JUANIS 17:11 - Tanou Moonsoi Timugon

¹¹ Raino sumaguli' Aku Rirun. Kalo boo mayan Aku ra tana' ti; kaa' ilo lakat poyo soroi ra tana' ti. Ama' ra matulai! Alungi' ilo noyo ralalom ru kuasa' ru inggalan Mu, ioginio inggalan ondo' pinataak Muno Raki', maa' raginio rondo' guang nilo, nogondo' Rito.

JUANIS 17:11 ပူးပေါင်းရင်းမြစ်များ

MAZMUR 79:9

Indangano' akai no, iou Aki Kapuuno', mamamayag ramon; ralalom ru katulayan Muno galama', bayago' akai no am ampuno' noyo tula mai.

AMSAL 18:10

Tuhan koson ra manara ondo' mapiot; ra giu' no ulun mabanis guang makitaak ra panindungan.

JISAYA 27:3

“Magalung Aku ra umo no am masalok Ku uasin. Orou rondom Aku mantamung maa' raginio kolondo' sangulun pana mampalipok.

JISAYA 64:2

Gunung no monontol koson ra timug rumiri' ondo' pinarakan ra rasawat ru apui. Ibok noyo patalango' noyo kuasa' Muno ra pantula'-pantula' Muno, am sauko' noyo bansa'-bansa' monontol ra saang Muno.

JIRIMIA 14:21

Karaa' noyo bantu' Muli, pai' akai no asabi'; pai' no luguto' nabantuan Muno ramon. Pai' no asabi' Jirusalim, intok panturungan Muno ondo' matulai.

JIRIMIA 14:7

Mompogolok ulun Kuno Raki', ‘Kabalu' pana tula mai mononsol ramon, iou Tuhan, indangano' akai sumugut ra bantu' Muno. Ruruli' akai no nangiruan Rirun; makatula akai Rirun.

YEHEZKIEL 20:22

Kaa' kalo binaal Ku ginio, sabap baal raginio mangkinibit ra inggalan Kuno asabin ru gino ngai' bansa' ondo' nakakito Raki' nagibit ra ulun ru Israil miningkual intor ra Misir.

YEHEZKIEL 20:44

Paat ra Aku mimbuor koson magalung ra kinoonsoi ru inggalan Kuno, akau ulun ru Israil makapandai ra Aku noyo Tuhan, sabap ra pamakuan Kuno ramuyun nogondo' koson ra binaal mino ondo' mapuka' am malaat.” Tuhan Raja' nakaindagu noyo.

YEHEZKIEL 20:9

Kaa' kalo baalon Ku ginio, sabap ginio mangkinibit ra inggalan Kuno asabin. Giu' ra saang ru mamagun ru Misir, nampatanou Aku noyo ra ulun ru Israil ra maningganai Aku risilo mingkual intor ra Misir.

MATIUS 10:16

“Karaa' min! Susubon takamin koson ra domba giu' ra tatanga' ru taani. Akau musiti' no mapintar koson ra kukuo am moonsoi guang koson ra susuit asang.

MATIUS 5:48

Sauk kano ra ulun matanda', koson ri Ama' min giu' ra suruga' no matanda'.”

MATIUS 6:9

Sotopot no koson ragitio akau makiasi': ‘Ama' mai giu' ra suruga', omporon inggalan Muno.

JUANIS 13:1

Songorou poyo am tumalimpuun Pangiantakan ra Paska. Nakapandai i Jisus ra masaboi noyo paat Nano mangiruan ra tana' ti sumaguli' ra Ama' Nano. Masalok Io monogom ra maamaya' Nano, am tinagaman No ilo saboi ra pupus.

JUANIS 13:3

Nakapandai i Jisus ra ngaangai' kuasa' pinataak noyo ri Ama' Riso. Nakapandai Io niayuk ra minatong Io intor ri Aki Kapuuno' am sumaguli' poyo Riso.

JUANIS 14:20

Masuku' orou raginio, bagu no makapandai kau ra masimpung Aku ri Ama', am akau pana masimpung Raki', mogondo' niayuk ra Aku masimpung ramuyun.

JUANIS 16:28

Aku ti intor ri Ama' am nakaratong noyo ra tana' ti, kaa' raino iruanin Ku tana' ti am sumaguli' Aku Riso.”

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

JUANIS 17:23

Aku masimpung risilo am Okou masimpung Raki'; maa' raginio totopot ilo rondo' guang. Makatutun boo ulun ru tana' ti ra Okou no nanusub Raki' am motogom Kou risilo nogondo' ra Okou motogom Raki'.

JUANIS 17:25

Ama' ra motopot, kalo mauligan Kou ru ulun ru tana' ti, kaa' Aku makaulig Rirun, am ngaangai' ulun ragitio niayuk nakapandai ra Okou no nanusub Raki'.

JUANIS 17:6

“Pinaulig Tokou noyo ra ulun-ulun ti ondo' pinataak Muno Raki'. Ilo ti longgom Muno, kaa' pinataak Mu ilo Raki' am siminugut ilo ra ragu Muno.

JUANIS 7:33

Kaa' indagu i Jisus, “Kalo boo mabuoi Aku soroi ramuyun am sumaguli' Aku Riso ondo' nanusub Raki'.

RINALATAN 3:21

Io musiti' mayan ra limbowon saboi talimbaguin ri Aki Kapuuno' ngaangai' no, koson ra rinagu ri Aki Kapuuno' ondo' pinabala' galing ra nabi-nabi matulai Nano paat ra galing i.

ROMA 12:5

Koson niayuk ra itakau ulun, kabalu' pana masuang, kaa' itakau rondo' ayuk ralalom pasimpungan takau ri Kristus. Masisimpung takau ra rondo' am bokon koson ra tayar masimpung ra rondo' inan.

ROMA 9:17

Sabap ra tinulisan noyo ra Buuk Kitab, kon ri Aki Kapuuno' ra raja' Misir, “Pinasauk tokou ra raja' maa' raginio ralalom rirun mampakito Aku ra kuasa' Kuno, am maa' raginio inggalan Kuno mauligan ra ati-ati ayuk ra tana' ti.”

1 KORINTUS 1:10

Pabukat kau ngaangai'. Ralalom inggalan ru Tuhan takau, i Jisus Kristus, kitaakon ku toojo ra pakarati' kano ra rondo' am bokon, maa' raginio kalo mantutuliar kau. Pogogondoo' min noyo guang am niayuk kasagaan min.

GALATIA 3:28

Raino kalo boo nansasala' ulun ru Jaudi am ulun sala' ka Jaudi, ulipon am sala' ka ulipon, kapoam ungkuyon am ruandu'. Sabap ra rondo' kau ayuk ngai' ralalom ri Kristus Jisus.

IPISUS 4:4

Rondo' ayuk inan am rondo' ayuk Ambiluo ri Aki Kapuuno', mogondo' niayuk ra rondo' kalansanan mino ra akau piniau ri Aki Kapuuno'.

PILIPI 2:9

Ginio sabap ri Aki Kapuuno' nampainsawat noyo Riso ra intok maatang am nangani' Riso ra kuasa' ondo' maayo poyo intor ra ngaangai' kuasa' ra bokon.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

IBRANI 9:24

Ginio sabap ri Kristus kalo minumpos ra Intok Matulai binaal ru ulun ondo' tumilu ra Intok Matulai ra sotopot no. Kaa' minumpos Io ra suruga' am soroi Io ra giu' no raino koson makiindangan Io ri Aki Kapuuno' ritakau.

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

1 JUANIS 3:12

Pai' takau tiluo' paliso ri Kain. Nakaaya' io ra Tingganai ru riwato am namatoi io ra boborok nano galama' ondo' ininggalanan ri Abil. Kua potoyo' ri Kain boborok nali? Sabap ra ondo' binaal nali kalo motopot kaa' ondo' binaal ru boborok nali motopot.

1 JUANIS 5:19

Nakapandai takau ra itakau ti intor ri Aki Kapuuno', kabalu' pana ngaangai' ulun ru tana' ti kinuasa' ru Tingganai ru riwato.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus:

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”

PINAINTALANG 19:12

Mato Nano mapaang koson ra apui am nangkaraun Io ra masuang karaun. Tinulisan Io ra rondo' inggalan ondo' Io galama' ayuk nakapandai ra arati' no.

PINAINTALANG 4:8

Moonong ru apat ilo ondo' maayag no mokoondo' onom kawo nilo sigagama', ondo' ralimbou am ralalom pana natitip ra mato. Orou-rondom kalo lumonggo' ilo marimbai: “Mapasau, mapasau, mapasau noyo Tuhan, i Aki Kapuuno' Maayo Kaga' Kuasa', ondo' galing i soroi, raino am pupus no pana soroi.”