JUANIS 17:22 - Tanou Moonsoi Timugon

²² Katulayan ondo' pinataak Muli Raki', pinataak Ku niayuk risilo, maa' raginio rondo' guang ilo mogondo' Rito.

JUANIS 17:22 ပူးပေါင်းရင်းမြစ်များ

MARKUS 6:7

Piawo' No mopor am ruo ngaulun maamaya' Nano am susubo' No ilo tumaruruo. Inanian No ilo ra kuasa' mapagiru' ra riwato,

LUKAS 22:30

Mangakan am manginum kau ra rondo' mija' mababaya' Raki' paat ra Aku masauk ra raja'. Akau pana saukon ra raja' koson mangakim ra mopor am ruo ngantayaran bansa' ru Israil.”

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 1:16

Sabap ra togom Nano ra maayo no, kalo lumonggo' Io mambarakat ritakau.

JUANIS 14:20

Masuku' orou raginio, bagu no makapandai kau ra masimpung Aku ri Ama', am akau pana masimpung Raki', mogondo' niayuk ra Aku masimpung ramuyun.

JUANIS 17:24

“Ama', masaga' Aku ilo ondo' pinataak Muli Raki', mabaya' Raki' ra ati ayuk intok Kuno. Maa' raginio makatutun ilo ra Okou mampatulai Raki', sabap ra motogom Kou no Raki' ra tana' ti kalo poyo biningkal.

RINALATAN 5:41

Naansukan rasul-rasul no ra ilo miningkual ra Majlis Ugama, sabap ra ilo ti kinara' noyo ri Aki Kapuuno' maaya' imboloon sabap ra inggalan ri Jisus.

ROMA 8:30

Koson niayuk risilo ondo' inaru' noyo ri Aki Kapuuno' kalalair, ilo niayuk piawon No. Ilo ondo' piniau ri Aki Kapuuno', ilo niayuk pobonsoyon saguli' poyo Riso. Ilo ondo' pinobonsoi saguli' ri Aki Kapuuno' no, ilo niayuk katulayon No.

2 KORINTUS 3:18

Raino bulos takau ngai' kalo nasilian am mapatampulau takau boo ra sinda ru katulayan ru Tuhan. Sinda ru katulayan raginio niayuk ondo' mangulau ritakau masauk nogondo' Riso, koson buoi-kabuoi gumaai sinda ru katulayan takau. Ngaangai' ti intor noyo ra Ambiluo ru Tuhan.

2 KORINTUS 5:20

Koson ra ulun sinusub ri Kristus mampasaboi akai ra tanou ti am i Aki Kapuuno' galama' mindagu ramuyun mansail ramon. Ginio ra makitaak akai toojo ra: Polosoo' noyo akau pobonsoyon ri Aki Kapuuno'.

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

IPISUS 2:20

Koson ra baloi inimpuun ru batu, pangintapatan min inimpuun ra pangilaan ru rasul-rasul am nabi-nabi, Mabaya' i Kristus Jisus noyo galama' koson ra batu maatang ru baloi no.

PILIPI 1:29

Sabap ra akau inanian ra kaluagan manguma' ra kaimbalaan sabap ri Kristus am sala' ka mangintopot ayuk Riso.

KOLOSI 1:24

Raino maringkuanang aku ra kaimbalaan ondo' nasauk raki' am sabap ragitio noyo mangindangan ramuyun. Sabap ra mangukop ra kaimbalaan ri Kristus ondo' ginio kaatangan ru pasimpungan ulun Kristian ondo' karaan koson ra inan Nano.

1 JUANIS 1:3

Atan ondo' nakito am norongog mai, ginio niayuk pabalaan mai ramuyun. Maa' raginio makaaya' kau ramon ra kaayagan moonsoi, masisimpung ri Ama' am Anak Nano, i Jisus Kristus.

1 JUANIS 3:24

Ngaangai' ulun ondo' maya' ra susuban ri Aki Kapuuno', maayag sumimpung ri Aki Kapuuno', am i Aki Kapuuno' pana sumimpung risilo. Am nakapandai takau ra i Aki Kapuuno' maayag sumimpung ritakau, sabap ra nangani' Io ritakau ra Ambiluo Nano.

1 JUANIS 4:17

Togom tumilayun ralalom kaayagan takau, io no mampasauk ritakau makakau' paat ra Orou Pangukuman. Makakau' takau sabap ra bayag takau ra tana' ti mogondo' ra bayag ri Jisus Kristus.

PINAINTALANG 21:14

Timbok ru bandar no pinaturung ra mopor am ruo batu maayo ondo' tinulisan ra inggalan ru mopor am ruo rasul ru Anak Domba no.