JUANIS 18:33 - Tanou Moonsoi Timugon

³³ Ginio ra subol i Pilatus saguli' ra istana am pampiau ri Jisus am kuati' no, “Okou no kia raja' ru ulun ru Jaudi?”

JUANIS 18:33 ပူးပေါင်းရင်းမြစ်များ

JIRIMIA 23:5

Indagu Tuhan, “Masaboi paat no ra mampalantik Aku ra sangulun raja' ondo' matimpok intor ra papag ri Daut. Mamarinta raja' no ra matanda', am mambaal ra atan ondo' matimpok am motopot giu' ra titikop pagun.

JIPANYA 3:15

Linanggaan noyo ru Tuhan mangukum ramuyun; Pinagiru' No ngaangai' pantula' min. Tuhan, raja' ru Israil, mabaya' ramuyun, kolondo' boo ondo' mampakalalaa' ramuyun.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

MATIUS 27:11

Paat ri Jisus pinauma' ra gabenor Pilatus, kuati' Io, “Okou kia raja' ru ulun ru Jaudi?” Taam i Jisus, “Rinagu mu noyo.”

MATIUS 27:27

Saujor-saujor Roma pana nagibit boo ri Jisus mongoi subol ra istana ru gabenor, am ngaangai' saujor no timung limpu ri Jisus.

MARKUS 15:2

Pangkuot i Pilatus ri Jisus, “Topot kia Okou no raja' ru ulun ru Jaudi?” “Okou galama' minindagu,” kon ri Jisus.

LUKAS 23:2

Uwin nilo i Jisus ra giu' i, konilo, “Narampatan mai ulun ti nampakalayau ra bansa' mai. Nanusub Io ra ulun masuang kalo mambayar ra cukai ra Kaisar, am migiangku ra Io no i Kristus, ioginio raja'.”

JUANIS 1:49

Indagu i Natanil, “Mangingila', Okou no Anak ri Aki Kapuuno' am raja' ru ulun ru Israil!”

JUANIS 12:13

Alapo' nilo raun palma am ongoi uma' Riso, golok ilo, “Omporo' noyo i Aki Kapuuno'! Kabarakat noyo Io ondo' matong ralalom ra inggalan ru Tuhan! Kabarakat noyo raja' ru Israil!”

JUANIS 12:15

“Pai' kalaa' mamagun ru bandar Sion! Ilai', mokoondo' raja' min matong nangura' ra sanginan kaladai mamulok!”

JUANIS 18:34

Taam i Jisus, “Pangkuatan mutu intor ra guang muno galama' kia kapoam tinunungan kou ru ulun bokon?”

JUANIS 18:37

Indagu i Pilatus Riso, “Ginio poyo, Okou ti sangulun raja'?” Taam i Jisus, “Rinagu mu noyo ra Aku ti sangulun raja'. Ginio ra Aku inanak am minatong ra tana' ti, koson mampatanou ra katapatan ri Aki Kapuuno'. Osoi ayuk gumagaya' ra katapatan ti mangkirongog io Raki'.”

JUANIS 18:38

Pangkuot i Pilatus Riso, “Atan nua' katapatan?” Pakapangkuot i Pilatus raginio, ingkual io poyo am indagu ra ulun-ulun ru Jaudi no, “Kolondo' rondo' pana sala natuum ku ra ulun ti.

JUANIS 19:12

Korongog ri Pilatus ragu raginii, gumogot io mampalabus ri Jisus. Kaa' golok ulun masuang no, “Amon ru palabuson mu Io, sala' ka rangan kou ru Kaisar. Osoi ayuk migiangku ra raja', manggal io niayuk ri Kaisar.”

JUANIS 19:3

Nampapalit ilo boo mongoi inggaar Riso am indagu, “Tabi', raja' ru ulun ru Jaudi.” Mopongo ragili lapison nilo pingas Nali.

JUANIS 19:4

Igondo' poyo miningkual i Pilatus am indagu ra ulun masuang no, “Ilai'! Paingkualon ku Io ramuyun, maa' raginio makapandai kau ra kolondo' rondo' pana sala natuum kuno ra ulun ti.”

JUANIS 19:9

Subol io boo saguli' ra istana i am pangkuot ri Jisus, “Ati intor Mu?” Kaa' nongkoror ayuk i Jisus.

1 TIMOTIUS 6:13

Am raino ra saang ri Aki Kapuuno', ondo' puun ru ngaangai' kaayagan, am i Jisus Kristus, ondo' nampaintutun ra katapatan ri Pontius Pilatus, manusub aku rirun,