri Jisus.

LUKAS 23:33

Pakasuku' ilo ra rondo' intok ondo' piawon ra “Kuapak”, salipo' nilo i Jisus ra giu' i nababaya' ra ruo ngaulun malaat i, sangulun i tampilon ra pamiris am sangulun i poyo tampilon ra kait.

LUKAS 23:38

Ra rasawat ru salip i makatinulisan, “Gitio noyo Raja' ru Ulun ru Jaudi.”

LUKAS 9:23

Indagu Io risilo ngaangai', “Osoi masaga' maya' Raki' no, lilianin no katasuan ru kaayagan nano galama'. Moonong orou mansaan io ra salip nano galama' am maya' Raki'.

JUANIS 19:13

Korongog ri Pilatus ragu raginio, ibito' no i Jisus miningkual am panturung io giu' ra intok pamisaraan ininggalanan ra “Sulig Batu”. (Ralalom ragu ru Ibrani, inggalan no “Gabata”.)

JUANIS 5:2

Giu' no, maar ra umpasan ru bandar ondo' inggalanin ra, “Kulobon ru Domba”, mokoondo' rondo' kulam, ondo' ralalom ragu ru Ibrani sabiton ra “Bitisda”. Mamaar ra kulam ti mokoondo' limo ngantulus langgar.

RINALATAN 7:58

Ralaato' nilo io miningkual ra bandar i am bobolon io ra batu saboi matoi. Sasi' napabanta' ra sukub nilo ra tuma' ru kalayam ru sangulun tuu'-bagu makainggalan ri Saulus.