JUANIS 19:15 - Tanou Moonsoi Timugon

¹⁵ Ginio ra golok ilo, “Potoyo' Io! Potoyo' Io! Salipo' Io!” Pangkuot poyo i Pilatus, “Salipon ku kia raja' min ti?” Taam tingganai imam Jaudi no, “Rorondo' ayuk raja' mai, i Kaisar.”

JUANIS 19:15 ပူးပေါင်းရင်းမြစ်များ

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

MATIUS 22:17

Ginio ra, balai' akai atan koson pangkaraan Muno. Amon ru mambayar takau ra cukai ra Kaisar Roma, makasala takau kia ra Ukum ri Musa, kapoam kalo?”

LUKAS 23:18

Giminolok ulun masuang no, “Potoyo' Io am palabuso' ramon i Barabas!” (

JUANIS 18:31

Indagu i Pilatus risilo, “Alapo' am ukumi' min Io sumugut ra ukum mino galama'.” Kaa' taam tingganai ru ulun ru Jaudi no, “Kolondo' kuasa' mai mangani' ra ukuman potoyon.” (

JUANIS 19:6

Kakito Io ayuk ru tingganai imam Jaudi am pulis-pulis ru Baloi Tuhan no, golok ilo, “Salipo' Io, salipo' Io!” Indagu i Pilatus risilo, “Alapo' min noyo Io am akau galama' ayuk manalip Riso, sabap ra kalo natuum ku rondo' pana sala nati.”

RINALATAN 13:28

Kabalu' pana kolondo' natuum nilo ra atan ayuk sasaban koson ra Io ukumin ra potoyon, kaa' kitaako' nilo niayuk ri Pilatus ra io ti potoyon.

RINALATAN 21:36

Ilo ngaangai' siminunu' risilo liliwa' giminolok, “Potoyo' io!”

RINALATAN 22:22

Ulun-ulun no lakat ayuk poyo nangkirongog ra atan rinagu ri Paulus, kaa' ondo' rinagu no ra pupus ti boo, golok ilo, “Potoyo' io! Kalo maaya' io maayag!”