JUANIS 17:10 - Tanou Moonsoi Timugon

¹⁰ Ngaangai' ulun ondo' longgom Kuno, longgom Muno niayuk; am ngaangai' ulun ondo' longgom Muno, longgom Ku niayuk. Ralalom risilo katulayan Kuno pakitonon.

JUANIS 17:10 ပူးပေါင်းရင်းမြစ်များ

JUANIS 10:30

Aku am i Ama' no rondo' ayuk.”

JUANIS 11:4

Pakaining i Jisus ra bilin i, indagu Io, “Maruol ragitio kalo mangkinibit ra kapatayan; kaa' masauk baal ragitio maa' raginio katulayan ri Aki Kapuuno' am Anak Nano pakitonon.”

JUANIS 12:23

Indagu i Jisus risilo, “Nasuku' noyo orou ra Anak ru Ulun katulayon.

JUANIS 5:23

Ginio sinauk No koson ngaangai' ulun mangurumat ra Anak nogondo' ra ilo mangurumat ra Ama'. Osoi ayuk kalo mangurumat ra Anak, kalo niayuk mangurumat ra Ama' ondo' nanusub Riso.

RINALATAN 19:17

Ngaangai' ulun ru Jaudi am sala' ka Jaudi ondo' minayan ra Ipisus i nangalaa' paat ra ilo nokorongog ra nasauk i. Ginio ra inggalan ru Tuhan Jisus ti inompor poyo.

GALATIA 1:24

Ilo pana nongompor boo ri Aki Kapuuno' sabap ra ondo' nasauk raki'.

PILIPI 1:20

Sabap ragitio noyo kaandaman am kalansanan ru guang kuno ra kolondo' rondo' pana kandoi kuno mampakauyu' raki'. Masalok aku niayuk moondom, am mulu' poyo raino, makakau' toojo mapatulai ri Kristus ralalom kiralan ru kaayagan kuno – iou ra maayag aku kapoam matoi.

KOLOSI 2:9

Sabap ra ngaangai' paliso ri Aki Kapuuno' rumondon ri Kristus, paat ra Io naayag ra tana' ti pana.

2 TISALONIKA 1:10

Paat ra Orou ratangan Nano katulayon Io ru ngaangai' ulun Nano, am urumaton Io ru ngaangai' ulun ondo' mangintopot Riso. Akau pana makasimpung risilo, sabap ra nangintopot kano ra tanou ondo' pinasaboi maili.

2 TISALONIKA 1:12

Maa' boo raginio inggalan ru Tuhan takau, i Jisus, katulayon min am akau pana katulayon No, mabaya' ra kataawan ri Aki Kapuuno' takau am ru Tuhan Jisus Kristus.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.