JUANIS 17:25 - Tanou Moonsoi Timugon

²⁵ Ama' ra motopot, kalo mauligan Kou ru ulun ru tana' ti, kaa' Aku makaulig Rirun, am ngaangai' ulun ragitio niayuk nakapandai ra Okou no nanusub Raki'.

JUANIS 17:25 ပူးပေါင်းရင်းမြစ်များ

JISAYA 45:21

Pabalaa' atan suang ru guang muno am niayuk inono'-inono' no, iou, polosoo' ilo mansunur. Osoi kia napatanou ra baal raginio am napabala' intor ra galing i? Sala' kia ka Aku, Tuhan? Kolondo' tuhan-tuhan ra bokon, ondo' ak am Aku. Aku noyo i Aki Kapuuno' ondo' matimpok am mamamayag, kolondo' noyo bokon ondo' ak am Aku!

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

MATIUS 16:16

Taam i Simon Pitrus, “Okou no Mamamayag ondo' sinusub i, Anak ri Aki Kapuuno' Ondo' Maayag.”

LUKAS 10:22

Pinataakan ri Ama' ngaangai' Raki'. I Ama' ayuk rondo' makaulig ra Anak am Anak ayuk rondo' makaulig ra Ama'. Am osoi ayuk kasagaan ru Anak no mambala' am mampaulig ra Ama' Nano.”

JUANIS 1:18

Kolondo' sangulun pana nakakito ri Aki Kapuuno'. Kaa' Anak Langkuir ri Ama' ayuk, ondo' mogondo' Riso am rondo' guang Riso, Io nampaintalang ri Aki Kapuuno'.

JUANIS 10:15

Aku mampataak ra painawo Kuno risilo.

JUANIS 15:21

Kaa' ngaangai' no baalon nilo ramuyun sabap ra akau maamaya' Kuno, am sabap ra kalo nakaulig ilo Riso ondo' nanusub Raki' i.

JUANIS 16:27

sabap ri Ama' galama' motogom ramuyun. Motogom Io ramuyun sabap ra motogom kau Raki' am mangintopot kau ra minatong Aku intor Riso.

JUANIS 16:3

Ginio baalon nilo ramuyun sabap ra kalo nakaulig ilo ra Ama' Kuno kapoam Aku galama'.

JUANIS 16:30

Raino nakatutun akai no ra Okou makapandai ra ngaangai' am kolondo' boo pangkuatan mai Rirun. Ginio boo ra akai mangintopot ra Okou intor ri Aki Kapuuno'.”

JUANIS 17:11

Raino sumaguli' Aku Rirun. Kalo boo mayan Aku ra tana' ti; kaa' ilo lakat poyo soroi ra tana' ti. Ama' ra matulai! Alungi' ilo noyo ralalom ru kuasa' ru inggalan Mu, ioginio inggalan ondo' pinataak Muno Raki', maa' raginio rondo' guang nilo, nogondo' Rito.

JUANIS 17:18

Sinusub Ku ilo mampatanou ra ulun ru tana' ti, koson Aku sinusub Mu.

JUANIS 17:21

Ama', makiasi' Aku gama' ru ilo ngaangai' rondo' guang. Koson Okou masimpung Raki', am Aku masimpung Rirun. Gama' ru masimpung ilo Rito, maa' raginio mangintopot boo ulun ru tana' ti ra Okou noyo nanusub Raki'.

JUANIS 17:23

Aku masimpung risilo am Okou masimpung Raki'; maa' raginio totopot ilo rondo' guang. Makatutun boo ulun ru tana' ti ra Okou no nanusub Raki' am motogom Kou risilo nogondo' ra Okou motogom Raki'.

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

JUANIS 17:8

Pinasaboi Ku noyo risilo nangilaan Muli Raki' am inapu nilo. Nakapandai ilo no ra totopot Aku minatong intor Rirun am mangintopot ilo poyo ra Okou no nanusub Raki'.

JUANIS 3:17

Sabap ra i Aki Kapuuno' nanusub ra Anak Nano mongoi ra tana' ti sala' ka mongoi pangakim ra ulun, kaa' mongoi pamayag risilo.

JUANIS 6:19

Nangkabil maamaya' Nano olo'-olo' limo kilomito noyo galur am kakito nilo i Jisus mugar ra rasawat ru timug. Mininggaar Io ra parau i am nangalaa' ilo kaga'.

JUANIS 7:29

Aku makaulig Riso, sabap ra Io noyo ondo' nanusub Raki' am Aku ti minatong intor Riso.”

JUANIS 8:19

Ginio ra pangkuot ilo, “Ati i Ama' Muno?” Taam i Jisus, “Kalo makaulig kau Raki', kapoam i Ama' Kuno. Amon ru makaulig kau Raki', Ama' Kuno pana mauligan min niayuk.”

JUANIS 8:55

Akau kalo makaulig Riso, kaa' Aku makaulig Riso. Amon ru mindagu Aku ra kalo makaulig Riso, maabau-abau Aku koson ramuyun. Kaa' makaulig Aku niayuk Riso am gumagaya' Aku ra ragu Nano.

RINALATAN 17:23

Paat ra aku minugar-ugar ra bandar min ti am minongoi pagilong ra intok sambayangan mino, mokoondo' tinulisan nauma' ku ra rondo' panimbaluyan ra taak mino, ioginio: ‘Intok sambaan ri Aki Kapuuno' Ondo' Kalo Nauligan’. Kabalu' pana kalo nauligan min ondo' sambaan min ti, kaa' ginio noyo ondo' raino pabalaan kuno ramuyun.

RINALATAN 26:18

koson mangukab ra guang nilo. Ginio ra makaingkual ilo boo intor ra kalandaman am mokoongoi ra matawang; koson makalabus ilo boo intor ra kuasa' ru Tingganai ru riwato no am makasaguli' ri Aki Kapuuno'. Ra koson raginio, mansail ra pangintapatan nilo Raki', tula nilono ampunon am masauk ilo ra ulun pinili' ri Aki Kapuuno'.’ ”

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

ROMA 3:11

kolondo' ra sangulun pana makarati' ra atan ondo' motopot am sumamba ri Aki Kapuuno'.

ROMA 3:26

Kaa' raino kalo boo polosoon No tula ru ulun koson mampakito ra kinabanis ru guang Nano. Ginio mampakito ra i Aki Kapuuno' motopot am mopobonsoi saguli' Io ra moonong ulun ondo' mangintopot ri Jisus.

1 KORINTUS 1:21

Sumugut ra kapintaran Nano, nangaru' i Aki Kapuuno' ra osoi ayuk kalo makaulig Riso maya' ra kapintaran nano galama'. Kaa' Io no mamayag risilo ondo' mangintopot Riso minumbaya' ra tanou ondo' posoboyon maino, ondo' karaan ru ulun ru tana' ti ra ragu sasambungon.

1 KORINTUS 15:34

Tandaa' noyo pangkaraan mino, am pai' boo pambaal ra tula. Sotopot no mauyu' kau ra mokoondo' intor ramuyun ondo' lakat ayuk poyo kalo makaulig ri Aki Kapuuno'.

2 KORINTUS 4:4

Guang ru ulun ondo' kalo mangintopot ti kinolondom ru tingganai malaat ondo' mamarinta ra tana' ti. Io noyo ondo' manginga' risilo makakito ra sinda intor ra Tanou Moonsoi, ioginio katulayan ri Kristus ondo' mogondo' ri Aki Kapuuno'.

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

IBRANI 8:11

Kalo pana boo mangila' ilo ra bansa' nilo galama' kapoam pabukat nilai no ra ‘Ulig no ra Tuhan ’. Sabap ra ilo ngai', intor ra ulun musikin suku' ra langkaya', makaulig niayuk Raki'.

1 JUANIS 1:9

Kaa' amon ru mangiou takau ra tula takau ri Aki Kapuuno', intopoton No bantu' Nali ritakau am mambaal Io ra atan ondo' motopot; ampunon No tula takau am mangimpasau ritakau intor ra ngaangai' kalaatan.

PINAINTALANG 13:8

Ngaangai' ulun ondo' mayan ra tana' ti sumamba riso. Kaa' mokoondo' niayuk ondo' kalo sumamba riso, ioginio ilo ondo' inggalan nilono tinulisan noyo ra kitab ru Ulun Mokoowot ra Kaayagan Motopot paat ra tana' ti kalo poyo biningkal. Kitab no ampu' ru Anak Domba ondo' pinatoi ru ulun.

PINAINTALANG 16:5

Korongog ku malaikat ondo' nanguasa' ra timug no mindagu, “O Aki Kapuuno' Ondo' Mapasau Kaga', ondo' galing i am raino soroi. Ukum ondo' pinaratu' Muno motopot.