JUANIS 17:12 - Tanou Moonsoi Timugon

¹² Buoi Aku soroi risilo, inalungan Ku ilo ralalom ru kuasa' ru inggalan Muno – io no kuasa' ondo' pinataak Muno Raki'. Inalungan Ku ilo am kolondo' sangulun pana intor risilo naluus, suai poyo ra sangulun i, ondo' inaru' noyo maluus. Maa' raginio, masugut boo ondo' tinulisan ra Buuk Kitab.

JUANIS 17:12 ပူးပေါင်းရင်းမြစ်များ

MAZMUR 41:9

Mindagu ilo, “Malanjag maruol nano am kalo boo makasukal intor ra kaalangan no.”

JUANIS 13:18

Sala' ka akau ngaangai' kon Kuli. Nakapandai Aku osoi pinili' Kuli. Kaa' ragu ru Buuk Kitab ragitio suguton noyo, ‘Ulun ondo' gumulung Raki' mangakan, tumula' io Raki'.’

JUANIS 17:6

“Pinaulig Tokou noyo ra ulun-ulun ti ondo' pinataak Muno Raki'. Ilo ti longgom Muno, kaa' pinataak Mu ilo Raki' am siminugut ilo ra ragu Muno.

JUANIS 18:9

Minindagu Io raginio, koson nasugut boo ondo' rinagu Nano ragili; ‘Ama', intor ra ulun-ulun ragitio ondo' pinataak Muti Raki', kolondo' sangulun pana maluus.’)

JUANIS 6:37

Moonong ulun ondo' taakin ri Ama' Raki', makaratong Raki'. Kalo inggalarin Ku osoi ayuk pana ondo' matong Raki'.

PILIPI 2:9

Ginio sabap ri Aki Kapuuno' nampainsawat noyo Riso ra intok maatang am nangani' Riso ra kuasa' ondo' maayo poyo intor ra ngaangai' kuasa' ra bokon.

2 TISALONIKA 2:3

Pai' min noyo polosoo' osoi ayuk mamparuung ramuyun ra atan ayuk pana sasaban. Sabap ra kalo poyo masuku' Orou ratangan ru Tuhan Jisus, maaru' gitio galing masauk: Masuang boo ulun tumula' ri Aki Kapuuno' am mintalang boo Ulun Malaat, io ondo' inaru' noyo pasubolon ra naraka.

IBRANI 2:13

Minindagu Io poyo, “Aku lumansan ri Aki Kapuuno'.” Am poyo, “Ilai', Aku giti mabaya' ra pabukat Kuno ondo' pinataak ri Aki Kapuuno' Raki'.”

1 JUANIS 2:19

Pantula' ri Jisus Kristus ondo' nangiruan ritakau, sotopot no sala' ka itakau po ngai'. Amon ru ulun ilo ru itakau, maaru' sumimpung ilo ritakau. Kaa' ilo ti nangiruan ritakau. Gitio mampakito ra kolondo' sangulun pana intor risilo topot-topot ulun takau.

PINAINTALANG 19:12

Mato Nano mapaang koson ra apui am nangkaraun Io ra masuang karaun. Tinulisan Io ra rondo' inggalan ondo' Io galama' ayuk nakapandai ra arati' no.