JUANIS 17:13 - Tanou Moonsoi Timugon

¹³ Raino sumaguli' Aku Rirun. Ngaangai' ti raguon Ku buoi Aku soroi ayuk poyo ra tana' ti, koson maansukan ilo toojo mogondo' Raki'.

JUANIS 17:13 ပူးပေါင်းရင်းမြစ်များ

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

MAZMUR 126:5

Gama' ru liliwa' ru ulun no mantangi' ra io mapatias ra sampug, am mangkumos ra ampos no liliwa' maansukan!

MAZMUR 43:4

Aku pana mongoi ra altar Muno, iou Aki Kapuuno', sabap ra Okou noyo puun ru kaansukan kuno; marimbai aku am mangkayus ra jitor, koson mongompor Rirun, iou Aki Kapuuno', i Aki Kapuuno' kuno!

JUANIS 13:3

Nakapandai i Jisus ra ngaangai' kuasa' pinataak noyo ri Ama' Riso. Nakapandai Io niayuk ra minatong Io intor ri Aki Kapuuno' am sumaguli' poyo Riso.

JUANIS 15:11

Ngaangai' ti pinabala' Ku ramuyun, maa' raginio masalok Aku mampakaansuk ramuyun am topot-topot kau maansukan.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

JUANIS 17:11

Raino sumaguli' Aku Rirun. Kalo boo mayan Aku ra tana' ti; kaa' ilo lakat poyo soroi ra tana' ti. Ama' ra matulai! Alungi' ilo noyo ralalom ru kuasa' ru inggalan Mu, ioginio inggalan ondo' pinataak Muno Raki', maa' raginio rondo' guang nilo, nogondo' Rito.

JUANIS 3:29

Koson niayuk ra paguguatan: Ungkuyon uatin mokoowot ra andu'; kaa' mamparangan ra ungkuyon uatin ti ondo' mangkirongog riso pana maansukan. Ginio nai ra raino ti maansukan aku toojo,

JUANIS 7:33

Kaa' indagu i Jisus, “Kalo boo mabuoi Aku soroi ramuyun am sumaguli' Aku Riso ondo' nanusub Raki'.

RINALATAN 13:52

Kaa' naansukan niayuk ulun mangintopot ri Jisus giu' ra Antiokia, am ilo kinuasa' ru Ambiluo ri Aki Kapuuno'.

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

1 JUANIS 1:4

Tulisin mai gitio koson guang takau topot-topot maansukan.

2 JUANIS 1:12

Masuang poyo musiti' pabalaan kuno ramuyun. Kaa' guang ku moonsoi sala' ka tulisin ra surat. Malansan mokoongoi aku galama' tuum am makimansunur ramuyun, maa' boo raginio guang takau topot-topot maansukan.