JUANIS 17:17 - Tanou Moonsoi Timugon

¹⁷ Sauko' ilo no ra Ulun Muno ralalom ru katapatan Muno; bala' Mu noyo katapatan.

JUANIS 17:17 ပူးပေါင်းရင်းမြစ်များ

2 SAMUIL 7:28

Ginio ra iou Tuhan Raja', Okou noyo i Aki Kapuuno'! Magail Mu intopoton bantu' Muno, am binantu' Mu noyo raki' baal ondo' moonsoi.

MAZMUR 119:104

Ukum Muno napasauk raki' ra mapintar, ginio ra masisang aku ra ngaangai' paliso malaat.

MAZMUR 119:11

Ukum Muno buliin ku ra guang kuno, maa' raginio kolondo' boo tula kuno Rirun.

MAZMUR 119:144

Inatang Muno masalok matimpok; paratio' aku no maa' raginio maayag aku.

MAZMUR 119:160

Ngaangai' bala' Muno motopot, am nansalinut ukum Muno ra matimpok mantilayun ra sabuoi-buoi no.

MAZMUR 119:9

Tuu' bagu mokoowot ra kaayagan matanda' amon bayag nano sumugut ra panusuban Muno.

MAZMUR 12:6

Indagu Tuhan, “Ulun musikin impayin, am ulun inimbolo' mampalaa. Raino niayuk Aku matong mapalinos maya' ra kasagaan nilono.”

LUKAS 8:11

“Gitio noyo arati' ru abig no: Sampug no am bala' intor ri Aki Kapuuno'.

LUKAS 8:15

Ondo' naratu' ra tana' malabung i, io no ulun ondo' mangkirongog ra bala' no am porondonon nilo ra guang ra matanda'. Mongorot ilo saboi manangkawa'.”

JUANIS 15:3

Kinapasau kano ru pangilaan ondo' pinasaboi Kuno ramuyun.

JUANIS 17:19

Taakin Ku kaayagan Kutu Rirun, maa' raginio totopot mampataak ilo ra kaayagan nilo mangandoi ayuk Rirun.

JUANIS 8:32

Mauligan min i Aki Kapuuno' ondo' motopot am ginio mampalabus ramuyun.”

JUANIS 8:40

Nampasaboi Aku ramuyun ra katapatan ondo' noowot Kuno intor ri Aki Kapuuno', kaa' gumogot kau mamatoi Raki'. I Abragam kalo igondo' pambaal koson raginio!

RINALATAN 15:9

I Aki Kapuuno' kalo manginggi' ra osoi ayuk pana; ulun ru Jaudi kia kapoam sala' ka Jaudi. Ampunon No niayuk tula nilai sabap ra mangintopot ilo.

2 KORINTUS 3:18

Raino bulos takau ngai' kalo nasilian am mapatampulau takau boo ra sinda ru katulayan ru Tuhan. Sinda ru katulayan raginio niayuk ondo' mangulau ritakau masauk nogondo' Riso, koson buoi-kabuoi gumaai sinda ru katulayan takau. Ngaangai' ti intor noyo ra Ambiluo ru Tuhan.

IPISUS 4:21

Naining min noyo Io, am koson ra maamaya' Nano, inila' kano ra katapatan ri Jisus.

IPISUS 5:26

Binaal ri Kristus raginio, maa' raginio maimpasawan ilo no mumbaya' ra bala' Nano am poyo mabaya' ra pamariwan.

2 TISALONIKA 2:13

Pabukat ku ngai' ondo' tagamin ru Tuhan, musiti' akai masalok maringkuanang ri Aki Kapuuno' sabap ra akau, sabap ra pinili' kano ri Aki Kapuuno' ra kasaa' ra bayagon kau. Ralalom ru Ambiluo Nano am pangintapatan min ra katapatan intor ri Aki Kapuuno', sinauk kau ri Aki Kapuuno' ra ulun Nano ondo' mapasau.

JAKUBUS 1:21

Ginio nai ra patiri' noyo ngaangai' kaindalaman ra majamol kapoam malaat. Mabaya' boo ra guang minggana', apuo' noyo bala' ri Aki Kapuuno' ondo' porondonon Nano ra guang min. Sabap ra bala' ragitio noyo ondo' makapamayag ramuyun.