JUANIS 18:20 - Tanou Moonsoi Timugon

²⁰ Taam Io, “Nambala' Aku noyo toojo ra saang ru ulun masuang. Nangila' Aku ra baloi sambayangan am giu' ra Baloi Tuhan, ondo' masalok titimungan ru ulun ru Jaudi. Kalo nansibuni Aku ra Aku minindagu.

JUANIS 18:20 ပူးပေါင်းရင်းမြစ်များ

MAZMUR 22:22

Kolondo' boo ikang kutu, palabuso' aku intor ra sangau ru karabau am intor ra kabang ru singa'.

MAZMUR 40:9

Masaga' aku mambaal ra kasagaan Muno, iou Aki Kapuuno' kuno! Ngaangai' ru pangilaan Muno pinauli ku ra guang kuno.”

JISAYA 45:19

Kalo alion Ku ra Aku mindagu, kapoam opoton. Kalo susubon Ku ulun Kuno Israil maguyum Raki' ra kolondo' logo. Aku, Tuhan, mindagu ra motopot, am mambala' ra motopot.”

JISAYA 48:16

Ratong inggaar no Raki' am rongogo' ragu Kuno. Intor ra galing i kalo opoton ku ragu Kuno, am moonong ragu Kuno motopot.” Ragino Tuhan Raja' manusub raki' am manaak raki' ra kuasa' Nano.

MATIUS 24:26

“Kaa' amon ru ulun mindagu ramuyun, ‘Ilai' soroi Io giu' ra tana' kaagisan!’, pai' kano ongoi ra giu'. Kapoam, amon ru mindagu ilo ramuyun, ‘Ilai', nansibuni Io ragiti!’, pai' kano pangintopot.

MATIUS 26:55

I Jisus pana indagu boo ra ulun masuang no, “Ulun malaat Aku kia saboi matong kau magibit ra ilang am lalamba' koson mamparakop Raki'? Moonong orou soroi Aku mangila' ra Baloi Tuhan am kalo rinakop min Aku!

MATIUS 26:65

Tingganai Maayo Imam Jaudi ti pana namparilak ra bayang nali galama' am indagu, “Nagasab Io ri Aki Kapuuno'! Raino kalo pana maguyum takau ra sasi'. Akau ngai' nakaining atan rinagu Nani, ra magasab ri Aki Kapuuno'.

MATIUS 4:23

Sinuku' ri Jisus titikop libung ru Galilia. Nangila' Io ralalom ru baloi sambayangan am nampatanou Io niayuk ra Tanou Moonsoi ra mamarinta i Aki Kapuuno'. Namabas Io ra ngaangai' maruol ru ulun masuang.

MATIUS 9:35

Minongoi i Jisus ra ngaangai' pekan am pamagunan. Nangila' Io giu' ra baloi sambayangan am nampatanou ra Tanou Moonsoi ra i Aki Kapuuno' mamarinta. Namabas Io ra ulun-ulun intor ra nansalinut maruol nilono.

MARKUS 8:32

Rinansak toojo ri Jisus ra Io nambala' ra maamaya' Nano. Kulayuso' ri Pitrus i Jisus ra sangkiingan am pansawai Riso.

LUKAS 21:37

Moonong orou nangila' i Jisus giu' ra Baloi Tuhan, am paat ra mamai' mongoi Io koolong ra Bulur Jaitun.

LUKAS 4:15

Nangila' Io ra ati ayuk makabaloi sambayangan, am ngaangai' ulun nongompor Riso.

JUANIS 18:21

Kua kuati' mu Aku? Kuati' ilo ondo' nokorongog ra nangilaan Kuli. Maaru' ilo no nakapandai ra rinagu Kuno.”

JUANIS 6:59

Ngaangai' ti rinagu ri Jisus ra Io nangila' giu' ra baloi sambayangan giu' ra Kapirnaum.

JUANIS 7:14

Naintanga' noyo pangiantakan i, subol boo i Jisus ra Baloi Tuhan am timinalimpuun mangila'.

JUANIS 7:26

Ilai', mindagu Io ra saang ru ulun masuang, am tingganai takano kalo niayuk manggal Riso. Natutunan nilo nua' ra Io ti noyo Mamamayag ondo' sinusub ri Aki Kapuuno' i?

JUANIS 7:28

Tatanga' i Jisus nangila' giu' ra Baloi Tuhan, pangkuot Io ra mosongou toojo, “Motopot kia ra nakaulig kau Raki' am nakapandai kau ra intor Kuli? Kalo minatong Aku ra kuasa' Kutu galama', kaa' sinusub Aku ru Io ondo' maintopot, am Io no kalo mauligan min.

JUANIS 7:4

Kolondo' sangulun pana mambuni ra baalon nano amon ru masaga' io kauligan ru ulun. Amon ru baalon Muno ngaangai' tatandu' raginio, polosoo' noyo ngaangai' ulun ru tana' ti makapandai.” (

JUANIS 8:2

Nokorondom ra suabon i, subol Io ra Baloi Tuhan am ulun masuang minatong Riso. Ginio ra panturung Io am tumalimpuun mangila' risilo.

JUANIS 8:26

Masuang baal mino ondo' akimin Kuno. Kaa' Io ondo' nanusub Raki' i motopot, am mambala' Aku ra ulun ru tana' ti maya' ra atan ondo' morongog Kuno intor Riso.”

RINALATAN 26:26

Raja' Agripa! Makakau' aku mindagu ra saang muno sabap ra makatutun kou ra ngaangai' ti. Natutunan ku niayuk ra norongog mu noyo ginio, sabap ra pai' ru nakasibuni ngaangai' ti.