JUANIS 18:1 - Tanou Moonsoi Timugon

¹ Kopongo i Jisus nakiasi' raginio, ugar Io nabaya' ra maamaya' Nano am sindaup ilo ra rondo' sungoi ininggalanan ra Kidron. Giu' i minongoi ilo ra rondo' taman.

JUANIS 18:1 ပူးပေါင်းရင်းမြစ်များ

KASAUKAN 2:15

Tuhan i Aki Kapuuno' napaayan boo ra ulun raginio ra Taman Idin koson mangandoi am mantamung ra Taman no.

KASAUKAN 3:23

Ginio ra Tuhan i Aki Kapuuno' napaugar ra ulun no intor ra Taman Idin am sinusub No mangandoi ra tana' ondo' intor raginio io binaal.

2 SAMUIL 15:23

Ngaangai' ulun nantangi' ra mosongou paat ra ngaangai' minaya' ra Raja' Daut no nangiruan ra istana. Kopongo raginio liminaup raja' ra Sungoi Kidron, sunu' ngaangai' pulalai nano, am ugar sumuku' ra tana' kaagisan.

1 RAJA'-RAJA' 15:13

Nangimpai Raja' Asa ra aru' nano, i Maakga, intor ra intok nano koson ra ina' ru raja' ruandu', sabap ra nambaal i Maakga rondo' sinungkalalaing makauyuyu', Dewi Asyira, sinungkalalaing sambaan ondo' makatatandu' ra kalabungan. Raja' Asa napalunsai ra sinungkalalaing sambaan raginio am sinolob no giu' ra Limayak Kidron.

1 RAJA'-RAJA' 2:37

Amon ru mingkual kou am lumaup ra sungoi boborok Kidron no, maaru' potoyon kou, am okou galama' mansaan ra patayan muno.”

2 RAJA'-RAJA' 23:12

Linunsai no altar-altar ondo' binaal ru raja'-raja' ru Jiuda giu' ra taap ru istana, rasawat ru lamin-lamin ru Raja' Agas. Nampalunsai niayuk Raja' Josia ra altar-altar ondo' binaal ru Raja' Manasi giu' ra ruo liliut Baloi ru Tuhan. Inumok ru Raja' Josia altar no am pinatiran no ra ralalom ru Limayak Kidron.

2 RAJA'-RAJA' 23:4

Kopongo raginio Raja' Josia namarinta ra Tingganai maayo Imam Ilkia, imam ra mangingindangan, am mantamung ondo' mangandoi giu' ra kulobon Baloi ru Tuhan maa' raginio mangingkual ra ngaangai' kuliamos ondo' pinakai koson sumamba ra Baal, Dewi Asyira, am butitin-butitin. Sinolob ru Raja' Josia ngaangai' kuliamos no giu' ra liwar ru bandar, mamaar ra Limayak Kidron, am kaau no inibit ra Bitil.

2 RAJA'-RAJA' 23:6

Pinaingkual ru Raja' Josia tatandu' ru Dewi Asyira intor ra Baloi ru Tuhan, am inibit no miningkual ra bandar, giu' ra Limayak Kidron koson solobon. Kopongo raginio baa nano tinutu saboi nasauk ra kaau, am pinatauk giu' ra kalabangan ru mamagun.

2 TUNUNG RU BANSA' ISRAIL 15:16

Raja' Asa nampatuun ra intok ru aru' nano, i Maakga koson ra ina' ru raja' ruandu', sabap ra nambaal io ra rondo' sinungkalalaing majamol koson ra Dewi Asyira, dewi kalabungan. Ginaba' ru Raja' Asa sinungkalalaing no, tinotok no, am sinolob no giu' ra Limayak Kidron.

2 TUNUNG RU BANSA' ISRAIL 29:16

Imam-imam siminubol ra Baloi ru Tuhan koson mamasau raginio. Pinaingkual nilo ngaangai' kuliamos majamol ra liliut. Intor ra giu' no ulun-ulun ru Liwi nagibit ra kuliamos-kuliamos majamol no ra liwar ru bandar, giu' ra Limayak Kidron.

2 TUNUNG RU BANSA' ISRAIL 30:14

Linunsai nilo ngaangai' altar giu' ra Jirusalim ondo' pinakai koson mampataak ra taak simbalui am monolob ra kaminyan ra dewa-dewa am pinatiran boo ngaangai' no ra ralalom ru Limayak Kidron.

NIGIMIA 2:15

Ginio ra tuun aku ra Limayak Kidron am namparayus ra pangkiralanan, liliwa' nagilong toojo ra timbok ru bandar. Kopongo raginio siminaguli' aku ra bandar minaya' ra ralan raginio niayuk, ondo' nansail ra Kulobon Garabang Limayak.

JIRIMIA 31:40

Titikop ru limayak raginio, ondo' pakayon koson ra tana' kalabangan am intok pamatiran ra ginsamol, am ngaangai' umo giu' ra kiing ru Sungoi Kidron saboi ra Kulobon Garabang Kuda mongoi tampilon ra sirangon, patimpokon Raki'. Bandar Jirusalim kalo boo lunsayon kapoam pusoon.”

IMAMAT 2:6

Ruti' no musiti' lalapakon am uasin ra umau jaitun paat ra pataakon.

MATIUS 26:30

Kopongo ilo narimbai ra rimbai mongompor ri Aki Kapuuno', ugar ilo ongoi ra Bulur Jaitun.

MATIUS 26:36

I Jisus am maamaya'-maamaya' Nano ugar boo ongoi ra rondo' intok ondo' ininggalanan ra Gitsimani. Indagu Io risilo, “Panturung kau ragiti. Mongoi Aku pakiasi' ra giu' no.”

MARKUS 14:26

Kopongo ilo narimbai ra rondo' rimbai mongompor ri Aki Kapuuno', ongoi ilo boo ra Bulur Jaitun.

MARKUS 14:32

Pakasuku' ilo ra rondo' intok ininggalanan ra Gitsimani, indagu i Jisus ra maamaya' Nali, “Panturung kau ragiti buoi Aku mongoi pakiasi'.”

MARKUS 14:42

Tirong kano am ugar takau. Ilai', io ondo' mampataak Raki' nakaratong noyo!”

JUANIS 14:31

Kaa' suguton Ku ngaangai' nanusuban ri Ama', maa' raginio ulun ru tana' ti makapandai ra motogom Aku ri Ama'. Ibok am iruani' takano intok ti.”

JUANIS 18:26

Sangulun ulipon ru Tingganai Maayo Imam Jaudi i, io ti pabukat ru ulun ondo' piniasan ri Pitrus ra talingo, minindagu, “Sala' ka kia okou nakito ku giu' ra taman i nabaya' Riso?”

RINALATAN 21:11

Inggaar io ramon am alapo' no abot ri Paulus. Pobongkoso' no kalindu' am kalayam nali galama' ra abot i am indagu io, “Koson ragitio ragu ru Ambiluo ri Aki Kapuuno': ‘Ulun tatangan ra abot ragitio, bangkilon koson ragitio niayuk ru ulun ru Jaudi giu' ra Jirusalim. Am pataakon io poyo ra kuasa' ru ulun sala' ka Jaudi.’ ”