JUANIS 17:4 - Tanou Moonsoi Timugon

⁴ Pinatulai Tokou noyo ra saang ru ulun ru tana' ti, ioginio nopongo Ku noyo kandoi ondo' pinalansan Mutu Raki'.

JUANIS 17:4 ပူးပေါင်းရင်းမြစ်များ

LUKAS 22:37

Balain takamin, ondo' tinulisan noyo ra Buuk Kitab, ‘Kinara' Io koson ra sangulun malaat,’ maaru' masauk Raki', am sotopot no masauk noyo ra raino ti.”

JUANIS 12:28

Ama', pakitono' noyo katulayan Muno.” Morongog boo mokobolos intor ra suruga', “Pinakito Ku noyo katulayan Kuno, am pakitonon Ku poyo.”

JUANIS 14:13

Ginio ra atan ayuk kitaakon min ralalom inggalan Kuno, baalon Ku. Maa' raginio i Aki Kapuuno' katulayon ralalom ru Anak Nano.

JUANIS 14:31

Kaa' suguton Ku ngaangai' nanusuban ri Ama', maa' raginio ulun ru tana' ti makapandai ra motogom Aku ri Ama'. Ibok am iruani' takano intok ti.”

JUANIS 15:10

Amon ru gumagaya' kau ra panusuban Kuno, rumondon kau ra togom Kuno. Ginio mogondo' ra Aku gumagaya' ra panusuban ri Ama', am rumondon Aku ra togom Nano.

JUANIS 19:28

Napandayan ri Jisus ra raino ngaangai' nopongo noyo, am maa' raginio masugut ondo' tinulisan ra Buuk Kitab, indagu Io, “Pinaason Aku.”

JUANIS 19:30

Kainum ri Jisus wain i, indagu Io, “Nopongo noyo!” Kuku' Io boo am kairui' Io ra painawo.

JUANIS 4:34

Indagu i Jisus, “Akanon Kuno gumagaya' ra kasagaan ru Io ondo' nanusub Raki' am momongo ra kandoi ondo' pinataak Nano Raki'.

JUANIS 5:36

Kaa' mokoondo' kaintutunan ra bokon ondo' maatang poyo intor ra kaintutunan ri Juanis i. Io ginio atan ondo' baalon Kutu, ondo' pinalansan ri Ama' Raki', ngaangai' ti mampainono' ra i Ama' noyo nanusub Raki'.

JUANIS 9:3

Taam i Jisus, “Ulun ti noolou sala' ka sabap ra tula nano galama' kapoam tula ru matuo nano, kaa' koson ralalom kaayagan nano paintalangon kuasa' ri Aki Kapuuno'.

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

2 TIMOTIUS 4:7

Siminingkotog aku no koson sangulun masisimbul am nakasuku' aku no ra pamupusan, am pinongo ku ngaangai' kandoi ondo' pinalansan raki'.