JUANIS 17:21 - Tanou Moonsoi Timugon

²¹ Ama', makiasi' Aku gama' ru ilo ngaangai' rondo' guang. Koson Okou masimpung Raki', am Aku masimpung Rirun. Gama' ru masimpung ilo Rito, maa' raginio mangintopot boo ulun ru tana' ti ra Okou noyo nanusub Raki'.

JUANIS 17:21 ပူးပေါင်းရင်းမြစ်များ

JIRIMIA 32:39

Aniin Ku ilo ra rondo' kuayan ru kaayagan: koson mangurumat Raki' ra sabubuoi no koson ra kaatangan nilo galama' am papag nilo.

JIPANYA 3:9

Kaa' malupus raginio kulawon Ku guang ru bansa'-bansa' no, saboi makiasi' ilo Raki' ayuk am sala' ka tuhan-tuhan ra bokon. Ngaangai' bansa' no gumagaya' Raki'.

JAKARIA 14:9

Tuhan pana masauk boo ra raja' ru titikop ru tana' ti. Moonong ulun sumamba Riso koson ri Aki Kapuuno' am makaulig Riso ra nogondo' inggalan.

MARKUS 3:24

Amon ru rondo' pamagunan mantutuliar am manggal, maaru' pamagunan raginio mapuso.

JUANIS 10:16

Mokoondo' Aku poyo ra domba-domba ra bokon ondo' kalo nakaaya' ra tayar ragitio. Ilo pana musiti' Ku ibiton, am mokorongog ilo boo ra bolos Kuno. Ilo ti simpungon Ku am rondo' ayuk magagalung risilo.

JUANIS 10:30

Aku am i Ama' no rondo' ayuk.”

JUANIS 10:38

Kaa' amon ru baalon Ku, am kalo mangintopot kau ra ragu Kutu, pangintopot kano Raki' ra binaal Kuli. Bagu no makapandai am makarati' kau ra i Ama' masimpung Raki', am Aku pana masimpung ri Ama'.”

JUANIS 11:42

Nakapandai Aku ra masalok Kou mangkirongog ra pakiasian Kuno. Kaa' rinagu Ku kon raginio, koson giatilo ondo' soroi ragiti mangintopot ra Okou noyo nanusub Raki'.”

JUANIS 13:32

Amon ru i Aki Kapuuno' katulayon ralalom Riso, katulayon Io niayuk ri Aki Kapuuno' galama', am pongoon No ginio ra mataki'.

JUANIS 13:35

Amon ru motogom kau ra rondo' am bokon, bagu mapandayan ru ngaangai' ulun ra akau no maamaya' Kuno.”

JUANIS 17:11

Raino sumaguli' Aku Rirun. Kalo boo mayan Aku ra tana' ti; kaa' ilo lakat poyo soroi ra tana' ti. Ama' ra matulai! Alungi' ilo noyo ralalom ru kuasa' ru inggalan Mu, ioginio inggalan ondo' pinataak Muno Raki', maa' raginio rondo' guang nilo, nogondo' Rito.

JUANIS 17:18

Sinusub Ku ilo mampatanou ra ulun ru tana' ti, koson Aku sinusub Mu.

JUANIS 17:20

“Sala' ka ilo ti ayuk kiasiin Kuno, kaa' niayuk koson ra ngaangai' ulun ondo' mangintopot Raki' ralalom ru kaintutunan nilo ti pana.

JUANIS 17:25

Ama' ra motopot, kalo mauligan Kou ru ulun ru tana' ti, kaa' Aku makaulig Rirun, am ngaangai' ulun ragitio niayuk nakapandai ra Okou no nanusub Raki'.

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

JUANIS 17:8

Pinasaboi Ku noyo risilo nangilaan Muli Raki' am inapu nilo. Nakapandai ilo no ra totopot Aku minatong intor Rirun am mangintopot ilo poyo ra Okou no nanusub Raki'.

JUANIS 3:17

Sabap ra i Aki Kapuuno' nanusub ra Anak Nano mongoi ra tana' ti sala' ka mongoi pangakim ra ulun, kaa' mongoi pamayag risilo.

JUANIS 5:23

Ginio sinauk No koson ngaangai' ulun mangurumat ra Anak nogondo' ra ilo mangurumat ra Ama'. Osoi ayuk kalo mangurumat ra Anak, kalo niayuk mangurumat ra Ama' ondo' nanusub Riso.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

RINALATAN 4:32

Ngaangai' maamaya' ri Jisus toojo rondo' guang. Kolondo' sangulun pana intor risilo nangkara' am nangangku ra kuliamos nano galama', kaa' nagagapu ilo ra kuliamos.

ROMA 12:5

Koson niayuk ra itakau ulun, kabalu' pana masuang, kaa' itakau rondo' ayuk ralalom pasimpungan takau ri Kristus. Masisimpung takau ra rondo' am bokon koson ra tayar masimpung ra rondo' inan.

1 KORINTUS 1:10

Pabukat kau ngaangai'. Ralalom inggalan ru Tuhan takau, i Jisus Kristus, kitaakon ku toojo ra pakarati' kano ra rondo' am bokon, maa' raginio kalo mantutuliar kau. Pogogondoo' min noyo guang am niayuk kasagaan min.

1 KORINTUS 12:12

Itakau ondo' mangintopot ri Kristus mogondo' ra inan ru ulun; inan no rondo' ayuk, kaa' masuang tayar. Kabalu' pana masuang tayar, kaa' rondo' ayuk inan no.

1 KORINTUS 6:17

Kaa' ulun ondo' masimpung ra Tuhan, io am Ambiluo ru Tuhan masauk boo rondo'.

GALATIA 3:28

Raino kalo boo nansasala' ulun ru Jaudi am ulun sala' ka Jaudi, ulipon am sala' ka ulipon, kapoam ungkuyon am ruandu'. Sabap ra rondo' kau ayuk ngai' ralalom ri Kristus Jisus.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

1 JUANIS 1:3

Atan ondo' nakito am norongog mai, ginio niayuk pabalaan mai ramuyun. Maa' raginio makaaya' kau ramon ra kaayagan moonsoi, masisimpung ri Ama' am Anak Nano, i Jisus Kristus.

1 JUANIS 5:7

Mokoondo' talu kaintutunan: Ambiluo ri Aki Kapuuno', timug am raraa'. Kaintutunan ru katalu-talu ragitio rondo' ayuk.