JUANIS 18:28 - Tanou Moonsoi Timugon

²⁸ Nokorondom ra iosusuab, ibito' nilo i Jisus intor ra baloi ri Kayapas mongoi ra istana ru gabenor. Kaa' tingganai ru Jaudi galama' kalo minumpos ra istana i, koson kalo majamol ilo sumugut ra kaulayan ru ugama nilai, sabap ra masaga' ilo gumulung ra akanon ru Pangiantakan ra Paska.

JUANIS 18:28 ပူးပေါင်းရင်းမြစ်များ

MAZMUR 35:16

Koson ra ulun ondo' mangiis ra ulun kalo makalulu', masisang ilo magilong raki'.

AMSAL 1:16

Kalo moorot nilo guang mambaal ra kalaatan, gogolong ka mampatoi ilo mataki'.

AMSAL 4:16

Ulun malaat kalo mokororot amon ru kalo poyo makapambaal ilo ra malaat. Kalo matikoolong ilo amon ru kalo poyo maninduol ilo ra ulun bokon.

YEHEZKIEL 45:21

“Paat ra orou koopor am apat, sila' kasaa', musiti' kau mangiantak ra Pangiantakan Paska. Buoi ru pangiantakan no tulu' ngoorou, ngaangai' ulun musiti' mangakan ra ruti' kalo linatakan ra ragi.

MIKA 2:1

Aibui boo ra ulun-ulun ondo' mangatang ra kalaatan ondo' kalo mantilayun am liminuya' ra intok pambalangan paat ra tanga' ru rondom. Paat ra orou sinumirang baalon nilo kalaatan ondo' inatang no sabap ra maalap nilo mambaal raginio.

MATIUS 27:27

Saujor-saujor Roma pana nagibit boo ri Jisus mongoi subol ra istana ru gabenor, am ngaangai' saujor no timung limpu ri Jisus.

MARKUS 15:16

Inibit i Jisus ru saujor-saujor ra liliut ru Panalasayan giu' ra istana ru gabenor. Piawo' boo sampulalai saujor ra bokon tumimung.

LUKAS 22:66

Io suabon, tingganai ru ulun ru Jaudi, tingganai imam Jaudi am mangingila' ra ukum ri Musa no timinimung ra Majlis Ugama, am paumaa' boo i Jisus risilo.

JUANIS 11:55

Paat ragili Pangiantakan ra Paska mamaar noyo, am masuang ulun intor ra moonong pamagunan minongoi ra Jirusalim. Maya' ilo ra kaulayan pambaguan ra kalo poyo masaboi pangiantakan no.

JUANIS 18:13

Ibito' nilo boo i Jisus paumaa' galing ri Annas, iwan ri Kayapas. I Kayapas ti noyo Tingganai Maayo Imam Jaudi ra bilor raginio.

JUANIS 18:15

I Simon Pitrus am sangulun maamaya' ra bokon i siminunu' ri Jisus. Maamaya' ra bokon ti nauligan ru Tingganai Maayo Imam Jaudi i, ginio ra pakasubol io mabaya' ri Jisus ra liliut ru istana ru Tingganai Maayo Imam Jaudi.

JUANIS 18:33

Ginio ra subol i Pilatus saguli' ra istana am pampiau ri Jisus am kuati' no, “Okou no kia raja' ru ulun ru Jaudi?”

JUANIS 18:39

Kaa' sumugut ra kaindalaman, moonong Pangiantakan ra Paska mampalabus aku ra sangulun inaput. Masaga' kau kia ru palabuson ku ramuyun raja' ru ulun ru Jaudi ti?”

JUANIS 19:11

Taam i Jisus, “Kolondo' kuasa' muno Raki' amon ru kalo aniin kou ri Aki Kapuuno'. Ginio boo ra ulun nampataak Raki' i rirun, maayo poyo tula nano ka okou.”

JUANIS 19:14

Paat ragili maar noyo tanga' ru orou ra orou Tampasan ra Pangiantakan ra Paska noyo. Indagu i Pilatus ra ulun masuang no, “Ilai', gitio noyo raja' min.”

JUANIS 19:9

Subol io boo saguli' ra istana i am pangkuot ri Jisus, “Ati intor Mu?” Kaa' nongkoror ayuk i Jisus.

RINALATAN 10:28

Indagu i Pitrus risilo, “Akau galama' nakapandai ra maya' ra kaulayan ru ugama Jaudi, ulun ru Jaudi kalo makasubol ra baloi ru ulun sala' ka Jaudi kapoam kumubayau risilo. Kaa' i Aki Kapuuno' nampakito noyo raki' ra kalo noyo karaan ku ra ulun bokon malaat kapoam majamol.

RINALATAN 10:32

Panusub ra ulun mongoi ra Jopi koson mampiau ra sangulun ungkuyon ondo' makainggalan ri Simon Pitrus. Minayan io ra sangulun ondo' makainggalan ri Simon niayuk; ondo' kandoi nano mambaal ra kuliamos intor ra kungkung maayag am baloi nano ra kiing ru raat.’

RINALATAN 11:3

“Minongoi kou po ra baloi ru ulun sala' ka Jaudi, ioginio ondo' kalo poyo sinunatan, am giminulung kou risilo niayuk nangakan!”

RINALATAN 3:13

I Aki Kapuuno' ondo' sambaan ri Abragam, Isak am Jakub, am kinamatuaan takali, nampatulai noyo ra Ulipon Nano, i Jisus. I Jisus noyo ondo' pinataak min ra kuasa' ru parinta min, am kalo inapu min Io paat Io inibit ra saang ri Pilatus, kabalu' pana i Pilatus makaguang mampalabus Riso.

RINALATAN 4:27

Motopot ra raja' Irodis am i Pontius Pilatus naguma' ra ulun sala' ka Jaudi am poyo ulun ru Israil giti ra bandar ti, koson manggal ri Jisus Ulipon Muno ra matulai, ondo' sinauk Mu ra Mamamayag.

SAGULION 16:2

Ongoi noyo ra rondo' intok sambayangan no, am giu' no simbaluyo' noyo sanginan intor ra domba kapoam sapi' min koson bunsag ru Paska tayar mangurumat ra Tuhan i Aki Kapuuno' min.