JUANIS 17:1 - Tanou Moonsoi Timugon

¹ Kopongo i Jisus minindagu raginio, pantingaa' Io ra limbowon am indagu, “Ama', raino nasuku' noyo paat ra ondo' inaru' no. Katulayo' Anak Mutu, maa' raginio Anak mampatulai Rirun.

JUANIS 17:1 ပူးပေါင်းရင်းမြစ်များ

MAZMUR 123:1

Rimbai ru ratangan. Mampulolou aku ra suruga', intokon Muno mamarinta; makiasi' aku Rirun, iou Tuhan.

JISAYA 38:14

Bolos kuno lumuku am malawo, malumpus aku koson ra susuit asang. Mato kuno maagui sabap ra mantingaa' ra limbowon. Iou Tuhan, bayago' aku no intor ra nansalinut kapaganan ragitio.

MARKUS 14:41

Paat ra kaintalu Io siminaguli', indagu i Jisus, “Lakat ayuk poyo mombolong am tumangus kau kia? Sama' noyo! Nasuku' noyo ra Anak ru Ulun pataakin ra kuasa' ru ulun makatula.

LUKAS 18:13

Kaa' mampalulur ra cukai no giu' ayuk ra tinaulian am kalo makakau' mantingaa' ra suruga'. Luntugo' no kubab sabap ra mangiluk guang nali liliwa' minindagu, ‘Aki Kapuuno', pakaasi' no raki' ulun makatula ti!’ ”

LUKAS 22:53

Moonong orou soroi Aku giu' ra Baloi Tuhan mabaya' ramuyun am kalo rinakop min Aku. Kaa' gitio noyo kaluagan min, paat ra kuasa' ru molondom mamarinta.”

JUANIS 11:4

Pakaining i Jisus ra bilin i, indagu Io, “Maruol ragitio kalo mangkinibit ra kapatayan; kaa' masauk baal ragitio maa' raginio katulayan ri Aki Kapuuno' am Anak Nano pakitonon.”

JUANIS 11:41

Insiro' nilo boo batu i. Pantingaa' boo i Jisus ra limbowon am indagu, “Ama', paringkuanangan Ku Rirun, sabap ra rinongog Mu noyo pakiasian Kuno.

JUANIS 12:23

Indagu i Jisus risilo, “Nasuku' noyo orou ra Anak ru Ulun katulayon.

JUANIS 13:1

Songorou poyo am tumalimpuun Pangiantakan ra Paska. Nakapandai i Jisus ra masaboi noyo paat Nano mangiruan ra tana' ti sumaguli' ra Ama' Nano. Masalok Io monogom ra maamaya' Nano, am tinagaman No ilo saboi ra pupus.

JUANIS 16:32

Paat no masuku', am sotopot no nasuku' noyo, ra akau pantutuliaron am muli' ra intok min sigagama'. Tatangon min Aku misasangulun. Kabalu' pana koson raginio, kalo misasangulun Aku sabap ra i Ama' mabaya' Raki'.

JUANIS 7:30

Ginio ra nangkinam ilo pamparakop Riso, kaa' kolondo' sangulun pana makakau' mampaguut Riso, sabap ra kalo poyo nasuku' orou inaru' no.

JUANIS 7:39

Kon Nano am Ambiluo ri Aki Kapuuno' ondo' pootoron ra osoi ayuk ondo' mangintopot Riso. Kaa' paat ragili Ambiluo ti kalo poyo pinaator sabap ra katulayan ri Jisus kalo poyo pinatalang.)

JUANIS 8:20

Ngaangai' ti rinagu ri Jisus paat ra Io nangila' giu' ra Baloi Tuhan, maar ra kaban papataakan no. Kaa' kolondo' sangulun pana namparakop Riso, sabap ra kalo poyo nasuku' orou Nano.

RINALATAN 3:13

I Aki Kapuuno' ondo' sambaan ri Abragam, Isak am Jakub, am kinamatuaan takali, nampatulai noyo ra Ulipon Nano, i Jisus. I Jisus noyo ondo' pinataak min ra kuasa' ru parinta min, am kalo inapu min Io paat Io inibit ra saang ri Pilatus, kabalu' pana i Pilatus makaguang mampalabus Riso.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.