JUANIS 16:27 - Tanou Moonsoi Timugon

²⁷ sabap ri Ama' galama' motogom ramuyun. Motogom Io ramuyun sabap ra motogom kau Raki' am mangintopot kau ra minatong Aku intor Riso.

JUANIS 16:27 ပူးပေါင်းရင်းမြစ်များ

JIPANYA 3:17

Tuhan, i Aki Kapuuno' min mabaya' ramuyun; namanang kau sabap ra kuasa' Nano. Naansukan Tuhan am naansayan sabap akau; nangani' Io ramuyun ra kaayagan bagu sabap ra motogom Io ramuyun. Napabansuk kau ra guang Nano, am Io pana marimbai ra maansukan,

MATIUS 10:37

“Osoi ayuk motogom poyo ra ama' am ina' nano ka Aku kalo sama' io masauk ra maamaya' Kuno. Koson niayuk ra osoi ayuk motogom poyo ra anak ungkuyon kapoam anak ruandu' nano ka Aku kalo sama' io masauk ra maamaya' Kuno.

JUANIS 14:21

Osoi ayuk mangapu am sumugut ra pansusuban Kuno, io no ondo' motogom Raki'. Am osoi ayuk motogom Raki' tagamin io ru Ama' Kuno, am Aku pana motogom riso am paintalangon Ku riso osoi Aku sotopot no.”

JUANIS 14:23

Taam i Jisus, “Osoi ayuk motogom Raki', sumugut io ra ragu Kuno. Tagamin io ru Ama' Kuno am matong Akai ruo sumimpung ra ulun no.

JUANIS 16:30

Raino nakatutun akai no ra Okou makapandai ra ngaangai' am kolondo' boo pangkuatan mai Rirun. Ginio boo ra akai mangintopot ra Okou intor ri Aki Kapuuno'.”

JUANIS 17:23

Aku masimpung risilo am Okou masimpung Raki'; maa' raginio totopot ilo rondo' guang. Makatutun boo ulun ru tana' ti ra Okou no nanusub Raki' am motogom Kou risilo nogondo' ra Okou motogom Raki'.

JUANIS 2:11

Ondo' binaal ri Jisus ra Kana, libung ru Galilia, kaimuagan kasaa' Nali. Ginio ra nampakito Io ra Io ti matulai am nangintopot maamaya' Nano Riso.

JUANIS 3:13

Kolondo' sangulun pana nakaaloi ra suruga', suai Anak ru Ulun ayuk, ondo' timinuun intor ra suruga'.

JUANIS 7:29

Aku makaulig Riso, sabap ra Io noyo ondo' nanusub Raki' am Aku ti minatong intor Riso.”

JUANIS 8:42

Kon ri Jisus risilo, “Amon ru totopot i Aki Kapuuno' no Ama' min, tagamin min Aku, sabap ra minatong Aku intor ri Aki Kapuuno' am raino soroi Aku. Kalo minatong Aku maya' ra kasagaan Kuno galama', kaa' sinusub No Aku.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

1 KORINTUS 15:47

I Adam kasaa' binaal intor ra tana', kaa' i Adam kainduo no, intor ra suruga'.

1 KORINTUS 16:22

Osoi ayuk kalo motogom ri Tuhan Jisus, ukumin io ri Aki Kapuuno'! Maranata, arati' no ‘O Tuhan mai, ratong no!’

2 KORINTUS 5:14

Sabap ra togom ri Kristus nanguasa' ramon. Makatutun akai ra amon ru kapatayan ru sangulun koson ra alig ru ngaangai' ulun, arati' ru ginio, koson moonong ulun minatoi nabaya' riso.

GALATIA 4:4

Kaa' paat ra nasuku' nangaruan Nali, nangator i Aki Kapuuno' ra Anak Nano galama'. Io ti inanak ru sangulun ruandu' am giminagaya' Io niayuk ra Ukum ri Musa,

IPISUS 6:24

Gama' ru i Aki Kapuuno' mambarakat ra ngaangai' ulun ondo' mantilayun monogom ri Jisus Kristus, Tuhan takau.

1 TIMOTIUS 1:15

Motopot ragu ragitio koson maapu am maintopot toojo ra, “I Jisus Kristus minatong ra tana' ti minongoi pamayag ra ulun makatula.” Am aku ti noyo maayo kaga' tula intor ra ngaangai' ulun.

IBRANI 12:6

Sabap ra moonong ulun tagamin Nano loposon am ilaan No poyo, am mampakaruol Io niayuk ra moonong ulun ondo' sabiton No ra anak Nano.”

1 PITRUS 1:8

Motogom kau Riso, iou pana kalo poyo nakakito kau Riso. Mangintopot kau Riso, kabalu' ra kalo makakito kau Riso raino. Am maansukan kau kaga' mabaya' ra bansuk ondo' kalo noyo maalap karagu.

1 JUANIS 4:19

Mokotogom takau sabap ra i Aki Kapuuno' nakapagulu motogom ritakau.

PINAINTALANG 3:19

Sawayon am patandaan ku ngaangai' ondo' tagamin Kuno. Sabap raginio, pirot no am talikur no intor ra tula mino.

PINAINTALANG 3:9

Karaan min gitio! Maamaya' ru Tingganai ru riwato am migiangku ra ulun ru Jaudi, ondo' sotopot no sala' ka Jaudi, saukon Ku ilo ti matong ramuyun am sumamba ra saang mino. Bagu no makapandai ilo ra motogom Aku ramuyun.