JUANIS 18:12 - Tanou Moonsoi Timugon

¹² Ginio boo ra santayaran saujor Roma nabaya' ra tingganai nilai am pulis-pulis ru Baloi Tuhan no, namparakop ri Jisus am bangkilo' nilo Io.

JUANIS 18:12 ပူးပေါင်းရင်းမြစ်များ

KASAUKAN 22:9

Pakasaboi ilo ra intok ondo' inaru' ri Aki Kapuuno', pambaal i Abragam ra altar am pantuumo' luton ponolob ra taak simbalui no ra tampak no. Bangkilo' no anak ungkuyon nano am palangano' ra altar no, tampak ru luton ponolob no.

KASAUKAN 40:3

pasubolo' no boo ilo ra lamin pangaputan ra baloi ru tingganai magagalung ra istana no, nogondo' ra nangaputan ri Jusup.

MAZMUR 118:27

Tuhan no i Aki Kapuuno'; moonsoi Io ritakau. Satanggal-tanggal ilo ra raan ru roroon koson mapatalimpuun ra pangiantakan am mugar lumiput ra altar.

MATIUS 26:57

Karakop nilo i Jisus, ibito' nilo ra baloi ru Tingganai Maayo Imam Jaudi, i Kayapas. Giu' no naginaa noyo mangingila'-mangingila' ra Ukum ri Musa am tingganai-tingganai ru ulun ru Jaudi.

MATIUS 27:2

Bangkilo' nilo Io am ibito' paumaan ri Pilatus, gabenor karajaan Roma.

MATIUS 27:27

Saujor-saujor Roma pana nagibit boo ri Jisus mongoi subol ra istana ru gabenor, am ngaangai' saujor no timung limpu ri Jisus.

MARKUS 14:53

Inibit i Jisus giu' ra baloi ru Tingganai Maayo Imam Jaudi. Giu' i, ngaangai' tingganai imam Jaudi, tingganai ru ulun ru Jaudi am mangingila' ra Ukum ri Musa no timinimung.

MARKUS 15:1

Ra iosuabon, tingganai imam Jaudi, tingganai ru ulun ru Jaudi, mangingila' ra Ukum ri Musa am ulun Majlis Ugama ra bokon, nagindibok nansusunur. Rantayo' nilo i Jisus, paumaa' am pataaki' nilo Io ra gabenor Pilatus.

LUKAS 22:54

Rokopo' am ibito' nilo i Jisus giu' ra baloi ru Tingganai Maayo Imam Jaudi, am i Pitrus siminunu' intor ra maalur.

JUANIS 18:3

Ginio ra i Judas pana minongoi ra giu' i nababaya' ra santayaran saujor Roma am kukula' ngaulun pulis ru Baloi Tuhan, ondo' sinusub ru tingganai imam Jaudi am niayuk ulun-ulun ru Parisi. Ilo ti nagibit ra lentera am titiu am poyo ilang.

RINALATAN 10:1

Mokoondo' sangulun ungkuyon makainggalan ri Konilius minayan ra Kaisaria. Io ti tingganai ru tayar saujor Roma ondo' sabiton ra “Rejimen ru Itali”.

RINALATAN 21:31

Paat ra ulun-ulun nangkinam mamatoi ri Paulus no, tingganai maayo ru saujor Roma binalaan ra kumuliangi-angi ra titikop bandar Jirusalim.

RINALATAN 21:37

Maar ilo makaumpos noyo ra kim, indagu i Paulus ra tingganai maayo ru saujor i, “Tuan, mabuli aku kia mindagu?” Taam tingganai maayo ru saujor i, “Mapandai kou nai ra ragu Junani!

RINALATAN 23:10

Gili boo ra pansasangaran i giminaai toojo, saboi tingganai maayo ru saujor no malaa' ra uupin nilo lair i Paulus. Ginio ra susubo' no i Paulus paingkualon intor ra tatanga' ru ulun-ulun no am ibiton ra kim ru saujor.

TINGGANAI RU BANSA' 16:21

Ginio ra ulun ru Palistin namparakop ri Simson am kiulo' karuruo unor ru mato nano. Nagibit ilo riso giu' ra Gaja, am rinantai io ra rantai gangsa'. Giu' no pinasubol i Simson ra pangaputan am jinajalan manginsar ra gandum.