JUANIS 17:19 - Tanou Moonsoi Timugon

¹⁹ Taakin Ku kaayagan Kutu Rirun, maa' raginio totopot mampataak ilo ra kaayagan nilo mangandoi ayuk Rirun.

JUANIS 17:19 ပူးပေါင်းရင်းမြစ်များ

JISAYA 62:1

Sabap ra Jirusalim mindagu aku; kalo mongkoror aku saboi ra Jirusalim bayagon, am kamanangan no makatampulau koson ra pilasut bulintok molondom.

JIRIMIA 1:5

“Ra Aku kalo poyo nampasauk rirun ra okou tinayon ru ina' muno, am ra kalo poyo inanak, pinili' am linantik Ku noyo okou masauk ra nabi tayar ra bansa'-bansa'.”

JUANIS 10:36

Aku pinili' am sinusub ri Ama' matong ra tana' ti. Kua indagu kau ra magasab Aku ri Aki Kapuuno' ra ragu Kuli, ‘Aku ti Anak ri Aki Kapuuno'’?

JUANIS 15:13

Kolondo' togom maayo poyo intor ra togom ru sangulun ondo' mampataak ra painawo nano ra rangan nano.

JUANIS 15:3

Kinapasau kano ru pangilaan ondo' pinasaboi Kuno ramuyun.

JUANIS 17:17

Sauko' ilo no ra Ulun Muno ralalom ru katapatan Muno; bala' Mu noyo katapatan.

JUANIS 17:20

“Sala' ka ilo ti ayuk kiasiin Kuno, kaa' niayuk koson ra ngaangai' ulun ondo' mangintopot Raki' ralalom ru kaintutunan nilo ti pana.

2 KORINTUS 4:15

Ngaangai' kaimbalaan no masauk koson ra kaatangan min. Sabap raginio rumuang ulun ondo' makaapu ra kataawan ri Aki Kapuuno', ondo' mulu' poyo maringkuanang am mangurumat ilo ri Aki Kapuuno'.

2 KORINTUS 7:14

Nokopongompor aku no alia ramuyun ra saang nali, am maansayan aku ra kalo tupo nampakauyu' kau raki'. Ngaangai' ragu mai ramuyun motopot ayuk, mogondo' niayuk ra ompoporon maili ri Titus i pana motopot.

2 KORINTUS 8:9

Makapandai kano toojo ra kataawan ru Tuhan takau i Jisus Kristus. Kabalu' pana langkaya' Io, kaa' koson ra kaatangan min, siminauk Io ra musikin, maa' raginio mansail ra kinamusikin nano lumangkaya' kau ra pagilangan ri Aki Kapuuno'.

KOLOSI 1:6

Tanou Moonsoi ti nagibit ra barakat am nakatabual ra ati ayuk intok ra tana' ti, koson niayuk ra tatanga' min. Kataawan poyo ri Aki Kapuuno', ondo' naining min ra kasaa' i, maintutunan min ra atan ginio sotopot no.

1 TISALONIKA 4:7

Kalo piniau takau ri Aki Kapuuno' koson maayag ra pansasawaan, kaa' koson maayag ra mapasau.

2 TIMOTIUS 2:10

Ginio sabap ra tumaan aku ra ngaangai' ti koson ra kaatangan ru ilo ondo' pinili' noyo ri Aki Kapuuno', maa' raginio ilo pana mokoowot ra pamayagan ondo' taakin ralalom inggalan ri Jisus Kristus am ondo' mabaya' ra urumat mantilayun.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

IBRANI 10:29

Mumpara' boo bagat paukumin ra ulun ondo' magasab ra Anak ri Aki Kapuuno' am mangkara' ra kolondo' noyo onong ru raraa' nabantuan ri Aki Kapuuno' ondo' mangampun ra tula nano, am magasab poyo ra Ambiluo ri Aki Kapuuno' ondo' mangasi' riso.

IBRANI 2:11

I Jisus noyo namasau ra ulun intor ra tula nilono, am Io am niayuk ulun pinasau no, rondo' ayuk Ama'. Ginio ra kalo mauyu' i Jisus mangiou risilo ra pabukat Nano.

IBRANI 9:13

Maya' ra kaulayan ru ugama, ulun majamol impasawin ra takisin ulu nilo ra raraa' ru kambing am raraa' ru sapi' ungkuyon am poyo taukin ra kaau ru sapi' ruandu' mamulok sinimbalui.

IBRANI 9:18

Ginio nai ra nabantuan kasaa' i pana iniou mansail ra raraa' ayuk.

IBRANI 9:26

Sabap ra amon ru koson poyo raginio misasaguli' Io potoyon intor ra tana' ti biningkal. Kaa' sotopot no, raino mamaar noyo ra pamupusan, riminatong noyo i Kristus igondo' ayuk koson mampataak ra painawo Nano mamuso ra tula ru ulun am ginio sama' ra sabuoi-buoi no.

1 JUANIS 3:18

Pabukat kau ngaangai'! Togom mino sala' ka raragu ayuk. Itakau musiti' motogom intor ra guang mabanis, ondo' makito ru ulun ralalom baalon takau.

1 JUANIS 3:3

Moonong ulun ondo' malansan ri Kristus, magalung io ra kapasawan ru kaayagan nano mogondo' koson ri Kristus mapasau.